യാത്രാതിരക്ക്: സ്പെഷൽ ട്രെയിൻ സർവിസ് നടത്തും

കോട്ടയം: സീസൺ പ്രമാണിച്ചുള്ള യാത്രാതിരക്ക് കണക്കിലെടുത്ത് ദക്ഷിണ റെയിൽവേ സ്പെഷൽ ട്രെയിൻ സർവിസ് നടത്തും. ട്രെയിനുകളുടെ വിവരം ചുവടെ: 
ചെന്നൈ സെൻട്രൽ-എറണാകുളം ജങ്ഷൻ സ്പെഷൽ ട്രെയിൻ (06005 നമ്പർ ) ഈമാസം ആറിന് രാത്രി 10.30ന് ചെന്നൈയിൽനിന്ന്​ പുറപ്പെട്ട് പിറ്റേന്ന് രാവിലെ 10.55ന് എറണാകുളത്ത് എത്തും. എറണാകുളം ജങ്ഷൻ-ചെന്നൈ സെൻട്രൽ സ്പെഷൽ ട്രെയിൻ (06006 ) എറണാകുളത്തുനിന്ന്​ ഈമാസം എട്ട്, 15 തീയതികളിൽ വൈകീട്ട് ഏഴിന് പുറപ്പെട്ട് തൊട്ടടുത്ത ദിവസം രാവിലെ ഏഴരക്ക് ചെന്നൈയിലെത്തും.

രണ്ടു ട്രെയിനുകൾക്കും കാട്പാടി, ജോലാർപേട്ട, സേലം, ഈറോഡ്, തിരുപ്പൂർ, കോയമ്പത്തൂർ, പാലക്കാട്, തൃശൂർ, ആലുവ എന്നിവിടങ്ങളിൽ സ്​റ്റോപ്പുണ്ടാകും. 06005 നമ്പർ ട്രെയിൻ എറണാകുളം ടൗണിലും 06006 നമ്പർ ട്രെയിൻ പേരാമ്പൂരിലും നിർത്തും. ചെന്നൈ സെൻട്രൽ-എറണാകുളം ജങ്ഷൻ സുവിധ സ്പെഷൽ ട്രെയിൻ (82631 ) 13ന് രാത്രി 10.30ന് ചെന്നൈയിൽനിന്ന്​ പുറപ്പെട്ട് പിറ്റേന്ന് രാവിലെ 10.55ന് എറണാകുളത്തെത്തും. കാട്പാടി, ജോലാർപേട്ട, സേലം, ഈറോഡ്, തിരുപ്പൂർ, കോയമ്പത്തൂർ, പാലക്കാട്, തൃശൂർ, ആലുവ, എറണാകുളം ടൗൺ എന്നിവിടങ്ങളിൽ നിർത്തും.  

നാഗർകോവിൽ ജങ്ഷൻ-ചെന്നൈ എഗ്​മോർ സ്പെഷൽ ട്രെയിൻ (06040 ) 15ന് വൈകീട്ട് അഞ്ചിന് നാഗർകോവിൽനിന്ന്​ പുറപ്പെട്ട് തിരുനൽവേലി, മധുര, തിരുച്ചിറപ്പള്ളി, തഞ്ചാവൂർ, വില്ലപുരം, താമ്പരം, മാമ്പലം എന്നിവടങ്ങളിൽ കൂടി പിറ്റേന്ന് രാവിലെ 7.20ന് ചെന്നൈ എഗ്​മോറിൽ എത്തും. ചെന്നൈ എഗ്​മോർ-നാഗർകോവിൽ ജങ്ഷൻ സ്പെഷൽ ട്രെയിൻ (06039 ) 16ന് ഉച്ചക്ക് 12.55ന് ചെന്നൈ എഗ്​മോറിൽനിന്ന്​ പുറപ്പെട്ട് താമ്പരം, വൃധാചലം, തിരുച്ചിറപ്പള്ളി, മധുര, തിരുനെൽവേലി വഴി പിറ്റേന്ന് പുലർച്ചെ 4.15ന് നാഗർകോവിലിൽ എത്തും.