വയനാട്ടിൽ എസ്.ടി പ്രമോട്ടര്‍ വൈദ്യുതാഘാതമേറ്റ്​ മരിച്ചു

പടിഞ്ഞാറത്തറ(വയനാട്​): ട്രൈബല്‍ എക്സ്റ്റന്‍ഷന്‍ ഓഫീസിലെ എസ്.ടി പ്രമോട്ടര്‍ വൈദ്യുതാഘാതമേറ്റ്​ മരിച്ചു. പടിഞ്ഞാറത്തറ ഞാറ്റാലപ്പടി കോളനി സലിജ ഭവന്‍ വി ബാലചന്ദ്രന്‍ (45) ആണ്​ മരിച്ചത്​. ശനിയാഴ്​ച വൈകുന്നേരത്തോടെയാണ് സംഭവം.

പാണ്ടങ്കോ​ട്ടെ ഒരു വീട്ടിലേക്കുള്ള സർവീസ് ലൈന്‍ നന്നാക്കുന്നതിനിടെ വൈദ്യുതി പോസ്റ്റില്‍ നിന്ന്​ വൈദ്യുതാഘാതമേറ്റ് താഴെ വീഴുകയായിരുന്നുവെന്ന് നാട്ടുകാര്‍ പറഞ്ഞു.

തുടര്‍ന്ന് പൊരുന്നന്നൂര്‍ സാമൂഹികാരോഗ്യ കേന്ദ്രത്തില്‍ എത്തിച്ചെങ്കിലും ജീവൻ രക്ഷിക്കാനായില്ല. പ്രമോട്ടറാകുന്നതിന് മുമ്പ് ബാലചന്ദ്രന്‍ കെ.എസ്.ഇ.ബി യില്‍ താല്‍ക്കാലിക ജോലികള്‍ക്ക് പോയിരുന്നു. ഭാര്യ: സലിജ. മക്കള്‍: ജഗന്നാഥന്‍, ദേവനന്ദ.