തിങ്കളും ചൊവ്വയും കേരളത്തിൽ പ്രത്യേക ട്രെയിൻ

പാലക്കാട്: പൂജ സീസണിലെ തിരക്ക് കുറക്കാൻ മംഗളൂരുവിനും കൊല്ലത്തിനുമിടയിലും മംഗളൂരു- കൊച്ചുവേളിക്കുമിടയിലും പ്രത്യേക ട്രെയിനുകൾ സർവിസ് നടത്തും. 06047 നമ്പർ മംഗളൂരു-കൊല്ലം സ്പെഷൽ എക്സ്പ്രസ് ഒക്ടോബർ 14ന് രാത്രി 11ന് മംഗളൂരുവിൽനിന്ന് പുറപ്പെട്ട് അടുത്തദിവസം രാവിലെ 10.20ന് കൊല്ലത്തും 06048 നമ്പർ കൊല്ലം-മംഗളൂരു സ്പെഷൽ എക്സ്പ്രസ് 15ന് വൈകീട്ട് 6.55ന് കൊല്ലത്തുനിന്ന് പുറപ്പെട്ട് പിറ്റേന്ന് രാവിലെ 7.30ന് മംഗലാപുരത്തും എത്തും.

നമ്പർ 06157 കൊച്ചുവേളി-മംഗളൂരു സ്‌പെഷൽ എക്‌സ്പ്രസ് 14ന് രാത്രി 9.25ന് കൊച്ചുവേളിയിൽനിന്ന് പുറപ്പെട്ട് 15ന് രാവിലെ 9.15ന് മംഗളൂരുവിലും നമ്പർ 06158 മംഗളൂരു-കൊച്ചുവേളി സ്പെഷൽ എക്സ്പ്രസ് 15ന് രാത്രി 8.10ന് മംഗളൂരുവിൽനിന്ന് പുറപ്പെട്ട് 16ന് രാവിലെ എട്ടിന് കൊച്ചുവേളിയിലും എത്തും.