ക്ഷ​മി​ക്ക​ണം, ‘സി​റാ​ജു​ന്നീ​സ’ ഇ​ന്നൊ​രു റോ​ഡാ​ണ്

പാ​ല​ക്കാ​ട്: ‘‘വീ​ട്ടു​മു​റ്റ​ത്ത് എ​​ന്റെ മ​ക്ക​ളാ​യ സു​ൽ​ഫ​ത്തി​​നും ഷ​മീ​മ​ക്കും ഒ​പ്പം ക​ളി​ച്ചു​കൊ​ണ്ടി​രി​ക്കു​ക​യാ​യി​രു​ന്നു സി​റാ​ജു​ന്നീ​സ. പ​തി​യെ ഇ​രു​ന്നി​ട​ത്തു​നി​ന്ന് എ​ഴു​ന്നേ​റ്റു​നി​ന്ന ഉ​ട​ൻ വ​ലി​യ വെ​ടി​ശ​ബ്ദം. അ​വ​ൾ നി​ല​ത്തു​വീ​ണ് പി​ട​ഞ്ഞു. എ​ന്താ​ണ് സം​ഭ​വി​ച്ച​തെ​ന്ന് മ​ന​സ്സി​ലാ​കാ​തെ ഞാ​ൻ അ​ടു​ത്തെ​ത്തി​യ​പ്പോ​ൾ അ​വ​ളു​ടെ മു​ഖ​മാ​കെ ചോ​ര​യി​ൽ കു​തി​ർ​ന്നി​രു​ന്നു.

മൂ​ക്കി​ന്റെ ദ്വാ​ര​ത്തി​ലൂ​ടെ ക​ട​ന്ന് ത​ല​യോ​ട്ടി പി​ള​ർ​ന്ന് വെ​ടി​യു​ണ്ട തെ​റി​ച്ചു​പോ​യ അ​വ​സ്ഥ. സി​റാ​ജു​ന്നീ​സ​യു​ടെ അ​മ്മാ​വ​നും എ​ന്റെ ഭ​ർ​ത്താ​വു​മാ​യ സു​ലൈ​മാ​നെ വി​ളി​ക്കാ​ൻ ക​ര​ഞ്ഞു​കൊ​ണ്ട് ഞാ​ൻ ഓ​ടി. അ​ദ്ദേ​ഹ​മെ​ത്തി അ​വ​ളെ താ​ങ്ങി​യെ​ടു​ത്ത് ആ​ശു​പ​ത്രി​യി​ലേ​ക്ക് വാ​ഹ​നം കി​ട്ടാ​നാ​യി പാ​ഞ്ഞു. കൂ​ടി​നി​ന്ന പൊ​ലീ​സു​കാ​ർ അ​ദ്ദേ​ഹ​ത്തെ പൊ​തി​രെ ത​ല്ലി. കു​ട്ടി​ക്ക് വെ​ടി​യേ​റ്റു​വെ​ന്ന് അ​ദ്ദേ​ഹം വി​ളി​ച്ചു​ പ​റ​യു​ന്നു​ണ്ടാ​യി​രു​ന്നു.

ഉ​ട​ൻ പൊ​ലീ​സ് ജീ​പ്പി​ൽ ക​യ​റ്റി ജി​ല്ല ആ​ശു​പ​ത്രി​യി​ലേ​ക്കു പോ​യി. എ​ങ്കി​ലും എ​ല്ലാം ക​ഴി​ഞ്ഞി​രു​ന്നു’ - പൊ​ലീ​സ് വെ​ടി​വെ​ച്ചു കൊ​ന്ന പ​തി​നൊ​ന്നു​വ​യ​സ്സു​കാ​രി സി​റാ​ജു​ന്നീ​സ​യു​ടെ അ​മ്മാ​യി സൗ​രി​യ​ത്തി​ന്, 1991 ഡി​സം​ബ​ർ 15ലെ ​കാ​ഴ്ച​ക​ൾ മ​റ​ക്കാ​നാ​വി​ല്ല. കേ​ര​ള​ത്തി​ലെ ഏ​റ്റ​വും വ​ലി​യ പൊ​ലീ​സ് ഭീ​ക​ര​ത​ക​ളി​ലൊ​ന്ന് എ​ന്ന് വി​ശേ​ഷി​പ്പി​ക്ക​പ്പെ​ട്ട സി​റാ​ജു​ന്നീ​സ വ​ധ​ത്തി​ന് ഇ​ന്ന് 33 വ​യ​സ്സ്. പു​തു​പ്പ​ള്ളി​ത്തെ​രു​വി​ൽ സി​റാ​ജു​ന്നീ​സ വെ​ടി​യേ​റ്റു​വീ​ണ തെ​രു​വ് ഇ​പ്പോ​ൾ ‘സി​റാ​ജു​ന്നീ​സ റോ​ഡാ’​ണ്.

ക​ലാ​പ​ത്തി​ന് കോ​പ്പു​കൂ​ട്ടി എ​ന്നാ​ണ് സി​റാ​ജു​ന്നീ​സ​ക്കെ​തി​രെ എ​ഫ്.​ഐ.​ആ​റി​ൽ പൊ​ലീ​സ് എ​ഴു​തി​ച്ചേ​ർ​ത്ത​ത്. സം​ഭ​വം വി​വാ​ദ​മാ​യ​തോ​ടെ പു​തു​പ്പ​ള്ളി​ത്തെ​രു​വി​ല്‍നി​ന്ന് മു​സ്‌​ലിം ആ​ക്ര​മി​ക്കൂ​ട്ടം സി​റാ​ജു​ന്നീ​സ​യു​ടെ നേ​തൃ​ത്വ​ത്തി​ല്‍ തൊ​ട്ട​ടു​ത്ത നൂ​റ​ണി ഗ്രാ​മം ആ​ക്ര​മി​ച്ചു, ഇ​തി​നെ​തി​രെ പൊ​ലീ​സ് വെ​ടി​വെ​ച്ചു എ​ന്ന ക​ഥ മെ​ന​ഞ്ഞു. എ​ന്നാ​ല്‍, ഈ ​ക​ഥ തെ​റ്റാ​ണെ​ന്ന് പ​റ​ഞ്ഞ് നൂ​റ​ണി​യി​ലെ ബ്രാ​ഹ്മ​ണ സ​മാ​ജം പൊ​ലീ​സി​നെ​തി​രെ രം​ഗ​ത്തെ​ത്തി.

