മെഡിക്കല്‍ വിദ്യാഭ്യാസ വകുപ്പില്‍ 99 നഴ്സുമാർക്ക് നിയമനം

തിരുവനന്തപുരം: മെഡിക്കല്‍ വിദ്യാഭ്യാസ വകുപ്പില്‍ ഗ്രേഡ് രണ്ട് സ്റ്റാഫ് നഴ്സ് തസ്തികയിലേക്ക് 99 നിയമന ഉത്തരവു കള്‍ അയച്ചതായി മുഖ്യമന്ത്രി പിണറായി വിജയൻ. ഇവര്‍ക്ക് അടിയന്തര നിയമനം നൽകും.

കോവിഡ് - 19 പരിശോധനാ കിറ്റുകള്‍ക്ക് ക്ഷാമമുണ്ടാകില്ലെന്നും അദ്ദേഹം അറിയിച്ചു. ഇരുപതിനായിരം കിറ്റ് വെള്ളിയാഴ്ച ഐ.സി.എം.ആര്‍ വഴി ലഭിക്കും.

അത്യാവശ്യഘട്ടം വന്നാല്‍ ഉപയോഗിക്കാൻ പൊതുമരാമത്ത് വകുപ്പ് 1.73 ലക്ഷം കിടക്കകൾ കണ്ടെത്തി. ഇതിൽ 1.1 ലക്ഷം ഇപ്പോള്‍ തന്നെ ഉപയോഗയോഗ്യമാണെന്നും മുഖ്യമന്ത്രി പറഞ്ഞു.