ശ്രീകുമാരൻ തമ്പി: മാറ്റി നിർത്താനാകാത്ത പ്രതിഭ

തി​രു​വ​ന​ന്ത​പു​രം: സ​ര്‍ഗാ​ത്മ​ക​ത​യു​ടെ ബ​ഹു​മു​ഖ മേ​ഖ​ല​ക​ളി​ല്‍ കൈ​യൊ​പ്പ്​ പ​തി​പ്പി​ച്ച ശ്രീ​കു​മാ​ര​ന്‍ ത​മ്പി​യു​ടെ ജീ​വി​ത​ത്തി​ലെ ഉ​യ​ര്‍ച്ച​താ​ഴ്ച​ക​ളും തീ​രാ​ന​ഷ്ട​ങ്ങ​ളും നോ​വി​ന്‍റെ അ​ക്ഷ​ര​ങ്ങ​ളാ​ല്‍ രേ​ഖ​പ്പെ​ടു​ത്തി​യ ഗ്ര​ന്ഥ​മാ​ണ് ‘ജീ​വി​തം ഒ​രു പെ​ന്‍ഡു​ലം’. മ​ല​യാ​ള സി​നി​മാ​ഗാ​ന മേ​ഖ​ല​യു​ടെ ച​രി​ത്ര​വും വ​ര്‍ത്ത​മാ​ന​വും അ​തി​ൽ വാ​യി​ച്ചെ​ടു​ക്കാം. ആ​ത്മ​ക​ഥാ​പ​ര​മാ​യ കൃ​തി എ​ന്ന​തി​ന​പ്പു​റം സാ​മൂ​ഹി​ക​വും ചി​ന്താ​പ​ര​മാ​യ സൃ​ഷ്ടി എ​ന്ന നി​ല​യി​ലു​ള്ള അ​സാ​ധാ​ര​ണ​ത്വ​വും പു​സ്ത​കം അ​ട​യാ​ള​പ്പെ​ടു​ത്തു​ന്നു.

ആ​ല​പ്പു​ഴ ജി​ല്ല​യി​ലെ ഹ​രി​പ്പാ​ട് 1940ല്‍ ​ജ​നി​ച്ച ശ്രീ​കു​മാ​ര​ന്‍ ത​മ്പി പ​ഠ​ന​കാ​ലം മു​ത​ൽ സാ​ഹി​ത്യ​ര​ച​ന​യി​ൽ സ​ജീ​വ​മാ​യി​രു​ന്നു. പി. ​സു​ബ്ര​ഹ്മ​ണ്യ​ത്തി​ന്റെ ‘കാ​ട്ടു​മ​ല്ലി​ക’​യി​ലൂ​ടെ​യാ​ണ് സി​നി​മ ഗാ​ന​ര​ച​ന​ക്കു തു​ട​ക്കം. മൂ​വാ​യി​ര​ത്തി​ല​ധി​കം ഗാ​ന​ങ്ങ​ള്‍ ര​ചി​ച്ചു. അ​വ​യി​ല്‍ മി​ക്ക​വ​യും മ​ല​യാ​ളി​ക​ളും മ​ല​യാ​ള​ഭാ​ഷ​യും നി​ല​നി​ൽ​ക്കു​വോ​ളം ഓ​ർ​മി​ക്ക​പ്പെ​ടു​ന്ന​വ​യാ​ണ്. ശ്രീ​കു​മാ​ര​ന്‍ ത​മ്പി- ദ​ക്ഷി​ണാ​മൂ​ര്‍ത്തി, ശ്രീ​കു​മാ​ര​ൻ ത​മ്പി- എം.​കെ. അ​ര്‍ജു​ന​ന്‍, ശ്രീ​കു​മാ​ര​ൻ ത​മ്പി- ദേ​വ​രാ​ജ​ൻ കൂ​ട്ടു​കെ​ട്ടു​ക​ള്‍ മ​ല​യാ​ള സി​നി​മ ഗാ​ന​ങ്ങ​ളെ നി​ത്യ​ഹ​രി​ത​ത്വ​ത്തി​ന്റെ വി​താ​ന​ത്തി​ലേ​ക്കു​യ​ര്‍ത്തി. ല​ളി​ത​ഗാ​ന​ങ്ങ​ള്‍, ആ​ല്‍ബം ഗാ​ന​ങ്ങ​ള്‍, ഭ​ക്തി​ഗാ​ന​ങ്ങ​ള്‍ തു​ട​ങ്ങി ആ​യി​ര​ത്തോ​ളം ര​ച​ന​ക​ള്‍ വേ​റെ​യും.

