നൂറ്റാണ്ടിന്‍റെ ചരിത്രവുമായി ബുദ്ധ ജങ്ഷനിലെ പുത്രനച്ഛൻ

മാ​വേ​ലി​ക്ക​ര: ബു​ദ്ധ ജ​ങ്ഷ​നി​ൽ മ​ണ്ഡ​പം ഒ​രു​ക്കി മാ​വേ​ലി​ക്ക​ര​യു​ടെ പു​ത്ര​ന​ച്ഛ​നെ സ്ഥാ​പി​ച്ചി​ട്ട് ഒ​രു നൂ​റ്റാ​ണ്ട്. ശ്രീ​ബു​ദ്ധ പ്ര​തി​മ പു​നഃ​പ്ര​തി​ഷ്ഠ ശ​താ​ബ്ദി ആ​ഘോ​ഷ സ​മി​തി​യു​ടെ നേ​തൃ​ത്വ​ത്തി​ൽ ഒ​രു വ​ർ​ഷം നീ​ളു​ന്ന ശ​താ​ബ്ദി ആ​ഘോ​ഷ​ത്തി​നു ഡി​സം​ബ​ർ എ​ട്ടി​നു തു​ട​ക്ക​മാ​കും. കേ​ര​ള​ത്തി​ൽ വ​ള​രെ അ​പൂ​ർ​വ​മാ​യി​ട്ടു​ള്ള ബു​ദ്ധ​പ്ര​തി​മ കൃ​ഷ്ണ​സ്വാ​മി ക്ഷേ​ത്ര​ത്തി​ന​ടു​ത്തു​ള്ള ബു​ദ്ധ​ജ​ങ്ഷ​നി​ലാ​ണ് സ്ഥാ​പി​ച്ച​ത്. സം​സ്ഥാ​ന പു​രാ​വ​സ്തു വ​കു​പ്പി​ന്‍റെ സം​ര​ക്ഷി​ത സ്മാ​ര​ക​മാ​ണ് പ്ര​തി​മ.

ഓ​ണാ​ട്ടു​ക​ര​യി​ൽ ബു​ദ്ധ​മ​തം ശ​ക്ത​മാ​യി പ്ര​ച​രി​ച്ച കാ​ല​ത്ത് നി​ർ​മി​ച്ച​തെ​ന്നു ച​രി​ത്ര​കാ​ര​ന്മാ​ർ അ​വ​കാ​ശ​പ്പെ​ടു​ന്ന ബു​ദ്ധ​പ്ര​തി​മ 1923ലാ​ണു മ​ണ്ഡ​പം ഒ​രു​ക്കി മാ​വേ​ലി​ക്ക​ര ബു​ദ്ധ ജ​ങ്ഷ​നി​ൽ സ്ഥാ​പി​ച്ച​ത്. പു​രാ​വ​സ്തു വ​കു​പ്പ് ഇ​വി​ടെ സ്ഥാ​പി​ച്ച ഫ​ല​ക​ത്തി​ൽ പ​ത്താം നൂ​റ്റാ​ണ്ടി​ലേ​താ​ണ് പ്ര​തി​മ എ​ന്നു പ​റ​യു​ന്നു. നൂ​റ്റാ​ണ്ടു​ക​ൾ​ക്കു മു​മ്പ്​ ക​ണ്ടി​യൂ​രി​ൽ അ​ച്ച​ൻ​കോ​വി​ലാ​റി​ന്റെ തീ​ര​ത്തു ക​മ​ഴ്ന്നു കി​ട​ന്ന ബു​ദ്ധ പ്ര​തി​മ ക​ണ്ടെ​ത്തി ശ്രീ​കൃ​ഷ്ണ ക്ഷേ​ത്ര​ത്തി​നു സ​മീ​പം സ്ഥാ​പി​ച്ചു.

