ശ്രീജിത്തിന്‍റെ മരണം സി.ബി.ഐ അന്വേഷണം ആവശ്യപ്പെട്ട് നൽകിയ ഹരജി ഇന്ന് പരിഗണിക്കും

കൊച്ചി: വരാപ്പുഴയിൽ കസ്​റ്റഡി മരണത്തെ തുടർന്ന്​ ശ്രീജിത്​  മരിക്കാനിടയായ സംഭവത്തിൽ സി.ബി.​െഎ അ​േന്വഷണവും നഷ്​ടപരിഹാരവും ആവശ്യപ്പെട്ട്​ സമർപ്പിച്ച ഹരജി  ഹൈകോടതി ഇന്ന് പരിഗണിക്കും. അന്വേഷണം ഫലപ്രദമല്ലെന്നും പൊലീസ്​ കസ്​റ്റഡിയിൽ മരിച്ചതിനാൽ നഷ്​ടപരിഹാരത്തിന്​ അർഹതയുണ്ടെന്നും ചൂണ്ടിക്കാട്ടിയാണ്​ മരണപ്പെട്ട ശ്രീജിത്തി​​െൻറ ഭാര്യ അഖില ഹരജി നൽകിയിരിക്കുന്നത്​. 

സംഭവവുമായി ബന്ധപ്പെട്ട  ഗൂഡാലോചനക്കാരെ പുറത്തുകൊണ്ടുവരാൻ ഒരു നടപടിയുമുണ്ടായിട്ടില്ല. സംഭവത്തിന്​ ഉത്തരവാദികളായ റൂറൽ എസ്​.പിയും സി.​ഐയും ഉൾപ്പെടെയുള്ള ഉന്നതർക്കെതിരെ നടപടിയില്ല. പൊലീസുകാർ പ്രതിയായ കേസ്​ പൊലീസ്​ തന്നെ അന്വേഷിക്കുന്നത്​ ഫലപ്രദമാകില്ല. അതിനാൽ, സി.ബി.​െഎക്ക് അന്വേഷണം കൈമാറണമെന്നും ഒരു കോടി നഷ്ടപരിഹാരം നൽകാൻ  ഉത്തവിടണമെന്ന്​ ഹരജിയിൽ ആവശ്യപ്പെടുന്നു.