മ​ല​യാ​ളി​ക​ളു​ടെ നാ​വി​ൻ​തു​മ്പി​ൽ പ്ര​ണ​യ​ത്തി​ന്‍റെ​യും വി​ര​ഹ​ത്തി​ന്‍റെ​യും ആ​സ്വാ​ദ​ന​ത്തി​ന്‍റെ​യും ചി​ന്ത​യു​ടെ​യും ഭാ​വ​ന​യു​ടെ​യും അ​വി​സ്മ​ര​ണീ​യ ഈ​ണ​ങ്ങ​ൾ അ​ദ്ദേ​ഹം കോ​ർ​ത്തി​ട്ടു. മു​പ്പ​തോ​ളം സി​നി​മ​ക​ള്‍ സം​വി​ധാ​നം ചെ​യ്ത ശ്രീ​കു​മാ​ര​ന്‍ ത​മ്പി എ​ണ്‍പ​തോ​ളം സി​നി​മ​ക​ള്‍ക്ക് തി​ര​ക്ക​ഥ എ​ഴു​തി. 22 സി​നി​മ​ക​ളും ആ​റ് ടെ​ലി​വി​ഷ​ന്‍ പ​ര​മ്പ​ര​ക​ളും നി​ർ​മി​ച്ചു.

നീ​ല​ത്താ​മ​ര, അ​ച്ഛ​ന്റെ ചും​ബ​നം, അ​മ്മ​ക്കൊ​രു താ​രാ​ട്ട് തു​ട​ങ്ങി 10 കാ​വ്യ​സ​മാ​ഹ​ര​ങ്ങ​ളും നാ​ലു നോ​വ​ലും 1001 ഗാ​ന​ങ്ങ​ളു​ടെ സ​മാ​ഹാ​ര​മാ​യ ‘ഹൃ​ദ​യ​സ​ര​സ്സ്, ഒ​രു നാ​ട​കം എ​ന്നി​വ​യും ശ്രീ​കു​മാ​ര​ന്‍ ത​മ്പി​യു​ടേ​താ​യു​ണ്ട്. മ​ല​യാ​ള ച​ല​ച്ചി​ത്ര​ഗാ​ന ച​രി​ത്രം സം​ബ​ന്ധി​ച്ച​ ‘സം​ഗീ​ത യാ​​ത്ര​ക​ൾ’ എ​ന്ന ഓ​ർ​മ​ക്കു​റി​പ്പ്​​ ‘മാ​ധ്യ​മം’ ആ​ഴ്ച​പ്പ​തി​പ്പി​ൽ അ​ച്ച​ടി​ച്ചു​വ​രു​ക​യാ​ണ്.

മി​ക​ച്ച സം​വി​ധാ​യ​ക​നു​ള്ള ഫി​ലിം ഫെ​യ​ര്‍ അ​വാ​ര്‍ഡ്, മി​ക​ച്ച ഗാ​ന​ര​ച​യി​താ​വി​നു​ള്ള സം​സ്ഥാ​ന പു​ര​സ്‌​കാ​രം, പ്രേം​ന​സീ​ര്‍ പു​ര​സ്കാ​രം, വ​ള്ള​ത്തോ​ൾ പു​ര​സ്കാ​രം (2016), ആ​ശാ​ന്‍ പു​ര​സ്‌​കാ​രം, ഓ​ട​ക്കു​ഴ​ല്‍ പു​ര​സ്‌​കാ​രം, മ​യി​ല്‍പ്പീ​ലി പു​ര​സ്‌​കാ​രം, കേ​ര​ള സം​ഗീ​ത​നാ​ട​ക അ​ക്കാ​ദ​മി പു​ര​സ്‌​കാ​രം, ജെ.​സി. ഡാ​നി​യ​ല്‍ പു​ര​സ്‌​കാ​രം എ​ന്നി​വ ല​ഭി​ച്ചി​ട്ടു​ണ്ട്. കൂ​ടാ​തെ അ​ദ്ദേ​ഹം സം​വി​ധാ​നം ചെ​യ്ത ഗാ​നം, മോ​ഹി​നി​യാ​ട്ടം എ​ന്നീ സി​നി​മ​ക​ൾ​ക്ക് ക​ലാ​മൂ​ല്യ​വും ജ​ന​പ്രീ​തി​യു​മു​ള്ള ചി​ത്ര​ങ്ങ​ൾ​ക്കു​ള്ള സം​സ്ഥാ​ന അ​വാ​ർ​ഡ് ല​ഭി​ച്ചു.

മ​ല​യാ​ള ച​ല​ച്ചി​ത്ര പ​രി​ഷ​ത്ത്, മ​ല​യാ​ളം ഫി​ലിം പ്രൊ‍ഡ്യൂ​സേ​ഴ്സ് അ​സോ​സി​യേ​ഷ​ൻ എ​ന്നി​വ​യു​ടെ വൈ​സ് പ്ര​സി​ഡ​ന്റാ​യി​രു​ന്നു. ദേ​ശീ​യ ഫീ​ച്ച​ർ ഫി​ലിം ജൂ​റി​യി​ൽ മൂ​ന്നു ത​വ​ണ അം​ഗ​മാ​യി​രു​ന്നു. സം​സ്ഥാ​ന ഫീ​ച്ച​ര്‍ ഫി​ലിം ജൂ​റി ചെ​യ​ർ​മാ​നാ​യി​രു​ന്നു. രാ​ജേ​ശ്വ​രി​യാ​ണ് ഭാ​ര്യ. മ​ക്ക​ൾ: ക​വി​ത, പ​രേ​ത​നാ​യ രാ​ജ​കു​മാ​ര​ന്‍ ത​മ്പി.