യുവാവിനെ കുത്തിക്കൊന്ന സംഭവം: ഒരാള്‍ കൂടി പിടിയില്‍

ച​ങ്ങ​രം​കു​ളം: കോ​ലി​ക്ക​ര​യി​ല്‍ പാ​വി​ട്ട​പ്പു​റം സ്വ​ദേ​ശി​യാ​യ യു​വാ​വ് കു​ത്തേ​റ്റ് മ​രി​ച്ച സം​ഭ​വ​ത്തി​ല്‍ ഒ​രാ​ളെ കൂ​ടി അ​ന്വേ​ഷ​ണ സം​ഘം അ​റ​സ്​​റ്റ്​ ചെ​യ്തു. ച​ങ്ങ​രം​കു​ളം കോ​ലി​ക്ക​ര​യി​ല്‍ വാ​ട​ക​ക്ക് താ​മ​സി​ക്കു​ന്ന കൊ​ട്ടി​ലി​ങ്ങ​ല്‍ അ​ക്ഷ​യ് (24) ആ​ണ് അ​റ​സ്​​റ്റി​ലാ​യ​ത്. വ​യ​നാ​ട്ടി​ല്‍ ഒ​ളി​വി​ല്‍ ക​ഴി​യു​ന്ന​തി​നി​ടെ​യാ​ണ്​ ഇ​യാ​ൾ പി​ടി​യി​ലാ​യ​ത്.

സം​ഭ​വ ശേ​ഷം ഒ​ന്നാം പ്ര​തി ഷ​മാ​സ് അ​ട​ക്ക​മു​ള്ള​വ​രു​മാ​യി കാ​റി​ല്‍ വ​യ​നാ​ട്ടി​ലേ​ക്ക് ര​ക്ഷ​പ്പെ​ട്ട​താ​യി​രു​ന്നു. തൊ​ടു​പു​ഴ, കു​ന്ദം​കു​ളം, വ​യ​നാ​ട് തു​ട​ങ്ങി​യ സ്ഥ​ല​ങ്ങ​ളി​ല്‍ പോ​ക്​​സോ, അ​ടി​പി​ടി, ക​ഞ്ചാ​വ് അ​ട​ക്ക​മു​ള്ള കേ​സു​ക​ളി​ൽ അ​ക്ഷ​യ്​ പ്ര​തി​യാ​ണെ​ന്ന്​ അ​ന്വേ​ഷ​ണ സം​ഘം പ​റ​ഞ്ഞു. കേ​സി​ല്‍ അ​ഞ്ച്​ പേ​ർ നേ​ര​ത്തെ പി​ടി​യി​ലാ​യി​രു​ന്നു.

പ്ര​തി​ക​ൾ ല​ഹ​രി ഉ​പ​ഭോ​ക്താ​ക്ക​ളും വി​ല്‍പ​ന​ക്കാ​രു​മാ​ണെ​ന്നാ​ണ് അ​ന്വേ​ഷ​ണ സം​ഘ​ത്തി​െൻറ നി​ഗ​മ​നം. ഫെ​ബ്രു​വ​രി ഒ​മ്പ​തി​ന് വൈ​കീ​ട്ട് ആ​റി​നാ​ണ്​ കോ​ലി​ക്ക​ര സ്വ​കാ​ര്യ സ്കൂ​ളി​ന് സ​മീ​പം പാ​വി​ട്ട​പ്പു​റം മു​ക്കു​ന്ന​ത്ത് അ​റ​ക്ക​ല്‍ മൊ​യ്തു​ണ്ണി​യു​ടെ മ​ക​ന്‍ മു​നീ​ബി​ന്​ (25) കു​ത്തേ​റ്റ​ത്.

നെ​ഞ്ചി​ലും വ​യ​റ്റി​ലും കു​ത്തേ​റ്റ മു​നീ​ബി​നെ സു​ഹൃ​ത്തു​ക്ക​ള്‍ ചേ​ര്‍ന്ന് ച​ങ്ങ​രം​കു​ള​ത്തെ സ്വ​കാ​ര്യ ആ​ശു​പ​ത്രി​യി​ല്‍ എ​ത്തി​ച്ചെ​ങ്കി​ലും മ​രി​ച്ചി​രു​ന്നു. സം​ഭ​വ​ത്തി​ല്‍ ഒ​ന്നാം പ്ര​തി കോ​ലി​ക്ക​ര ഷ​മാ​സ് (20), ചാ​ലി​ശ്ശേ​രി കാ​ട്ടു​പാ​ടം മ​ഹേ​ഷ് (18), കാ​ഞ്ഞി​ര​ത്താ​ണി ക​പ്പൂ​ര്‍ അ​മ​ല്‍ ബാ​ബു (21) ഷ​മാ​സി​െൻറ സ​ഹോ​ദ​ര​ന്‍ കൂ​ടി​യാ​യ ഷെ​ഫീ​ക്ക് (19) ക​ല്ലും​പു​റം സ്വ​ദേ​ശി പാ​രി​ക്കു​ന്ന​ത്ത് ദാ​വൂ​ദ് ഹ​ക്കീം (21) എ​ന്നി​വ​രാ​ണ് നേ​ര​ത്തെ അ​റ​സ്​​റ്റി​ലാ​യ​ത്.