സ്‌പ്രിൻക്ലർ: സമിതി റിപ്പോർട്ട​ും രോഗികളുടെ വിവരങ്ങളും വിളിച്ചുവരുത്താൻ ​െചന്നിത്തല ഹൈകോടതിയിൽ

കൊ​ച്ചി: സ്‌​പ്രി​ൻ​ക്ല​ർ ക​രാ​റി​ലെ വീ​ഴ്ച പ​രി​ശോ​ധി​ക്കാ​ൻ സ​ർ​ക്കാ​ർ നി​യോ​ഗി​ച്ച ര​ണ്ടം​ഗ സ​മി​തി സ​മ​ർ​പ്പി​ച്ച റി​പ്പോ​ർ​ട്ട്​ വി​ളി​ച്ചു​വ​രു​ത്താ​ൻ ഉ​ത്ത​ര​വി​ട​ണ​മെ​ന്ന്​ പ്ര​തി​പ​ക്ഷ നേ​താ​വ്​ ര​മേ​ശ്​ ചെ​ന്നി​ത്ത​ല ഹൈ​കോ​ട​തി​യി​ൽ. കോ​ട​തി​യു​ടെ ഇ​ട​ക്കാ​ല ഉ​ത്ത​ര​വ്​ ന​ട​പ്പാ​ക്കും​മു​മ്പ്​ കോ​വി​ഡ് ബാ​ധി​ത​രി​ൽ​നി​ന്ന്​ ശേ​ഖ​രി​ച്ച വി​വ​ര​ങ്ങ​ളും വി​ശ​ദാം​ശ​ങ്ങ​ളും ഹാ​ജ​രാ​ക്കാ​ൻ നി​ർ​ദേ​ശി​ക്ക​ണ​മെ​ന്നും ആ​വ​ശ്യ​പ്പെ​ട്ടി​ട്ടു​ണ്ട്. കോ​വി​ഡ് ബാ​ധി​ത​രു​ടെ​യും നി​രീ​ക്ഷ​ണ​ത്തി​ൽ ക​ഴി​ഞ്ഞ​വ​രു​ടെ​യും വി​വ​ര​ങ്ങ​ൾ അ​മേ​രി​ക്ക ആ​സ്ഥാ​ന​മാ​യ സ്പ്രി​ൻ​ക്ല​ർ ക​മ്പ​നി​ക്ക് കൈ​മാ​റു​ന്ന​ത്​ ചോ​ദ്യം ചെ​യ്​​തും വ്യ​ക്തി​വി​വ​ര​ങ്ങ​ൾ നി​യ​മ​വി​രു​ദ്ധ​മാ​യി വി​ദേ​ശ ക​മ്പ​നി​യു​ടെ സെ​ർ​വ​റി​ലേ​ക്ക് അ​പ്‌​ലോ​ഡ് ചെ​യ്ത​തി​നെ​ത്തു​ട​ർ​ന്ന് ഹാ​നി​യു​ണ്ടാ​യ​വ​ർ​ക്ക് ന​ഷ്​​ട​പ​രി​ഹാ​രം ന​ൽ​ക​ണ​മെ​ന്നു​മാ​വ​ശ്യ​പ്പെ​ട്ട്​ ന​ൽ​കി​യ ഹ​ര​ജി​യി​ലാ​ണ്​ സ​ത്യ​വാ​ങ്​​മൂ​ല​മാ​യി പു​തി​യ ആ​വ​ശ്യ​ങ്ങ​ൾ ഉ​ന്ന​യി​ച്ച​ത്.

