പൊതുവിദ്യാലയങ്ങളിലെ സ്പെഷൽ എജുക്കേറ്റർമാർ; കൃത്യത തേടി സുപ്രീംകോടതി

തി​രു​വ​മ്പാ​ടി (കോ​ഴി​ക്കോ​ട്): പൊ​തു വി​ദ്യാ​ല​യ​ങ്ങ​ളി​ലെ സ്പെ​ഷ​ൽ എ​ജു​ക്കേ​റ്റ​ർ​മാ​രു​ടെ നി​യ​മ​നം സം​ബ​ന്ധി​ച്ച് കൃ​ത്യ​മാ​യ വി​വ​ര​ങ്ങ​ൾ നാ​ല് ആ​ഴ്ച​ക്ക​കം ന​ൽ​ക​ണ​മെ​ന്ന് കേ​ര​ളം ഉ​ൾ​പ്പെ​ടെ​യു​ള്ള സം​സ്ഥാ​ന​ങ്ങ​ളോ​ട് സു​പ്രീം​കോ​ട​തി. ജോ​ലി​യി​ൽ സ്ഥി​ര​പ്പെ​ടു​ത്ത​ണ​മെ​ന്നാ​വ​ശ്യ​പ്പെ​ട്ട് വി​വി​ധ സം​സ്ഥാ​ന​ങ്ങ​ളി​ലെ സ്പെ​ഷ​ൽ എ​ജു​ക്കേ​റ്റ​ർ​മാ​ർ ന​ൽ​കി​യ ഹ​ര​ജി പ​രി​ഗ​ണി​ക്ക​വെ​യാ​ണ് സു​പ്രീം​കോ​ട​തി​യു​ടെ നി​ർ​ദേ​ശം. സ്ഥി​ര​നി​യ​മ​നം ന​ൽ​കി​യ സ്പെ​ഷ​ൽ എ​ജു​ക്കേ​റ്റ​ർ​മാ​രു​ടെ എ​ണ്ണം, ക​രാ​ർ അ​ടി​സ്ഥാ​ന​ത്തി​ലു​ള്ള​വ​രു​ടെ എ​ണ്ണം, വേ​ത​നം, സ്ഥി​ര​നി​യ​മ​ന​ത്തി​ന് സ്വീ​ക​രി​ച്ച ന​ട​പ​ടി, അ​ധ്യാ​പ​ക സ​ർ​വി​സ് കാ​ല​യ​ള​വ്, ത​സ്തി​ക സൃ​ഷ്ടി​ച്ചി​ട്ടു​ണ്ടോ തു​ട​ങ്ങി​യ ചോ​ദ്യ​ങ്ങ​ളാ​ണ് സു​പ്രീം​കോ​ട​തി ഉ​ന്ന​യി​ച്ച​ത്. ബ​ന്ധ​പ്പെ​ട്ട സം​സ്ഥാ​ന സ​ർ​ക്കാ​റു​ക​ൾ കോ​ട​തി​യു​ടെ ചോ​ദ്യ​ങ്ങ​ൾ​ക്ക് നാ​ലാ​ഴ്ച​ക്ക​കം മ​റു​പ​ടി ന​ൽ​ക​ണം. ഏ​പ്രി​ൽ 16ന് ​സു​പ്രീം​കോ​ട​തി കേ​സ് വീ​ണ്ടും പ​രി​ഗ​ണി​ക്കും. കേ​ര​ള​ത്തി​ലെ 153 സ്പെ​ഷ​ൽ എ​ജു​ക്കേ​റ്റ​ർ​മാ​രാ​ണ് സു​പ്രീം​കോ​ട​തി കേ​സി​ൽ ക​ക്ഷി​ചേ​ർ​ന്ന​ത്.

പൊ​തു​വി​ദ്യാ​ല​യ​ങ്ങ​ളി​ലെ സാ​ധാ​ര​ണ അ​ധ്യാ​പ​ക​ർ​ക്ക് സ്പെ​ഷ​ൽ എ​ജു​ക്കേ​ഷ​നി​ൽ പ​രി​ശീ​ല​നം ന​ൽ​കി​യി​ട്ടു​ണ്ടെ​ന്ന് നേ​ര​ത്തേ കേ​ര​ള സ​ർ​ക്കാ​ർ സു​പ്രീം​കോ​ട​തി​യെ ബോ​ധി​പ്പി​ച്ചി​രു​ന്നു. വി​ശ​ദീ​ക​ര​ണം തൃ​പ്തി​ക​ര​മ​ല്ലാ​ത്ത​തി​നാ​ൽ വീ​ണ്ടും സ​ത്യ​വാ​ങ്മൂ​ലം ന​ൽ​കാ​ൻ സു​പ്രീം​കോ​ട​തി സം​സ്ഥാ​ന​ത്തോ​ട് നേ​ര​ത്തേ ആ​വ​ശ്യ​പ്പെ​ട്ടി​രു​ന്നു.

കേ​ര​ള​ത്തി​ൽ 2886 സ്പെ​ഷ​ൽ എ​ജു​ക്കേ​റ്റ​ർ​മാ​രാ​ണ് പൊ​തു​വി​ദ്യാ​ഭ്യാ​സ വ​കു​പ്പി​നു കീ​ഴി​ൽ ക​രാ​റ​ടി​സ്ഥാ​ന​ത്തി​ൽ പ്ര​വ​ർ​ത്തി​ക്കു​ന്ന​ത്. 24 വ​ർ​ഷ​മാ​യി താ​ൽ​ക്കാ​ലി​കാ​ടി​സ്ഥാ​ന​ത്തി​ൽ പ്ര​വ​ർ​ത്തി​ക്കു​ന്ന​വ​രും ഈ ​അ​ധ്യാ​പ​ക​രി​ലു​ണ്ട്.

