വയനാട്​ കലക്​ടറുടെ ഔദ്യോഗിക വസതിക്ക്​ നേരെ കല്ലേറ്​

കൽപ്പറ്റ: വയനാട്​ ജില്ലാ കലക്​ടർ അദീല അബ്ദുല്ലയുടെ ഔദ്യോഗിക വസതിക്ക്​ നേരെ കല്ലേറ്​. ചൊവ്വാഴ്​ച പുലർച്ചെ ഒന്നരയോടെയാണ്​ കൽപ്പറ്റയിലെ വസതിക്ക്​ നേരെ അക്രമികൾ കല്ലെറിഞ്ഞത്​. അക്രമികളെ തിരിച്ചറിഞ്ഞിട്ടില്ല.

കല്ലേറിൽ കാർപോർച്ചിലെ ഓടുകളും സിറ്റ്​ ഔട്ടിലെ ടൈലുകളും ​തകർന്നു. കൽപ്പറ്റ പൊലീസ്​ അന്വേഷണം നടത്തുന്നുണ്ട്​​. സംഭവസ്ഥലത്തെത്തിയ പൊലീസ്​ തെളിവെടുപ്പ്​ നടത്തി.