ആഷർ എന്ന ‘കോഴിക്കോട്ടുകാരൻ’

കോ​ഴി​ക്കോ​ട്: ‘ന്റു​പ്പൂ​പ്പാ​ക്കൊ​രാ​നേ​ണ്ടാ​ർ​ന്ന്’ എ​ന്ന​തി​നെ ‘മൈ ​ഗ്രാ​ൻ​ഡ് ഡാ​ഡ് ഹാ​ഡ് ആ​ൻ എ​ലി​ഫ​ന്റ്’ എ​ന്ന് ഇം​ഗ്ലീ​ഷി​ലാ​ക്കി​യ​പ്പോ​ഴും താ​ൻ ഒ​ട്ടും സം​തൃ​പ്ത​നാ​യി​രു​ന്നി​ല്ലെ​ന്ന് റൊ​ണാ​ൾ​ഡ് ഇ ​ആ​ഷ​ർ ത​ന്നെ സ​മ്മ​തി​ച്ചി​ട്ടു​ണ്ട്. ബ​ഷീ​റി​ന്റെ പ്ര​യോ​ഗ​ത്തി​ന്റെ ച​ന്തം ഒ​രി​ക്ക​ലും പ​രി​ഭാ​ഷ​ക്ക് പൂ​ർ​ണ​മാ​യി വ​ഴ​ങ്ങി​ത്ത​രി​ല്ലെ​ന്ന് തു​റ​ന്നു​പ​റ​യു​ക​യാ​യി​രു​ന്നു അ​ദ്ദേ​ഹം.

എ​ന്നി​ട്ടും ബ​ഷീ​ർ​മ​ല​യാ​ള​ത്തെ ലോ​ക​​ത്തി​നു മു​ന്നി​ൽ വാ​തി​ൽ തു​റ​ന്ന് ആ​ന​യി​ച്ച​ത് ആ​ഷ​ർ ആ​യി​രു​ന്നു. ബാ​ല്യ​കാ​ല​സ​ഖി​യും ന്റു​പ്പൂ​പ്പാ​ക്കൊ​രാ​നേ​ണ്ടാ​ർ​ന്നു​വും പാ​ത്തു​മ്മ​യു​ടെ ആ​ടും അ​ങ്ങ​നെ ലോ​ക​മെ​ങ്ങും വാ​യി​ക്ക​പ്പെ​ട്ടു. ഇ​ങ്ങ് കൊ​ച്ചു​കേ​ര​ള​ത്തി​ൽ ഒ​രു​വി​ശ്വ​സാ​ഹി​ത്യ​കാ​ര​നു​ണ്ടെ​ന്ന് ആ​ഷ​ർ ലോ​ക​ത്തോ​ട് വി​ളി​ച്ചു​പ​റ​യു​ക​യാ​യി​രു​ന്നു.

ല​​ണ്ട​​ൻ യൂ​​നി​​വേ​​ഴ്സി​​റ്റി കോ​​ള​​ജി​​ൽ​​നി​​ന്ന് 1955ൽ ​​അദ്ദേഹം ഡോ​​ക്ട​​റേ​​റ്റ് നേ​​ടി. 1965 മു​​ത​​ല്‍ 1993 വ​​രെ എ​​ഡി​​ന്‍ബ​​റോ യൂ​​നി​​വേ​​ഴ്‌​​സി​​റ്റി പ്ര​​ഫ​​സ​​ര്‍ ആ​​യി പ്ര​​വ​​ർ​​ത്തി​​ച്ചു. 1968ല്‍ ​​മി​​ഷി​​ഗ​​ന്‍ യൂ​​നി​​വേ​​ഴ്‌​​സി​​റ്റി, 1995ല്‍ ​​കോ​​ട്ട​​യം മ​​ഹാ​​ത്മ ഗാ​​ന്ധി യൂ​​നി​​വേ​​ഴ്‌​​സി​​റ്റി എ​​ന്നി​​വി​​ട​​ങ്ങ​​ളി​​ൽ മ​​ല​​യാ​​ളം വി​​സി​​റ്റി​​ങ് പ്ര​​ഫ​​സ​​റാ​​യും സേ​​വ​​ന​​മ​​നു​​ഷ്ഠി​​ച്ചിരുന്നു.

