സോളാർ: നിയമസഭ വിളിക്കാനുള്ള തീരുമാനം സ്വാഗതാർഹം -തിരുവഞ്ചൂർ

കോട്ടയം: സോളാർ കമീഷൻ റിപ്പോർട്ട് ചർച്ചചെയ്യാൻ പ്രത്യേക നിയമസഭ യോഗം വിളിക്കാനുള്ള സർക്കാർ തീരുമാനം സ്വാഗതാർഹമാ​െണന്ന് തിരുവഞ്ചൂർ രാധാകൃഷ്ണൻ എം.എൽ.എ. വിശദ ചർച്ചയിലൂടെ സത്യം ജനങ്ങൾ അറിയട്ടെ. ഇതിനെ കോൺഗ്രസോ യു.ഡി.എഫോ ഭയക്കുന്നില്ല. വിഷയത്തിൽ  യു.ഡി.എഫ് ഒറ്റക്കെട്ടാണ്.

കുറ്റക്കാർക്കെതിരെ എന്തൊക്കെ നടപടിയെടുക്കണമെന്നതും കമീഷൻ റിപ്പോർട്ടി​​െൻറ ഭാഗമാണ്. നടപടി മാത്രം പരസ്യപ്പെടുത്തുകയും ബാക്കിയുള്ളവ രഹസ്യമായി സൂക്ഷിക്കുകയും ചെയ്യുന്നത് ശരിയല്ല. അതുകൊണ്ടാണ്​ തങ്ങൾ  റിപ്പോർട്ട് പരസ്യപ്പെടുത്തണമെന്ന്​ ആവശ്യപ്പെടുന്നത്​. റി​േപ്പാർട്ടിനെ ഭയക്കുന്നി​ല്ലെന്നും അദ്ദേഹം വാർത്തസമ്മേളനത്തിൽ പറഞ്ഞു. 

വി.ഡി. സതീശ​​െൻറ പ്രസ്താവനയുമായി ബന്ധപ്പെട്ട ചോദ്യത്തിന്​, പാർട്ടി പ്രതിസന്ധിയിലൂടെ കടന്നു പോകുമ്പോൾ പ്രവർത്തകരെ മുൾമുനയിൽ നിർത്തുന്ന നടപടി ശരിയല്ലെന്ന്   തിരുവഞ്ചൂർ പറഞ്ഞു