ബഹിരാകാശ മേഖലയെ നിത്യജീവിതവുമായി ബന്ധപ്പെടുത്തണം -ഐ.എസ്​.ആർ.ഒ ചെയർമാൻ

തി​രു​വ​ന​ന്ത​പു​രം: ഇ​ന്ത്യ​ന്‍ ബ​ഹി​രാ​കാ​ശ മേ​ഖ​ല​യു​മാ​യി ബ​ന്ധ​പ്പെ​ട്ട് കൂ​ടു​ത​ല്‍ സാ​മ്പ​ത്തി​ക പ്ര​വ​ര്‍ത്ത​ന​ങ്ങ​ള്‍ ഉ​ണ്ടാ​കേ​ണ്ട​ത് ആ​വ​ശ്യ​മാ​ണെ​ന്ന് ഐ.​എ​സ്.​ആ​ര്‍.​ഒ ചെ​യ​ര്‍മാ​ന്‍ എ​സ്. സോ​മ​നാ​ഥ്. ഐ.​എ​സ്.​ആ​ർ.​ഒ സ്റ്റാ​ഫ്​ അ​സോ​സി​യേ​ഷ​ന്‍റെ 50 ാം വാ​ർ​ഷി​കാ​ഘോ​ഷ​ച്ച​ട​ങ്ങി​ൽ മു​ഖ്യ​പ്ര​ഭാ​ഷ​ണം ന​ട​ത്തു​ക​യാ​യി​രു​ന്നു അ​ദ്ദേ​ഹം.

ബ​ഹി​രാ​കാ​ശ മേ​ഖ​ല​യെ നി​ത്യ​ജീ​വി​ത​ത്തി​​ന്‍റെ ഭാ​ഗ​മാ​ക്കി​യാ​ലേ ഇ​തി​നു​ സാ​ധി​ക്കൂ. ഇ​ത​നു​സ​രി​ച്ചാ​ണ് ഐ.​എ​സ്.​ആ​ര്‍.​ഒ​യി​ല്‍ പ​രി​ഷ്‌​ക​ര​ണ​ങ്ങ​ള്‍ ന​ട​ക്കു​ന്ന​ത്. സ​ര്‍ക്കാ​ര്‍ നി​ക്ഷേ​പം മാ​ത്രം ഉ​പ​യോ​ഗി​ച്ച് ഇ​തു സാ​ധ്യ​മാ​കി​ല്ല. 1500 കോ​ടി​യാ​ണ്​ പ്ര​തി​വ​ർ​ഷം സ​ർ​ക്കാ​റി​ൽ​നി​ന്ന്​ ല​ഭി​ക്കു​ന്ന​ത്. ഇ​തു നാ​ലോ അ​​ഞ്ചോ ഇ​ര​ട്ടി​യെ​ങ്കി​ലു​മാ​യാ​ലേ സാ​മ്പ​ത്തി​ക പ്ര​വ​ര്‍ത്ത​ന​ങ്ങ​ള്‍ കാ​ര്യ​ക്ഷ​മ​മാ​കൂ. അ​ല്ലെ​ങ്കി​ൽ ന​മ്മു​ടെ സാ​ധ്യ​ത​ക​ൾ മ​റ്റു​ള്ള​വ​ർ കൊ​ണ്ടു​പോ​കും.

ബ​ഹി​രാ​കാ​ശ മേ​ഖ​ല മ​റ്റു പൊ​തു​മേ​ഖ​ല സ്ഥാ​പ​ന​ങ്ങ​ളെ​പ്പോ​ലെ​യ​ല്ല. ഐ.​എ​സ്.​ആ​ര്‍.​ഒ​യെ ഗ​വേ​ഷ​ണ, വി​ക​സ​ന സ്ഥാ​പ​ന​മാ​യി നി​ല​നി​ർ​ത്ത​ണം. ഈ ​സ്ഥാ​പ​ന​ത്തി​ന്റെ നി​ല​നി​ല്‍പ്പി​ല്‍ ആ​ശ​ങ്ക​യു​ണ്ടാ​കേ​ണ്ട​തി​ല്ല. മൂ​ന്നു​നാ​ല്​ വ​ർ​ഷ​ത്തി​നു​ള്ളി​ൽ ഉ​പ​ഗ്ര​ഹ നി​ർ​മാ​ണ​ത്തി​ൽ വ​ലി​യ വ​ർ​ധ​ന​യു​ണ്ടാ​കു​മെ​ന്നും എ​സ്. സോ​മ​നാ​ഥ് പ​റ​ഞ്ഞു. ഗ​താ​ഗ​ത​ക്കു​രു​ക്കി​ന്‍റെ പ​ശ്ചാ​ത്ത​ല​ത്തി​ൽ ഐ.​എ​സ്.​ആ​ര്‍.​ഒ​യി​ലേ​ക്കു​ള്ള പ്ര​ത്യേ​ക വ​ഴി രൂ​പ​പ്പെ​ടു​ത്തു​ന്ന​ത് സം​ബ​ന്ധി​ച്ച നി​വേ​ദ​ന​വും അ​ദ്ദേ​ഹം മു​ഖ്യ​മ​ന്ത്രി​ക്ക് ന​ല്‍കി.