പോ​സ്​​റ്റ്​​കോ​വി​ഡ് സി​ന്‍ഡ്രോം കൂടുന്നു; രോ​ഗ​ത്തെ നി​സ്സാ​ര​വ​ത്​​ക​രി​ക്കരുത്​ -മുഖ്യമന്ത്രി

തി​രു​വ​ന​ന്ത​പു​രം: കോ​വി​ഡ് മു​ക്തി നേ​ടി​യ​വ​ര്‍ക്കാ​യി പോ​സ്​​റ്റ്​ കോ​വി​ഡ് ക്ലി​നി​ക്കു​ക​ള്‍ ആ​രം​ഭി​ച്ചതായി മു​ഖ്യ​മ​ന്ത്രി പി​ണ​റാ​യി വി​ജ​യ​ൻ. ദീ​ര്‍ഘ​കാ​ലം നി​ല​നി​ല്‍ക്കു​ന്ന പോ​സ്​​റ്റ്​​കോ​വി​ഡ് സി​ന്‍ഡ്രോം എ​ന്ന അ​വ​സ്ഥ കുറച്ചുപേരിൽ കണ്ടുവ​രു​ന്ന​ുണ്ട്​. അ​തി​നാ​ല്‍ മ​ര​ണ​നി​ര​ക്ക് കു​റ​വാ​ണെ​ന്നു​ക​രു​തി രോ​ഗ​ത്തെ നി​സ്സാ​ര​വ​ത്​​ക​രി​ക്കാ​ന്‍ ആ​രും ത​യാ​റാ​ക​രു​ത്.

എ​ല്ലാ പ്രാ​ഥ​മി​ക, സാ​മൂ​ഹി​ക, കു​ടും​ബ ആ​രോ​ഗ്യ​കേ​ന്ദ്ര​ങ്ങ​ളി​ലും വ്യാ​ഴാ​ഴ്ച​ക​ളി​ല്‍ ഉ​ച്ച​ക്ക്​ 12 മു​ത​ല്‍ ര​ണ്ടു വ​രെ​യാ​ണ് പോ​സ്​​റ്റ്​ കോ​വി​ഡ് ക്ലി​നി​ക്കു​ക​ള്‍ പ്ര​വ​ര്‍ത്തി​ക്കു​ക. താ​ലൂ​ക്ക്, ജി​ല്ല, ജ​ന​റ​ല്‍ ആ​ശു​പ​ത്രി​ക​ളി​ലും മെ​ഡി​ക്ക​ല്‍ കോ​ള​ജു​ക​ളി​ലും റ​ഫ​റ​ല്‍ ക്ലി​നി​ക്കു​ക​ളും പ്ര​വ​ർ​ത്തി​ക്കും.

സം​സ്ഥാ​ന​ത്ത്​ കോ​വി​ഡ് രോ​ഗി​ക​ളു​ടെ രോ​ഗി​ക​ളു​ടെ എ​ണ്ണം ക്ര​മാ​നു​ഗ​ത​മാ​യി കു​റ​ഞ്ഞു​വ​രു​ന്ന​ുണ്ട്​. ഒ​രേ​സ​മ​യം ചി​കി​ത്സി​യി​ലി​രി​ക്കു​ന്ന രോ​ഗി​ക​ളു​ടെ എ​ണ്ണം പ​ര​മാ​വ​ധി​വ​ന്ന​ത് ഒ​ക്ടോ​ബ​ര്‍ 24നാ​ണ്. 97,417 പേ​ര്‍ ആ ​ദി​വ​സം ചി​കി​ത്സ​യി​ലു​ണ്ടാ​യി​രു​ന്നു. ഓ​രോ ദി​വ​സ​െ​ത്ത​യും ക​ണ​ക്ക് തൊ​ട്ടു​മു​മ്പു​ള്ള ആ​ഴ്ച​യി​ലെ അ​തേ ദി​വ​സ​ത്തെ ക​ണ​ക്കു​മാ​യി താ​ര​ത​മ്യം ചെ​യ്യു​മ്പോ​ള്‍ ഒ​ന്നു മു​ത​ല്‍ 10 ശ​ത​മാ​നം വ​രെ കു​റ​വു​കാ​ണു​ന്നു​ണ്ട്.

ബു​ധ​നാ​ഴ്ച​ത്തെ ക​ണ​ക്ക്​ ക​ഴി​ഞ്ഞ ചൊ​വ്വാ​ഴ്ച​യി​ലെ ആ​ക്​​ടി​വ് കേ​സു​ക​െ​ള​ക്കാ​ള്‍ 10 ശ​ത​മാ​ന​ത്തോ​ളം കു​റ​വാ​ണ്. ഇ​ത്ത​ര​ത്തി​ലു​ള്ള പ്ര​വ​ണ​ത ഇ​ത്ര​യ​ധി​കം ദി​വ​സ​ങ്ങ​ള്‍ തു​ട​ര്‍ച്ച​യാ​യി കാ​ണി​ക്കു​ന്ന​ത് ആ​ദ്യ​മാ​യാ​ണ്. എ​ങ്കി​ലും മു​ന്‍ക​രു​ത​ക​ലു​ക​ളി​ല്‍ വീ​ഴ്ച പാ​ടി​ല്ല.

നി​ര​വ​ധി സ്ഥ​ല​ങ്ങ​ളി​ല്‍ രോ​ഗം ഒ​രു ത​വ​ണ ഉ​ച്ച​സ്ഥാ​യി​യി​ല്‍ എ​ത്തി​യ​തി​നു​ശേ​ഷം ഇ​ട​വേ​ള പി​ന്നി​ട്ട് വീ​ണ്ടും രൂ​ക്ഷ​മാ​യ അ​നു​ഭ​വം ഉ​ണ്ടാ​യി​ട്ടു​ണ്ട്. അ​ത്ത​രം സാ​ഹ​ച​ര്യ​ങ്ങ​ളി​ൽ രോ​ഗ​മേ​ല്‍പ്പി​ക്കു​ന്ന ആ​ഘാ​തം നി​യ​ന്ത്ര​ണാ​തീ​ത​മാ​വും.