‘എസ്.എഫ്.ഐക്കാർക്ക് ഒരു വ്യാജ സർവകലാശാല തുടങ്ങിക്കൂടെ? പിണറായി വ്യാജകലാശാല എന്ന് പേരുമിടാം’; പരിഹാസവുമായി രാഹുൽ മാങ്കൂട്ടത്തിൽ

വ്യാജ സർട്ടിഫിക്കറ്റ് കേസിൽ എസ്.എഫ്​.ഐ നേതാക്കൾക്കെതിരെ ആരോപണമുയരുന്നതിൽ പരിഹാസവുമായി ​യൂത്ത് കോൺഗ്രസ് സംസ്ഥാന ജറനൽ സെക്രട്ടറി രാഹുൽ മാങ്കൂട്ടത്തിൽ. പല കോളജിൽ പോയി വ്യാജ സർട്ടിഫിക്കറ്റ് ഉണ്ടാക്കി പിടിക്കപ്പെടുന്നതിന് പകരം എസ്.എഫ്.ഐക്കാർക്ക് ഒരു വ്യാജ സർവകലാശാല തുടങ്ങിക്കൂടെയെന്നും അതിന് പിണറായി വ്യാജകലാശാല എന്ന് പേരിടാമെന്നുമായിരുന്നു ഫേസ്ബുക്ക് പോസ്റ്റിൽ അദ്ദേഹത്തിന്റെ പരിഹാസം.

എ​സ്.​എ​ഫ്.​ഐ ആലപ്പുഴ ജി​ല്ല ക​മ്മി​റ്റി അം​ഗ​വും കാ​യം​കു​ളം ഏ​രി​യ സെ​ക്ര​ട്ട​റി​യു​മാ​യ നി​ഖി​ൽ തോ​മ​സ് കായംകുളം എം.എസ്.എം കോളജിൽ വ്യാ​ജ സ​ർ​ട്ടി​ഫി​ക്ക​റ്റ് സ​മ​ർ​പ്പി​ച്ച് എം.​കോം പ്ര​വേ​ശ​നം നേടിയതായി കഴിഞ്ഞ ദിവസം ആരോപണമുയർന്നിരുന്നു. ഇതിന് പിന്നാലെയാണ് രാഹുലിന്റെ പരിഹാസം. ആരോപണത്തെ തു​ട​ർ​ന്ന്​ നി​ഖി​ലി​നെ എ​സ്.​എ​ഫ്.​ഐ ര​ണ്ട്​ ഭാ​ര​വ​ഹി​ത്വ​ങ്ങ​ളി​ൽ​നി​ന്നും നീ​ക്കിയിരുന്നു. നി​ഖി​ലി​ന്റെ ജൂ​നി​യ​ർ വി​ദ്യാ​ർ​ഥി​നി​യാ​യ ജി​ല്ല ക​മ്മി​റ്റി അം​​ഗം ന​ൽ​കി​യ പ​രാ​തി​യി​​ലാ​ണ് ന​ട​പ​ടി. നി​ഖി​ൽ 2018-20ൽ ​ഇ​വി​ടെ ബി.​കോം വി​ദ്യാ​ർ​ഥി​യാ​യി​രു​ന്നു. 2021ലാ​ണ്​ ഇ​തേ കോ​ള​ജി​ൽ എം.​കോ​മി​ന് ചേ​ർ​ന്ന​ത്.

വ്യാജ തൊഴിൽ പരിചയ സർട്ടിഫിക്കറ്റ് നൽകി ​ജോലി നേടിയ സംഭവത്തിൽ എസ്.എഫ്.ഐ മുൻ നേതാവ് കെ. വിദ്യ ഒളിവിലാണ്. 2022ല്‍ കരിന്തളം കോളജില്‍ വ്യാജരേഖ ഹാജരാക്കി നിയമനം നേടിയ കേസിൽ ജാമ്യമില്ലാ വകുപ്പ് ചുമത്തി നീലേശ്വരം പൊലീസ് കേസെടുത്തതോടെയാണ് ഇവർ ഒളിവിൽ പോയത്.

രാഹുലിന്റെ ഫേസ്ബുക്ക് പോസ്റ്റ്:

പല കോളജിൽ പോയി വ്യാജ സർട്ടിഫിക്കറ്റ് ഉണ്ടാക്കി പിടിക്കപ്പെടുന്നതിനു പകരം ഈ എസ്.എഫ്.ഐക്കാർക്ക് ഒരു വ്യാജ സർവകലാശാല തുടങ്ങിക്കൂടെ?
പിണറായി വ്യാജകലാശാല എന്ന് പേരുമിടാം.