കൊച്ചുവേളിയിൽ നിന്ന്​ നിസാമുദ്ദീനിലേക്കും തിരിച്ചും സ്പെഷൽ ട്രെയിൻ

തിരുവനന്തപുരം: യാത്രക്കാരുടെ തിരക്ക്​ പരിഹരിക്കുന്നതിന്​ കൊച്ചുവേളിയിൽനിന്ന്​ ഹസ്രത്ത്​ നിസാമുദ്ദീനിലേക്കും തിരിച്ചും സ്​പെഷൽ സൂപ്പർ ഫാസ്​റ്റ്​ എ.സി ട്രെയിനുകൾ  അനുവദിച്ചതായി റെയിൽവേ അറിയിച്ചു. ഹസ്രത്ത്​ നിസാമുദ്ദീനിൽനിന്ന്​ സെപ്​റ്റംബർ രണ്ട്​, ഒമ്പത്​, 16, 23, 30 ഒക്​ടോബർ ഏഴ്​, 14, 21, 28 തീയതികളിൽ (ശനിയാഴ്​ചകളിൽ) പുലർച്ചെ 5.55ന്​ പുറപ്പെടുന്ന ഹസ്രത്ത്​ നിസാമുദ്ദീൻ ഫാസ്​റ്റ്​ എ.സി ട്രെയിനുകൾ (04426) തൊട്ടടുത്ത തിങ്കളാഴ്​ചകളിൽ രാവിലെ 11ന്​ കൊച്ചുവേളിയിൽ എത്തും. ഒരു എ.സി ഫസ്​റ്റ്​ ക്ലാസ്​, അഞ്ച്​ എ.സി ടു ടയർ, 11 എ.സി ത്രീ ടയർ എന്നീ കോച്ചുകളുള്ള ട്രെയിനുകൾക്ക്​ പാലക്കാട്​, തൃശൂർ, ആലുവ, എറണാകുളം ടൗൺ, കോട്ടയം, തിരുവല്ല, ചെങ്ങന്നൂർ, കായംകുളം എന്നിവിടങ്ങളിലാണ്​ കേരളത്തി​െല സ്​റ്റോപ്പുകൾ.

കൊച്ചുവേളിയിൽനിന്ന്​ സെപ്​റ്റംബർ നാല്​, 11, 18, 25 ഒക്​ടോബർ രണ്ട്​, ഒമ്പത്​, 16, 23,30 തീയതികളിൽ (തിങ്കളാഴ്​ചകളിൽ) രാ​ത്രി 11ന്​ പുറപ്പെടുന്ന  കൊച്ച​ുവേളി-ഹസ്രത്ത്​ നിസാമുദ്ദീൻ ഫാസ്​റ്റ്​ എ.സി ട്രെയിൻ തൊട്ടട​ുത്ത വ്യാഴാഴ്​ചകളിൽ പുലർച്ചെ മൂന്നിന്​ ഹസ്രത്ത്​ നിസാമുദ്ദീനിൽ എത്തിച്ചേരും. ഒരു​ എ.സി ഫസ്​റ്റ് ​ക്ലാസ്​, അഞ്ച്​ എ.സി ടു ടയർ, 11 എ.സി ത്രീ ടയർ എന്നീ കോച്ചുകൾ ഉൾപ്പെടുന്ന ട്രെയിനിന്​  കൊല്ലം, കായംകുളം, ചെങ്ങന്നൂർ, തിരുവല്ല, കോട്ടയം, എറണാകുളം ടൗൺ, ആലുവ, തൃശൂർ,  പാലക്കാട്​ എന്നീ സ്​റ്റേഷനുകളിൽ സ്​റ്റോപ്പുണ്ട്​.