കണ്ണീരോർമയായി പാർവതി 

പേരാവൂർ : സൗഹൃദങ്ങളുടെ പഠനയാത്ര ശ്രീപാർവ്വതിയെ ഇഷ്ടപ്പെടുന്നവർക്ക് സമ്മാനിച്ചത് കണ്ണീരോർമയാണ്. ആഴ്ചകൾക്ക് മുൻപ് സ്‌കൂളിൽ നിന്ന് പാർവതിയും സുഹൃത്തുക്കളും ബാംഗ്ളൂരിലേക്ക് പഠനയാത്ര പോയത് കളിചിരികളോടെയായിരുന്നു. യാത്ര കഴിഞ്ഞു മടങ്ങിയെത്തിയ ശേഷമാണ് പർവതിയിൽ അസ്വസ്ഥതകൾ കണ്ട് തുടങ്ങിയത്. പരിശോധനകളിൽ ഡിഫ്തീരിയ ബാധിച്ചതായി കണ്ടെത്തി. അവസ്ഥ മോശമാണെന്ന്​ അറിഞ്ഞ നാൾ തൊട്ട് അവൾക്ക് വേണ്ടി പ്രാർത്ഥനയോടെ കഴിയുകയായിരുന്നു സ്‌കൂളും വളയങ്ങാടെന്ന ഗ്രാമവും.

ശ്രീപാർവ്വതിയു​െട മൃതദേഹം വഹിച്ചുള്ള വിലാപയാത്ര

 

ഒടുവിൽ കോഴിക്കോട്ടെ സ്വകാര്യ ആശുപത്രിയിലെ ചികിത്സക്കിടയിൽ ചൊവ്വാഴ്ച പുലർച്ചയോടെ പർവതിക്കുട്ടിയെ മരണം തട്ടിയെടുക്കുകയായിരുന്നു. സ്വപ്‌നങ്ങൾ ബാക്കിയാക്കി അവൾ പോയതോടെ ആ ഗ്രാമത്തി​​െൻറ കണ്ണുകൾ ഇൗറനണിഞ്ഞു. കൂട്ടുകാരിയുടെ വേർപാടിനെ വിശ്വസിക്കാനാകാതെയായിരുന്നു സുഹൃത്തുക്കൾ വീട്ടിൽ എത്തിയത്. നെടുംപൊയിലിൽ എത്തിച്ച മൃതദേഹത്തിനൊപ്പം  സഹപാഠികളും അധ്യാപകരും ജനപ്രതിനിധികളും വിലാപയാത്രയായി അനുഗമിച്ചു.