പൊ​തു​വി​ദ്യാ​ല​യ​ങ്ങ​ളി​ൽ ഭി​ന്ന​ശേ​ഷി വി​ദ്യാ​ർ​ഥി​ക​ൾ​ക്ക് പ​ഠ​ന​പി​ന്തു​ണ ന​ൽ​കു​ന്ന ഇ​ൻ​ക്ലൂ​സി​വ് വി​ദ്യാ​ഭ്യാ​സ​ത്തി​ന്റെ ഭാ​ഗ​മാ​ണ് സ്പെ​ഷ​ൽ എ​ജു​ക്കേ​റ്റ​ർ​മാ​ർ. വി​ര​മി​ക്ക​ൽ പ്രാ​യ​മെ​ത്തി​യ സ്പെ​ഷ​ൽ എ​ജു​ക്കേ​റ്റ​ർ​മാ​ർ വെ​റും​കൈ​യോ​ടെ പ​ടി​യി​റ​ങ്ങേ​ണ്ട അ​വ​സ്ഥ​യി​ലാ​ണ്. കേ​ന്ദ്ര ഭി​ന്ന​ശേ​ഷി നി​യ​മ​മ​നു​സ​രി​ച്ച് കാ​ഴ്ച പ​രി​മി​തി, ബു​ദ്ധി പ​രി​മി​തി, സെ​റി​ബ്ര​ൽ പാ​ർ​സി, ഓ​ട്ടി​സം, ശ്ര​വ​ണ പ​രി​മി​തി, പ​ഠ​ന പ​രി​മി​തി തു​ട​ങ്ങി 21 വി​ഭാ​ഗം ഭി​ന്ന ശേ​ഷി വി​ഭാ​ഗ​ങ്ങ​ളാ​ണു​ള്ള​ത്. എ​സ്.​എ​സ്.​എ, ഐ.​ഇ.​ഡി.​എ​സ്.​എ​സ്, ആ​ർ.​എം.​എ​സ്.​എ, എ​സ്.​കെ എ​ന്നീ പ​ദ്ധ​തി​ക​ളു​ടെ ഭാ​ഗ​മാ​യി ക​രാ​റ​ടി​സ്ഥാ​ന​ത്തി​ൽ പ്ര​വ​ർ​ത്തി​ക്കു​ന്ന​വ​രാ​ണ് സ്പെ​ഷ​ൽ എ​ജു​ക്കേ​റ്റ​ർ​മാ​ർ.

പ​ത്ത് വ​ർ​ഷം പൂ​ർ​ത്തീ​ക​രി​ച്ച സ്പെ​ഷ​ൽ എ​ജു​ക്കേ​റ്റ​ർ​മാ​രു​ടെ സേ​വ​ന, വേ​ത​ന വ്യ​വ​സ്ഥ നി​ജ​പ്പെ​ടു​ത്ത​ണ​മെ​ന്ന് 2016 ജൂ​ൺ 30ന് ​കേ​ര​ള ഹൈ​കോ​ട​തി ഉ​ത്ത​ര​വി​ട്ടി​രു​ന്നു. ഈ ​ഉ​ത്ത​ര​വി​നെ​തി​രെ സം​സ്ഥാ​ന സ​ർ​ക്കാ​ർ ഹൈ​കോ​ട​തി ഡി​വി​ഷ​ൻ ബെ​ഞ്ചി​ൽ അ​പ്പീ​ൽ ന​ൽ​കി. പ​ത്ത് വ​ർ​ഷം സേ​വ​നം പൂ​ർ​ത്തി​ക​രി​ച്ച 449 സ്പെ​ഷ​ൽ എ​ജു​ക്കേ​റ്റ​ർ​മാ​രാ​ണ് ഹൈ​കോ​ട​തി​യെ സ​മീ​പി​ച്ച​ത്. 28,815 രൂ​പ​യാ​യി​രു​ന്ന സ്പെ​ഷ​ൽ എ​ജു​ക്കേ​റ്റ​ർ​മാ​രു​ടെ പ്ര​തി​മാ​സ വേ​ത​നം 2018ൽ ​സ​ർ​ക്കാ​ർ 25,000 രൂ​പ​യാ​യി വെ​ട്ടി​ക്കു​റ​ച്ചി​രു​ന്നു. ക​ഴി​ഞ്ഞ എ​ട്ടു വ​ർ​ഷ​മാ​യി സ്പെ​ഷ​ൽ എ​ജു​ക്കേ​റ്റ​ർ​മാ​രു​ടെ വേ​ത​നം വ​ർ​ധി​പ്പി​ച്ചി​ട്ടി​ല്ല. ജോ​ലി സ്ഥി​ര​പ്പെ​ടു​ത്ത​ണ​മെ​ന്നാ​വ​ശ്യ​പ്പെ​ട്ട് ഉ​ത്ത​ർ​പ്ര​ദേ​ശ് സ്വ​ദേ​ശി​യാ​യ ര​ജ്നീ​ഷ് കു​മാ​ർ പാ​​ണ്ഡെ ആ​ണ് പി​ന്നീ​ട് സു​പ്രീം കോ​ട​തി​യി​ലെ​ത്തി​യ​ത്. ഈ ​കേ​സി​ൽ കേ​ര​ള​ത്തി​ലെ 153 സ്പെ​ഷ​ൽ എ​ജു​ക്കേ​റ്റ​ർ​മാ​ർ ക​ക്ഷി​ചേ​രു​ക​യാ​യി​രു​ന്നു.