ശ്രീലങ്കൻ സ്​ഫോടനം: പാലക്കാടും കാസർകോടും​ ​എൻ.ഐ.എ റെയ്​ഡ്; ഒരാൾ കസ്​റ്റഡിയി​ൽ

പാലക്കാട്​/കാസർകോട്​: ശ്രീലങ്കൻ സ്‌ഫോടനത്തി​​െൻറ പശ്ചാത്തലത്തില്‍ പാലക്കാടും​ കാസർകോടും ദേശീയ അന്വേഷണ ഏ ജൻസിയുടെ (എൻ.ഐ.എ) റെയ്​ഡ്​. പാലക്കാട്ട്​​ കൊല്ല​േങ്കാട്​ സ്വദേശിയായ 29കാരനെ അന്വേഷക സംഘം കസ്​റ്റഡിയിലെടുത്തു. ഞ ായറാഴ്​ച രാവിലെ ആറോടെയാണ്​ എൻ.​​െഎ.എ ഉദ്യോഗസ്ഥർ പാലക്കാ​െട്ടത്തിയത്​. ലോക്കൽ പൊലീസി​​െൻറ സഹായത്തോടെ വീട ് വളഞ്ഞ സംഘം വീട്ടിലുണ്ടായിരുന്ന യുവാവിനെ കസ്​റ്റഡിയിലെടുക്കുകയായിരുന്നു. ഇയാളെ പിന്നീട്​ കൊച്ചിയിലേക്കു​ കൊണ്ടുപോയി.

വീട്ടിലെ അലമാരകളടക്കം പരിശോധിച്ച സംഘം ഇയാൾ​ ഉപയോഗിച്ച മൊബൈലും കസ്​റ്റഡിയിലെടുത്തു. ഒമ്പതു​ മണിയോടെയാണ്​ ഉദ്യോഗസ്​ഥർ മടങ്ങിയത്​. യു​വാവിന്​​ തീവ്രവാദബന്ധമുണ്ടെന്ന്​ സംശയിക്കുന്നതായും ഇത്​ പരിശോധിക്കാനാണ്​ കസ്​റ്റഡിയി​ലെടുത്തതെന്നുമാണ്​ എൻ.​െഎ.എ ഉദ്യോഗസ്ഥർ വീട്ടുകാരോട്​ പറഞ്ഞത്​. യുവാവി​​െൻറ കുടുംബം രണ്ടു വർഷംമുമ്പാണ്​ ഇവിടെ വീടുവെച്ച്​ താമസമായത്​. അത്തറി​​െൻറ കച്ചവടം നടത്തുകയാണ്​ അവിവാഹിതനായ യുവാവ്​​. മാതാപിതാക്കൾക്ക്​ ഇവിടെ തുണിക്കടയുണ്ട്​. സലഫി ആശയക്കാരനാണെങ്കിലും ഏതെങ്കിലും സംഘടനയുമായി യുവാവിന്​ ബന്ധമുള്ളതായി അറിവില്ലെന്ന്​ സഹോദരൻ പറഞ്ഞു.

​കാസർകോട്​ വിദ്യാനഗറിലെ രണ്ടു വീടുകളിലാണ്​ ഞായറാഴ്​ച രാവിലെ റെയ്​ഡ്​ നടന്നത്​. മൊബൈല്‍ ഫോണുകള്‍ അടക്കം പിടിച്ചെടുത്തതായാണ്​ വിവരം. കൂടുതൽ ചോദ്യംചെയ്യലിനായി തിങ്കളാഴ്​ച കൊച്ചി എൻ.​െഎ.എ ഒാഫിസിൽ ഹാജരാകാൻ രണ്ടുപേർക്ക്​​ നോട്ടീസ്​ നൽകിയിട്ടുണ്ട്​. പരിശോധനക്ക്​​ വിദ്യാനഗർ പൊലീസി​​െൻറ സഹായം തേടിയിരുന്നെങ്കിലും റെയ്​ഡിൽ സഹകരിപ്പിച്ചില്ല. ഏപ്രില്‍ 21ന് ഈസ്​റ്റര്‍ ദിനത്തിലാണ് ശ്രീലങ്കയെ നടുക്കിയ സ്‌ഫോടന പരമ്പരയുണ്ടായത്​. കാസർകോട്​ മൊഗ്രാൽ പുത്തൂരിലെ പി.എസ്​. അബ്​ദുല്ലയുടെ മകൾ പി.എസ്​. റസീനയും സ്​ഫോടനത്തിൽ കൊല്ലപ്പെട്ടിരുന്നു.