വിദ്യാർഥികളുടെ തലമുടി മുറിച്ച കായികാധ്യാപികയെ പുറത്താക്കി

കാലടി: ശ്രീശാരദ വിദ്യാലയത്തിലെ എട്ടാം ക്ലാസിൽ പഠിക്കുന്ന പത്തോളം വിദ്യാർഥികളുടെ തലമുടി മുറിച്ച കായികാധ്യാപികയെ പുറത്താക്കിയതായി സീനിയർ പ്രിൻസിപ്പൽ ദീപ ചന്ദ്രൻ അറിയിച്ചു. മണിപ്പൂരിൽനിന്ന് വന്ന കായികാധ്യാപിക ബിന്ദിയെയാണ് പുറത്താക്കിയത്.

പരിശീലനത്തിന് പോകുന്നതിനിടെ ഗ്രൗണ്ടിൽവെച്ചാണ് അധ്യാപിക കുട്ടികളുടെ മുടിമുറിച്ചത്. കുട്ടികളെക്കണ്ട് ആശ്വസിപ്പിച്ചതായും കൗൺസലിങ്​ നടത്തിയതായും സ്കൂൾ അധികൃതർ പറഞ്ഞു.