ഇം​ഗ്ല​ണ്ടി​ലെ നോ​ട്ടി​ങ്ഹാം​ഷെ​യ​റി​ലെ ജ​ന്മ​ഗ്രാ​മം പോ​ലെ ആ​ഷ​റി​ന് പ്രി​യ​പ്പെ​ട്ട​താ​യി​രു​ന്നു കോ​ഴി​ക്കോ​ട്. ദ്രാ​വി​ഡ​ഭാ​ഷ​ക​ളി​ൽ ഗ​വേ​ഷ​ക​നാ​യി​രു​ന്ന അ​ദ്ദേ​ഹം ഡി​സം​ബ​ർ 26നാ​ണ് അ​ന്ത​രി​ച്ച​ത്. എ​ന്നാ​ൽ, വാ​ർ​ത്ത പു​റം​ലോ​ക​മ​റി​ഞ്ഞ​ത് ക​ഴി​ഞ്ഞ​ദി​വ​സ​മാ​ണ്. പ​ല​കു​റി അ​ദ്ദേ​ഹം കോ​ഴി​ക്കോ​ട്ട് വ​ന്നി​ട്ടു​ണ്ട്. ബ​ഷീ​റി​നെ നേ​രി​ൽ ക​ണ്ടി​ട്ടു​ണ്ട്. മ​റ്റൊ​രു കോ​ഴി​ക്കോ​ട്ടു​കാ​ര​നെ​പോ​ലെ ഈ ​തെ​രു​വു​ക​ളി​ലൂ​ടെ ന​ട​ന്നി​ട്ടു​ണ്ട്.

1980ലാ​ണ് താ​ൻ ആ​ദ്യ​മാ​യി ആ​ഷ​റി​നെ ക​ണ്ട​തെ​ന്ന് അ​നു​സ്മ​രി​ക്കു​ന്നു ഡോ. ​എം.​എ​ൻ. കാ​ര​ശ്ശേ​രി. ‘ബ​ഷീ​ർ ഒ​രാ​ൾ​വ​ശം കൊ​ടു​ത്തു​വി​ട്ട കു​റി​പ്പ​നു​സ​രി​ച്ച് ബേ​പ്പൂ​രി​ൽ ചെ​ന്ന​​പ്പോ​ഴാ​ണ് ആ​ദ്യ​മാ​യി ആ​ഷ​റി​നെ ക​ണ്ട​ത്. സ്നേ​ഹ​സൗ​മ്യ​നാ​യൊ​രു മ​നു​ഷ്യ​ൻ. മ​ല​യാ​ള​ത്തെ​യും മ​ല​യാ​ളി​ക​ളെ​യും ബ​ഷീ​റി​നെ​യു​മൊ​ക്കെ ഏ​റെ സ്നേ​ഹി​ക്കു​ന്ന വ​ലി​യ മ​നു​ഷ്യ​ൻ.

കാ​ര​ശ്ശേ​രി​യി​ലെ എ​ന്റെ വീ​ട്ടി​ലും ആ​ഷ​ർ വ​ന്നി​ട്ടു​ണ്ട്. കോ​ഴി​ക്കോ​ട് ആ​ഷ​റി​നെ ആ​ദ​രി​ക്കാ​ൻ ​സം​ഘ​ടി​പ്പി​ച്ച ച​ട​ങ്ങി​ൽ സു​കു​മാ​ർ അ​ഴീ​ക്കോ​ട് പ​​ങ്കെ​ടു​ത്തി​രു​ന്നു’ -അ​ദ്ദേ​ഹം അ​നു​സ്മ​രി​ച്ചു. എ​ൻ. ഗോ​പാ​ല​കൃ​ഷ്ണ​ന്റെ വീ​ട്ടി​ലാ​യി​രു​ന്നു ​അ​ദ്ദേ​ഹം താ​മ​സി​ച്ചി​രു​ന്ന​ത്. ഇ​പ്പോ​ൾ ല​ണ്ട​നി​ലു​ള്ള കാ​ര​ശ്ശേ​രി, ക​ഴി​ഞ്ഞ ന​വം​ബ​ർ അ​വ​സാ​നം ആ​ഷ​ർ ജോ​ലി​ചെ​യ്തി​രു​ന്ന എ​ഡി​ൻ​ബ​റ സ​ർ​വ​ക​ലാ​ശാ​ല​യി​ൽ പോ​വു​ക​യും അ​ദ്ദേ​ഹ​ത്തെ നേ​രി​ൽ കാ​ണാ​ൻ ശ്ര​മി​ക്കു​ക​യും ചെ​യ്തി​രു​ന്ന​താ​യി ‘മാ​ധ്യ​മ’​ത്തോ​ട് പ​റ​ഞ്ഞു.

ബ​ഷീ​റി​ന്റെ പു​സ്ത​കം ഇം​ഗ്ലീ​ഷി​ൽ അ​ച്ച​ടി​ച്ച എ​ഡി​ൻ​ബ​റ സ​ർ​വ​ക​ലാ​ശാ​ല പ്ര​സ് നേ​രി​ൽ ക​ണ്ടു. ഏ​റ്റ​വും ഒ​ടു​വി​ൽ സ​ർ​വ​ക​ലാ​ശാ​ല​യി​ൽ അ​ദ്ദേ​ഹം വ​ന്ന​പ്പോ​ൾ വീ​ണു​വെ​ന്നും തു​ട​ർ​ന്ന് പു​റ​ത്തേ​ക്ക് പോ​കാ​തെ വീ​ട്ടി​ൽ ത​ന്നെ​യാ​യി​രു​ന്നു​വെ​ന്നും അ​റി​യാ​ൻ ക​ഴി​ഞ്ഞ​താ​യി കാ​ര​ശ്ശേ​രി പ​റ​ഞ്ഞു.

