കേരളത്തില്‍നിന്നുള്ള എം.പിമാര്‍ക്കെതിരെ ചോദ്യം: വീഴ്ചവരുത്തിയ നിയമസഭാ സെക്രട്ടേറിയറ്റിന്​ സ്പീക്കറുടെ താക്കീത്

​തിരു​വ​ന​ന്ത​പു​രം: ന​ക്ഷ​ത്ര​ചി​ഹ്ന​മി​ടാ​ത്ത​താ​യു​ള്ള ചോ​ദ്യ​ങ്ങ​ളു​ടെ പ​ട്ടി​ക​യി​ല്‍ കേ​ര​ള​ത്തി​ല്‍ നി​ന്നു​ള്ള എം.​പി​മാ​ര്‍ക്കെ​തി​രെ ചോ​ദ്യം ഉ​ള്‍പ്പെ​ടു​ത്തി​യ നി​യ​മ​സ​ഭാ സെ​ക്ര​ട്ടേ​റി​യ​റ്റി​ന്റെ ന​ട​പ​ടി​യി​ല്‍ അ​സ​ന്തു​ഷ്ടി പ്ര​ക​ടി​പ്പി​ച്ച സ്പീ​ക്ക​ര്‍ എം.​ബി. രാ​ജേ​ഷ്, ശ​ക്ത​മാ​യ താ​ക്കീ​തും ന​ല്‍കി.

ആ​ഗ​സ്റ്റ് 23ലെ ​ന​ക്ഷ​ത്ര ചി​ഹ്ന​മി​ടാ​ത്ത ചോ​ദ്യ​ങ്ങ​ളു​ടെ പ​ട്ടി​ക​യി​ല്‍ സം​സ്ഥാ​ന​ത്തെ എം.​പി​മാ​രി​ല്‍ ഭൂ​രി​പ​ക്ഷ​വും പാ​ര്‍ല​മെ​ന്റി​ല്‍ സം​സ്ഥാ​ന വി​ക​സ​ന താ​ല്‍പ​ര്യ​ത്തി​ന് വി​രു​ദ്ധ​മാ​യ നി​ല​പാ​ട് സ്വീ​ക​രി​ക്കു​ന്നു​ണ്ടെ​ന്ന് പ​റ​യ​പ്പെ​ടു​ന്ന സാ​ഹ​ച​ര്യ​ത്തി​ല്‍ സം​സ്ഥാ​ന വി​ക​സ​ന​ത്തി​ന്​ ഗു​ണ​മാ​കു​ന്ന ത​ര​ത്തി​ല്‍ ഒ​റ്റ​ക്കെ​ട്ടാ​യി നി​ല്‍ക്കാ​ന്‍ സ​ര്‍ക്കാ​റി​നോ​ട് ആ​വ​ശ്യ​പ്പെ​ടു​മോ​യെ​ന്ന ചോ​ദ്യം ഉ​ള്‍പ്പെ​ടു​ത്തി​യ​തി​ലു​ള്ള അ​സ​ന്തു​ഷ്ടി​യാ​ണ് സ്പീ​ക്ക​ര്‍ പ്ര​ക​ടി​പ്പി​ച്ച​ത്.

നി​യ​മ​സ​ഭാ ന​ട​പ​ടി ച​ട്ടം 36 (2) (എ) ​മു​ത​ല്‍ (യു) ​വ​രെ​യു​ള്ള വ്യ​വ​സ്ഥ​ക​ള്‍ക്ക് വി​ധേ​യ​മാ​യാ​ണ് ചോ​ദ്യ​ങ്ങ​ള്‍ക്ക് അ​നു​മ​തി ന​ല്‍കു​ന്ന​ത്.

ചോ​ദ്യ നോ​ട്ടീ​സു​ക​ളി​ല്‍ ക​ട​ന്നു​കൂ​ടാ​റു​ള്ള വാ​ദ​ങ്ങ​ളോ അ​ഭ്യൂ​ഹ​ങ്ങ​ളോ വ്യാ​ജോ​ക്തി​ക​ളോ ആ​രോ​പ​ണ​ങ്ങ​ളോ വി​ശേ​ഷ​ണ​ങ്ങ​ളോ അ​പ​കീ​ര്‍ത്തി​ക​ര​മാ​യ പ​രാ​മ​ര്‍ശ​ങ്ങ​ളോ ഒ​ഴി​വാ​ക്കി​യാ​ണ് അ​ന്തി​മാ​നു​മ​തി ന​ല്‍കു​ന്ന​ത്. ചോ​ദ്യ​ത്തി​ന്റെ നോ​ട്ടീ​സ് പ​രി​ശോ​ധി​ച്ച് എ​ഡി​റ്റ് ചെ​യ്ത് അ​നു​മ​തി ന​ല്‍കു​ന്ന കാ​ര്യ​ത്തി​ല്‍ നി​യ​മ​സ​ഭാ സെ​ക്ര​ട്ടേ​റി​യ​റ്റി​ന്റെ ഭാ​ഗ​ത്ത് വീ​ഴ്ച സം​ഭ​വി​ച്ചു.

ഈ ​നി​യ​മ​സ​ഭ​യു​ടെ ഒ​ന്നാം സ​മ്മേ​ള​ന​ത്തി​ല്‍ത​ന്നെ ചെ​യ​ര്‍ വ്യ​ക്ത​മാ​യ റൂ​ളി​ങ്​ ന​ല്‍കി​യി​ട്ടും ഇ​ത്ത​ര​ത്തി​ലു​ള്ള അ​പാ​ക​ത​ക​ള്‍ ചോ​ദ്യ​ങ്ങ​ളു​ടെ പ​ട്ടി​ക​യി​ൽ ക​ട​ന്നു​കൂ​ടു​ന്ന​ത് ഒ​രു കാ​ര​ണ​വ​ശാ​ലും അം​ഗീ​ക​രി​ക്കാ​നാ​വി​ല്ല.

ഇ​ത്ത​രം വീ​ഴ്ച​ക​ള്‍ മേ​ലി​ല്‍ ആ​വ​ര്‍ത്തി​ക്ക​രു​തെ​ന്ന് ശ​ക്ത​മാ​യി താ​ക്കീ​ത് ചെ​യ്യു​ന്ന​താ​യും സ്പീ​ക്ക​ര്‍ അ​റി​യി​ച്ചു. പ്ര​തി​പ​ക്ഷ നേ​താ​വാ​യി​രു​ന്നു ഇ​തു സം​ബ​ന്ധി​ച്ച ആ​രോ​പ​ണം ഉ​ന്ന​യി​ച്ച​ത്.