ഇ സഞ്ജീവനിയില് സ്പെഷാലിറ്റി ഒ.പികള് സജ്ജം
text_fieldsതിരുവനന്തപുരം: കോവിഡ് വ്യാപനം വര്ധിക്കുന്ന സാഹചര്യത്തില് സർക്കാറിെൻറ ടെലി മെഡിസിന് സംവിധാനമായ ഇ സഞ്ജീവനിയില് സ്പെഷാലിറ്റി ഒ.പികള് സജ്ജമാക്കിയതായി ആരോഗ്യവകുപ്പ്.
കോവിഡ് കാലത്ത് പരമാവധി ആശുപത്രി സന്ദര്ശനം ഒഴിവാക്കി വീട്ടില് ഇരുന്നുതന്നെ ചികിത്സ തേടാന് കഴിയുന്നതാണ് ഇ സഞ്ജീവനി. സ്പെഷാലിറ്റി, സൂപ്പര് സ്പെഷാലിറ്റി സേവനങ്ങള് ഉൾപ്പെടെ 35ല് പരം വിവിധ ഒ.പി സേവനങ്ങളാണ് ഇതുവഴി നല്കുന്നത്.
തുടര് ചികിത്സക്കും കോവിഡ് രോഗികള്ക്കും ഐസൊലേഷനിലുള്ളവര്ക്കും ഗൃഹ സന്ദര്ശനം നടത്തുന്ന പാലിയേറ്റീവ് കെയര് സ്റ്റാഫ് ഉള്പ്പെടെ എല്ലാവര്ക്കും ഇ സഞ്ജീവനി വഴി ഡോക്ടര്മാരുടെ സേവനം തേടാം. ഹോം ഐസൊലേഷനില് കഴിയുന്നവര്ക്ക് എന്തെങ്കിലും രോഗലക്ഷണം ഉണ്ടായാല് അവഗണിക്കാതെ ഇ സഞ്ജീവനിയില് വിളിച്ച് സംശയങ്ങള് ദൂരീകരിക്കാം.
ദിവസവും രാവിലെ എട്ടു മുതല് രാത്രി എട്ടുവരെയാണ് ജനറല് ഒ.പി പ്രവര്ത്തിക്കുന്നത്. ഏതുവിധ അസുഖത്തിനും ചികിത്സ സംബന്ധമായ സംശയങ്ങള്ക്കും സേവനം തേടാം. സ്പെഷാലിറ്റി, സൂപ്പര് സ്പെഷാലിറ്റി സേവനങ്ങള് ആവശ്യമുള്ളവരെ അതത് വിഭാഗങ്ങളിലേക്ക് റഫര് ചെയ്യും.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.