മാ​വേ​ലി​ക്ക​ര മേ​ഖ​ല​യി​ൽ സ​ജീ​വ​മാ​യി​രു​ന്ന ബു​ദ്ധ​മ​തം ക്ഷ​യി​ച്ച​തോ​ടെ ബു​ദ്ധ പ്ര​തി​മ പു​ഞ്ച​യോ​ടു ചേ​ർ​ന്നു സ്ഥാ​പി​ച്ച​താ​യാ​ണു ച​രി​ത്ര​കാ​ര​ന്മാ​രു​ടെ ക​ണ്ടെ​ത്ത​ൽ. ഈ ​പ്ര​തി​മ പ​ഴ​യ കേ​ര​ള​ത്തി​ലെ ബു​ദ്ധ​മ​ത നാ​ഗ​രി​ക​ത​യു​ടെ ഓ​ർ​മ​പ്പെ​ടു​ത്ത​ൽ കൂ​ടി​യാ​ണ്. എ​ന്നാ​ൽ അ​ന്ന് വി​ഗ്ര​ഹ​ത്തി​നു ഉ​ചി​ത സ്ഥാ​നം ന​ൽ​ക​ണ​മെ​ന്നു പ​ല​ർ​ക്കും ആ​ഗ്ര​ഹ​മു​ണ്ടാ​യി​രു​ന്നെ​ങ്കി​ലും ന​ട​ന്നി​ല്ല. വ​ർ​ഷ​ങ്ങ​ൾ​ക്കു ശേ​ഷം മാ​വേ​ലി​ക്ക​ര​യി​ൽ മ​ജി​സ്ട്രേ​ട്ട് ആ​യി എ​ത്തി​യ ആ​ണ്ടി​പ്പി​ള്ള​യു​ടെ ക​ണ്ടി​യൂ​രി​ലെ വീ​ട്ടി​ൽ വി​ദ്യാ​ധി​രാ​ജ ച​ട്ട​മ്പി സ്വാ​മി സ​ന്ദ​ർ​ശ​ന​ത്തി​ന് എ​ത്തി​യ​പ്പോ​ഴാ​ണ് ചി​ല​ർ പ്ര​തി​മ​യു​ടെ കാ​ര്യം ശ്ര​ദ്ധ​യി​ൽ പെ​ടു​ത്തി​യ​ത്. സ്വാ​മി​യു​ടെ നി​ർ​ദേ​ശ പ്ര​കാ​രം ആ​ണ്ടി​പ്പി​ള്ള തി​രു​വി​താം​കൂ​ർ ദി​വാ​ൻ ആ​യി​രു​ന്ന രാ​ഘ​വ​യ്യ​യെ വി​വ​ര​ങ്ങ​ൾ ധ​രി​പ്പി​ച്ചു. തു​ട​ർ​ന്ന് ദി​വാ​ന്റെ ഉ​ത്ത​ര​വു പ്ര​കാ​രം പ്ര​തി​മ ശ്രീ​കൃ​ഷ്ണ ക്ഷേ​ത്ര​ത്തി​നു സ​മീ​പം സ്ഥാ​പി​ച്ചു. മാ​വേ​ലി​ക്ക​ര കൊ​ട്ടാ​ര​ത്തി​ൽ നി​ന്ന്​ അ​തി​നാ​യി മ​ണ്ഡ​പ​വും നി​ർ​മി​ച്ചു ന​ൽ​കി. ബു​ദ്ധ വി​ഗ്ര​ഹ​ത്തി​നു പീ​ഠം ഉ​ൾ​പ്പെ​ടെ മൂ​ന്ന​ടി​യോ​ളം ഉ​യ​ര​മു​ണ്ട്. യോ​ഗാ​സ​ന​സ്ഥ രീ​തി​യി​ലു​ള്ള വി​ഗ്ര​ഹ​ത്തി​ൽ ജ്വാ​ല, ഉ​ഷ്ണീ​ഷം, ഉ​ത്ത​രീ​യം എ​ന്നീ ബൗ​ദ്ധ ല​ക്ഷ​ണ​ങ്ങ​ളു​ണ്ട്.

ശ​താ​ബ്ദി ആ​ഘോ​ഷ ഭാ​ഗ​മാ​യി ഡി​സം​ബ​ർ എ​ട്ടി​ന് വൈ​കി​ട്ട് നാ​ലി​ന് ആ​ഘോ​ഷ​ങ്ങ​ൾ​ക്കു തു​ട​ക്ക​മാ​കും. ബു​ദ്ധ ചി​ത്ര​ര​ച​ന, ബു​ദ്ധ ക​വി​ത​ക​ൾ ഉ​ൾ​പ്പെ​ടു​ത്തി ക​വി​യ​ര​ങ്ങ്, 100 ചി​രാ​ത് തെ​ളി​ക്ക​ൽ ഉ​ൾ​പ്പെ​ടെ പ​രി​പാ​ടി​ക​ളോ​ടെ തു​ട​ക്ക​മാ​കു​ന്ന ശ​താ​ബ്ദി ആ​ഘോ​ഷ​ത്തി​ന്റെ ഭാ​ഗ​മാ​യി ബു​ദ്ധ​പ്ര​തി​മ ആ​ദ്യം കാ​ണ​പ്പെ​ട്ട ക​ണ്ടി​യൂ​ർ, പി​ന്നീ​ടു കാ​ണ​പ്പെ​ട്ട ഇ​പ്പോ​ഴ​ത്തെ ടി.​കെ.​മാ​ധ​വ​ൻ സ്മാ​ര​ക ന​ഗ​ര​സ​ഭ പാ​ർ​ക്ക് എ​ന്നി​വി​ട​ങ്ങ​ളി​ലും പ​രി​പാ​ടി​ക​ൾ ന​ട​ത്തും. ശ​താ​ബ്ദി ആ​ഘോ​ഷ ന​ട​ത്തി​പ്പി​നാ​യി ച​രി​ത്ര​ഗ​വേ​ഷ​ക​ൻ ജോ​ർ​ജ് ത​ഴ​ക്ക​ര (ചെ​യ​ർ​മാ​ൻ), ചി​ത്ര​കാ​ര​ൻ ആ​ർ.​പാ​ർ​ഥ​സാ​ര​ഥി വ​ർ​മ (ജ​ന​റ​ൽ ക​ൺ​വീ​ന​ർ), എ​സ്.​അ​ഖി​ലേ​ഷ് (പ്രോ​ഗ്രാം ചെ​യ​ർ​മാ​ൻ), ബി​നു ത​ങ്ക​ച്ച​ൻ (ക​ൺ​വീ​ന​ർ) എ​ന്നി​വ​രു​ടെ നേ​തൃ​ത്വ​ത്തി​ൽ ക​മ്മി​റ്റി രൂ​പ​വ​ത്​​ക​രി​ച്ചു പ്ര​വ​ർ​ത്ത​ന​ങ്ങ​ൾ തു​ട​ങ്ങി.