മു​ന്‍ ഐ.​എ.​എ​സ് ഉ​ദ്യോ​ഗ​സ്ഥ​ന്‍ മാ​ധ​വ​ന്‍ ന​മ്പ്യാ​ര്‍ ചെ​യ​ർ​മാ​നും മു​ന്‍ ആ​രോ​ഗ്യ സെ​ക്ര​ട്ട​റി രാ​ജീ​വ് സ​ദാ​ന​ന്ദ​ന്‍ അം​ഗ​വു​മാ​യ സ​മി​തി ഏ​റെ പ്രാ​ധാ​ന്യ​മു​ള്ള റി​പ്പോ​ർ​ട്ടാ​ണ്​ ന​ൽ​കി​യി​ട്ടു​ള്ള​ത്. ചി​ല നി​ർ​ദേ​ശ​ങ്ങ​ളും റി​പ്പോ​ർ​ട്ടി​ലു​ണ്ട്. എ​ന്നാ​ൽ, ഇ​ത്​ പു​റ​ത്തു​വി​ടാ​നോ ന​ട​പ​ടി സ്വീ​ക​രി​ക്കാ​നോ സ​ർ​ക്കാ​ർ ത​യാ​റാ​യി​ട്ടി​ല്ല. ഹ​ര​ജി​യു​മാ​യി ബ​ന്ധ​പ്പെ​ട്ട പ്ര​ധാ​ന​രേ​ഖ​യെ​ന്ന നി​ല​യി​ൽ റി​പ്പോ​ർ​ട്ട്​ ഹാ​ജ​രാ​ക്കാ​ൻ ഉ​ത്ത​ര​വി​ട​ണം.

രോ​ഗി​ക​ളു​ടെ വി​വ​ര​ങ്ങ​ൾ ക​മ്പ​നി​ക്ക് കൈ​മാ​റു​മ്പോ​ൾ അ​വ​രെ തി​രി​ച്ച​റി​യാ​ൻ ക​ഴി​യു​ന്ന വി​വ​ര​ങ്ങ​ൾ ര​ഹ​സ്യ​മാ​ക്ക​ണ​മെ​ന്ന​ും ബ​ന്ധ​പ്പെ​ട്ട വ്യ​ക്തി​യി​ൽ​നി​ന്ന് നി​ർ​ദി​ഷ്​​ട ഫോ​റ​ത്തി​ൽ സ​മ്മ​ത​പ​ത്രം വാ​ങ്ങി​യി​രി​ക്ക​ണ​മെ​ന്നു​മാ​ണ്​ ഏ​പ്രി​ൽ 24ന്​ ​കോ​ട​തി ഇ​ട​ക്കാ​ല ഉ​ത്ത​ര​വ്​ പു​റ​പ്പെ​ടു​വി​ച്ച​ത്. എ​ന്നാ​ൽ, ഈ ​ഉ​ത്ത​ര​വ്​ ന​ട​പ്പാ​ക്കാ​ൻ സ​ർ​ക്കാ​ർ നി​ർ​ദേ​ശം ന​ൽ​കി​യ​ത്​ ര​ണ്ടാ​ഴ്​​ച​യി​ലേ​റെ ക​ഴി​ഞ്ഞാ​ണ്.

അ​തി​നാ​ലാ​ണ്, മാ​ർ​ച്ച്​ 24 മു​ത​ൽ ഇ​ട​ക്കാ​ല ഉ​ത്ത​ര​വ്​ ന​ട​പ്പാ​ക്കാ​ൻ തു​ട​ങ്ങി​യ​തു​വ​രെ ശേ​ഖ​രി​ച്ച രോ​ഗി​ക​ളു​ടെ വി​വ​ര​ങ്ങ​ളും വി​ളി​ച്ചു​വ​രു​ത്താ​ൻ ആ​വ​ശ്യ​പ്പെ​ട്ടി​രി​ക്കു​ന്ന​ത്. സം​സ്ഥാ​ന സ​ർ​ക്കാ​ർ, എം. ​ശി​വ​ശ​ങ്ക​ർ, മു​ഖ്യ​മ​ന്ത്രി പി​ണ​റാ​യി വി​ജ​യ​ൻ എ​ന്നി​വ​ർ ചേ​ർ​ന്ന്​ ന​ഷ്​​ട​പ​രി​ഹാ​രം ന​ൽ​കാ​ൻ ഉ​ത്ത​ര​വി​ട​ണ​മെ​ന്നാ​ണ്​ ഹ​ര​ജി​യി​ലെ ആ​വ​ശ്യം.