ഇ​ത് ചോ​ദ്യം​ചെ​യ്യ​പ്പെ​ട്ട​തോ​ടെ പൊ​ലീ​സ് ക​ഥ മാ​റ്റി. ആ​ക്ര​മി​ക​ളെ വെ​ടി​വെ​ക്കു​ന്ന​തി​നി​ടെ ഒ​രു വെ​ടി​യു​ണ്ട വൈ​ദ്യു​തി​തൂ​ണി​ല്‍ ത​ട്ടി കു​ട്ടി​യു​ടെ ദേ​ഹ​ത്ത് പ​തി​ച്ചു എ​ന്നാ​യി പു​തി​യ ക​ഥ. എ​ന്നാ​ല്‍, വെ​ടി​വെ​പ്പ് ന​ട​ന്ന കാ​ല​ത്ത് ആ ​പ​രി​സ​ര​ത്ത് വൈ​ദ്യു​തി തൂ​ൺ ഇ​ല്ലാ​യി​രു​ന്നു. അ​ത് പി​ന്നീ​ടാ​ണ് സ്ഥാ​പി​ച്ച​ത്. ‘‘മു​സ്‌​ലിം​ക​ളു​ടെ മൃ​ത​ദേ​ഹം കാ​ണ​ണം’’ എ​ന്നാ​ക്രോ​ശി​ച്ച് പു​തു​പ്പ​ള്ളി​ത്തെ​രു​വി​ല്‍ വെ​ടി​വെ​ക്കാ​ന്‍ ഉ​ത്ത​ര​വി​ട്ടു എ​ന്ന ആ​രോ​പ​ണം ഉ​യ​ർ​ന്ന ര​മ​ണ്‍ ശ്രീ​വാ​സ്ത​വ പി​ന്നീ​ട് മു​ഖ്യ​മ​ന്ത്രി പി​ണ​റാ​യി വി​ജ​യ​ന്റെ പൊ​ലീ​സ് ഉ​പ​ദേ​ഷ്ടാ​യ​ത് പി​ൻ​കാ​ല ച​രി​ത്രം.

അ​വ​ൾ താ​മ​സി​ച്ച വീ​ട് പു​തു​ക്കി​പ്പ​ണി​തി​ട​ത്താ​ണ് അ​മ്മാ​വ​ൻ സു​ലൈ​മാ​നും സൗ​രി​യ​ത്തും ഇ​പ്പോ​ൾ താ​മ​സി​ക്കു​ന്ന​ത്. മ​ക​ള്‍ കൊ​ല്ല​പ്പെ​ട്ട് അ​ധി​കം വൈ​കാ​തെ മാ​താ​വ് ന​ഫീ​സ മ​രി​ച്ചു. പി​താ​വ് മു​സ്ത​ഫ പാ​ല​ക്കാ​ട് ന​ഗ​ര​ത്തി​ന്റെ മ​റ്റൊ​രു കോ​ണി​ല്‍ ചെ​റി​യ കൈ​ത്തൊ​ഴി​ലു​ക​ള്‍ ചെ​യ്ത് ജീ​വി​ക്കു​ന്നു. സ​ഹോ​ദ​രി​മാ​രാ​യ ആ​ത്തി​ക്ക​യും മും​താ​സും വി​വാ​ഹി​ത​രാ​യി മാ​റി​ത്താ​മ​സി​ച്ചു. സ​ഹോ​ദ​ര​ൻ ന​സീ​റി​ന് വ്യ​വ​സാ​യ വ​കു​പ്പ് ഓ​ഫി​സി​ൽ ജോ​ലി കി​ട്ടി. മ​റ്റൊ​രു സ​ഹോ​ദ​ര​ൻ അ​ബ്ദു​ല്‍ സ​ത്താ​റും ഉ​പ​ജീ​വ​നം തേ​ടി പു​തു​പ്പ​ള്ളി​ത്തെ​രു​വ് വി​ട്ടു.

33 വ​ർ​ഷം മു​മ്പാ​ണെ​ങ്കി​ലും അ​ന്നു​ണ്ടാ​യ ഞെ​ട്ട​ൽ ഇ​ന്നും പു​തു​പ്പ​ള്ളി​ത്തെ​രു​വി​നെ വി​ട്ടൊ​ഴി​ഞ്ഞി​ട്ടി​ല്ല. പ്ര​ഹ​സ​ന​മാ​യ അ​ന്വേ​ഷ​ണ​ങ്ങ​ള്‍ക്കും പൊ​ലീ​സ് ഭാ​ഷ്യം ആ​വ​ർ​ത്തി​ച്ച ജു​ഡീ​ഷ്യ​ല്‍ ക​മീ​ഷ​നും മു​ന്നി​ല്‍ നി​സ്സ​ഹാ​യ​രാ​കാ​നേ പു​തു​പ്പ​ള്ളി​ത്തെ​രു​വു​കാ​ർ​ക്കാ​യു​ള്ളൂ.