’70ക​ളി​ൽ ആ​ഷ​ർ കോ​ഴി​ക്കോ​ട് വ​ന്ന​പ്പോ​ൾ ബ​ഷീ​റി​ന്റെ വീ​ട്ടി​ൽ ത​ന്റെ പി​താ​വ് എ​ൻ.​പി. മു​ഹ​മ്മ​ദി​നൊ​പ്പം അ​​ദ്ദേ​ഹ​ത്തെ ക​ണ്ട​ത് അ​നു​സ്മ​രി​ക്കു​ന്നു ഡോ. ​എ​ൻ.​പി. ഹാ​ഫി​സ് മു​ഹ​മ്മ​ദ്. കോ​ഴി​ക്കോ​ട​ൻ ഭ​ക്ഷ​ണ​വും കോ​ഴി​ക്കോ​ട്ടെ മ​നു​ഷ്യ​രെ​യും ആ​ഷ​റി​ന് ഏ​റെ ഇ​ഷ്ട​മാ​യി​രു​ന്നു​വെ​ന്ന് ഹാ​ഫി​സ് മു​ഹ​മ്മ​ദ് പ​റ​ഞ്ഞു.

‘ആ​ഷ​ർ വ​രു​മ്പോ​ഴൊ​ക്കെ ഞ​ങ്ങ​ൾ കു​ട്ടി​ക​ൾ​ക്ക് ഉ​ത്സ​വം​പോ​ലെ​യാ​യി​രു​ന്നു...’ ബ​ഷീ​റി​ന്റെ മ​ക​ൻ അ​നീ​സ് ബ​ഷീ​ർ ഓ​ർ​മ​പ​ങ്കു​വെ​ച്ചു. സ്വ​ത​വേ ചു​വ​ന്നു​തു​ടു​ത്ത ആ​ഷ​റി​ന്റെ മു​ഖം വീ​ട്ടി​ലു​ണ്ടാ​ക്കു​ന്ന മ​സാ​ല​യും എ​രി​വു​മു​ള്ള ഭ​ക്ഷ​ണം ക​ഴി​ച്ച് ഒ​ന്നു​കൂ​ടി ചു​വ​ക്കു​ന്ന​തും ക​ണ്ണു​നി​റ​യു​ന്ന​തും ക​ണ്ട് എ​ന്തി​നാ​ണ് ഈ ​സാ​യി​പ്പി​ങ്ങ​നെ ക​ര​യു​ന്ന​തെ​ന്ന് ഫാ​ബി ബ​ഷീ​ർ ചോ​ദി​ക്കും. ‘അ​ത് നി​ന്റെ ഭ​ക്ഷ​ണം ക​ഴി​ച്ച സ​ന്തോ​ഷം കൊ​ണ്ടാ​ണെ​ന്ന് ബ​ഷീ​​ർ പ​റ​യു​മാ​യി​രു​ന്നു’ -അ​നീ​സ് ഓ​ർ​മി​ക്കു​ന്നു.

ബ​ഷീ​ർ മ​രി​ക്കു​ന്ന​തി​ന് ആ​റു​മാ​സം മു​മ്പു​വ​രെ ആ​ഷ​ർ ക​ത്ത​യ​ക്കു​മാ​യി​രു​ന്നു. ആ ​ക​ത്തു​ക​ൾ ഞാ​ൻ വാ​യി​ച്ചു​കൊ​ടു​ക്കും. ബ​ഷീ​റി​ന്റെ ഒ​ന്നാം ച​ര​മ​വാ​ർ​ഷി​ക​മാ​യ 1995ലും 2008​ലും ആ​ഷ​ർ വൈ​ലാ​ലി​ൽ വീ​ട്ടി​ൽ വ​ന്നി​ട്ടു​ണ്ട്. എ​ട്ടു വ​ർ​ഷം മു​മ്പ് കൊ​ച്ചി​യി​ൽ വ​ന്ന​പ്പോ​ഴാ​ണ് ഏ​റ്റ​വും ഒ​ടു​വി​ൽ അ​ദ്ദേ​ഹ​ത്തെ ക​ണ്ട​ത്. നാ​ലു വ​ർ​ഷം മു​മ്പു​വ​രെ അ​ദ്ദേ​ഹ​വു​മാ​യി ഇ-​മെ​യി​ൽ വ​ഴി ബ​ന്ധ​പ്പെ​ട്ടി​രു​ന്നു. പി​ന്നീ​ട് മ​റു​പ​ടി​യൊ​ന്നു​മു​ണ്ടാ​യി​ല്ല -അ​നീ​സ് ബ​ഷീ​ർ പ​റ​ഞ്ഞു.