ഇ.പി ജയരാജൻ വാ പോയ കോടാലി -വി.ഡി സതീശൻ, ഞങ്ങളുടെ കുട്ടികളെ തൊട്ടാൽ പ്രത്യാഘാതം ഗുരുതരം -കെ. സുധാകരൻ
text_fieldsതിരുവനന്തപുരം: മുഖ്യമന്ത്രി പിണറായി വിജയനെതിരെ വിമാനത്തിലുണ്ടായ പ്രതിഷേധത്തിൽ പ്രതികരണവുമായി കോണ്ഗ്രസ് നേതാക്കള്. ഇ.പി ജയരാജൻ വാ പോയ കോടാലിയാണെന്ന് പ്രതിപക്ഷ നേതാവ് വി.ഡി സതീശൻ വിമര്ശിച്ചു. യൂത്ത് കോൺഗ്രസ് ഭാരവാഹികളാണ് വിമാനത്തിനുള്ളില് പ്രതിഷേധിച്ചത്. മുഖ്യമന്ത്രി കണ്ണാടിക്കൂട്ടില് നിന്നാലും പ്രതിഷേധിക്കുമെന്നും അദ്ദേഹം പ്രതികരിച്ചു.
പ്രതിഷേധക്കാരെ കൈകാര്യം ചെയ്യാൻ ഇ.പി ജയരാജൻ ആരാണെന്ന് കെ.പി.സി.സി പ്രസിഡന്റ് കെ. സുധാകരൻ ചോദിച്ചു. വിമാനത്തിലെ പ്രതിഷേധം നേതാക്കൾ പറഞ്ഞിട്ടല്ല. എന്നാൽ, അവരെ മർദിച്ച ഇ.പി ജയരാജനെ തങ്ങൾക്ക് ശിക്ഷിക്കേണ്ടി വരും. ഞങ്ങളുടെ കുട്ടികളെ കൈകാര്യം ചെയ്താൽ പ്രത്യാഘാതം ഗുരുതരമാകും. ആദ്യമായാണ് വിമാന യാത്രക്കാരെ അടിച്ച് ശരിയാക്കുന്നത്. വിമാന അധികൃതർ ഇടപെടേണ്ടിയിരുന്നിടത്ത് ഇ.പി ജയരാജനാണ് ഇടപെട്ടത്. ജയരാജൻ പച്ചക്കള്ളമാണ് പറയുന്നത്. മദ്യപിച്ചിട്ടില്ലെന്ന് തെളിഞ്ഞാൽ ജയരാജൻ മാപ്പു പറയുമോയെന്നും പ്രതിഷേധിച്ചാൽ മുഖ്യമന്ത്രിക്കെതിരായ കലാപമാകുമോയെന്നും സുധാകരൻ ചോദിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.