ഈ പ്രതികരിച്ചവർക്കെല്ലാം ദുരനുഭവമുണ്ടായിട്ടുണ്ടെന്ന് എന്താ തെളിവ്? -ശ്രീലത നമ്പൂതിരി
text_fieldsതിരുവനന്തപുരം: ഹേമ കമ്മിറ്റി റിപ്പോർട്ട് ഭാഗികമായി പുറത്തുവന്നതിന് പിന്നാലെ പലരും നടത്തുന്ന വെളിപ്പെടുത്തലിൽ പ്രതികരണവുമായി നടി ശ്രീലത നമ്പൂതിരി. ഈ പ്രതികരിച്ചവർക്കെല്ലാം ദുരനുഭവമുണ്ടായിട്ടുണ്ടെന്ന് എന്താ തെളിവെന്ന് ശ്രീലത നമ്പൂതിരി മാധ്യമപ്രവർത്തകരോട് ചോദിച്ചു. ചീത്ത അനുഭവങ്ങൾ ഉണ്ടായിട്ടുള്ളവർ ധൈര്യമായിട്ട് തെളിവ് സഹിതം പരാതി കൊടുക്കണമെന്നും അവർ പറഞ്ഞു.
‘2009ൽ നടന്ന സംഭവമാണത്. ഇത്രയും നാൾ ഈ നടി എവിടെ പോയിരുന്നു? ഇത്രയും നാൾ എന്തിന് കാത്തിരുന്നു? ബാൻ ചെയ്യുകയാണെങ്കിൽ അവർ വേറെ വല്ല ജോലിക്ക് പോ. സിനിമയിൽ തന്നെ വരണമെന്ന് ഇത്ര തീരുമാനമെന്താ? ഈ കമീഷൻ വരുന്നത് വരെ കാത്തിരുന്നത് എന്തിനാ? ഈ പ്രതികരിച്ചവർക്കെല്ലാം ദുരനുഭവമുണ്ടായിട്ടുണ്ടെന്ന് എന്താ തെളിവ്? ഇത് ചുമ്മാ അവിടുന്നും ഇവിടുന്നും പറഞ്ഞുകൊണ്ടിരിക്കുന്നു. ദിവസവും പത്തിരുപത്തഞ്ച് പേർ പീഡനം പീഡനം എന്ന് പറഞ്ഞോണ്ടിരിക്കുന്നു...’ -നടി മാധ്യമപ്രവർത്തകരുടെ ചോദ്യങ്ങൾക്ക് ഉത്തരമായി പറഞ്ഞു.
തനിക്ക് അങ്ങനെയുള്ള ചീത്ത അനുഭവങ്ങൾ ഉണ്ടായിട്ടില്ലെന്നും ചീത്ത അനുഭവങ്ങൾ ഉണ്ടായിട്ടുള്ളവർ ധൈര്യമായിട്ട് തെളിവ് സഹിതം പരാതി കൊടുക്കണമെന്നും ശ്രീലത നമ്പൂതിരി പ്രതികരിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.