യുവതിക്കെതിരെ മോശം പരാമർശം: സൂരജ് പാലാക്കാരൻ മുൻകൂർ ജാമ്യം തേടി

കൊച്ചി: യുവതിക്കെതിരെ മോശം പരാമർശങ്ങൾ നടത്തിയെന്ന കേസിൽ യുട്യൂബർ മുൻകൂർ ജാമ്യം തേടി ഹൈകോടതിയിൽ. ക്രൈം എഡിറ്റർ ടി.പി. നന്ദകുമാറിനെതിരെ പരാതിനൽകിയ യുവതിക്കെതിരെ അപകീർത്തി പരാമർശങ്ങൾ നടത്തിയെന്ന കേസിലാണ്​ പാലാ സ്വദേശി സൂരജ് വി.സുകുമാർ എന്ന സൂരജ് പാലാക്കാരൻ ഹരജി നൽകിയത്​.

ഹരജി പരിഗണിച്ച ജസ്റ്റിസ്​ ബെച്ചു കുര്യൻ തോമസ്​ കേസിൽ പരാതിക്കാരിയെ സ്വമേധയാ കക്ഷിചേർത്തു. ഹരജി ബുധനാഴ്ച പരിഗണിക്കാൻ മാറ്റി.

ക്രൈ ഓൺലൈൻ മാനേജിങ് ഡയറക്ടർ ടി.പി. നന്ദകുമാറിനെതിരെ പരാതി നൽകിയ അടിമാലി സ്വദേശിനിയുടെ പരാതിയിലാണ് സൂരജിനെതിരെയും കേസെടുത്തിരിക്കുന്നത്. കഴിഞ്ഞ ദിവസം ഇയാളെ അന്വേഷിച്ച് പൊലീസ് വീട്ടിലെത്തിയിരുന്നെങ്കിലും സ്ഥലത്തില്ലായിരുന്നു.