തെ​രു​വു​നാ​യ് ആ​ക്ര​മ​ണം; നാ​ലു വ​ർ​ഷം ചികിത്സ തേടിയത് 10 ലക്ഷത്തിലേറെ പേർ

കൊ​ച്ചി: തെ​രു​വു​നാ​യ് ആ​ക്ര​മ​ണം പ​തി​വാ​യ സം​സ്ഥാ​ന​ത്ത് നാ​ലു വ​ർ​ഷ​ത്തി​നി​ടെ നാ​യ്ക്ക​ളു​ടെ ക​ടി​യേ​റ്റ് ചി​കി​ത്സ തേ​ടി​യ​ത് 10,03,215 പേ​ർ. ഇ​ക്കാ​ല​യ​ള​വി​ൽ പേ​വി​ഷ​ബാ​ധ​യേ​റ്റ് 47 പേ​ർ​ക്ക് ജീ​വ​ൻ ന​ഷ്ട​മാ​യി. ഇ​തു​കൂ​ടാ​തെ 22 പേ​രു​ടെ മ​ര​ണ​കാ​ര​ണം പേ​വി​ഷ​ബാ​ധ​യാ​ണെ​ന്നും സം​ശ​യി​ക്കു​ന്നു. 2020 ജ​നു​വ​രി മു​ത​ൽ 2024 ജ​നു​വ​രി വ​രെ കാ​ല​യ​ള​വി​ലാ​ണ് ഇ​ത്ര​യ​ധി​കം മ​ര​ണ​ങ്ങ​ളും തെ​രു​വു​നാ​യ് ആ​ക്ര​മ​ണ​ങ്ങ​ളും ഉ​ണ്ടാ​യ​തെ​ന്ന്​ വി​വ​രാ​വ​കാ​ശ രേ​ഖ വ്യ​ക്ത​മാ​ക്കു​ന്നു. 2020ൽ ​അ​ഞ്ച്, 2021ൽ 11, 2022​ൽ 15, 2023ൽ 15, 2024​ൽ ഒ​ന്ന് എ​ന്നി​ങ്ങ​നെ​യാ​ണ് പേ​വി​ഷ​ബാ​ധ മ​ര​ണ​ങ്ങ​ൾ. എ​ന്നാ​ൽ, ആ​ഴ്ച​ക​ൾ​ക്കു​മു​മ്പ് പേ​യി​ള​കി​യ നാ​യു​ടെ ക​ടി​യേ​റ്റ് പെ​രു​മ്പാ​വൂ​ർ കൂ​വ​പ്പ​ടി സ്വ​ദേ​ശി മ​രി​ച്ച​തു​ൾ​പ്പെ​ടെ ഈ ​ക​ണ​ക്കി​ൽ​പ്പെ​ട്ടി​ട്ടി​ല്ല.

പ​തി​നാ​യി​ര​ക്ക​ണ​ക്കി​നാ​ളു​ക​ൾ​ക്കാ​ണ് ഓ​രോ വ​ർ​ഷ​വും നാ​യ്ക്ക​ളു​ടെ ആ​ക്ര​മ​ണ​ത്തി​ൽ പ​രി​ക്കേ​ൽ​ക്കു​ന്ന​തെ​ന്ന് വി​വ​രാ​വ​കാ​ശ പ്ര​വ​ർ​ത്ത​ക​ൻ രാ​ജു വാ​ഴ​ക്കാ​ല​യു​ടെ അ​പേ​ക്ഷ​ക്കു​ള്ള ആ​രോ​ഗ്യ​വ​കു​പ്പ് ഡ​യ​റ​ക്ട​റു​ടെ മ​റു​പ​ടി​യി​ൽ വ്യ​ക്ത​മാ​ക്കു​ന്നു. ചി​ല വ​ർ​ഷ​ങ്ങ​ളി​ൽ മൂ​ന്നു​ല​ക്ഷ​ത്തി​ലേ​റെ പേ​ർ ഇ​ത്ത​ര​ത്തി​ൽ ചി​കി​ത്സ തേ​ടി​യി​ട്ടു​ണ്ട്. 2020ൽ 1.60 ​ല​ക്ഷം പേ​ർ നാ​യ് ക​ടി​ച്ച് ആ​ശു​പ​ത്രി​യി​ലെ​ത്തി​യ​പ്പോ​ൾ 2023ൽ ​മൂ​ന്നു​ല​ക്ഷ​ത്തി​ലേ​റെ പേ​ർ നാ​യു​ടെ ക്രൂ​ര​ത​ക്കി​ര​യാ​യി. 2024 ജ​നു​വ​രി​യി​ൽ മാ​ത്രം 26,060 പേ​ർ​ക്കാ​ണ് ക​ടി​യേ​റ്റ​ത്. ഈ ​വ​ർ​ഷം ഏ​റ്റ​വു​മ​ധി​കം പേ​ർ​ക്ക് ക​ടി​യേ​റ്റ​ത് തി​രു​വ​ന​ന്ത​പു​ര​ത്താ​ണ് -3646 പേ​ർ. 708 പേ​രെ നാ​യ്​ ക​ടി​ച്ച കാ​സ​ർ​കോ​ട് ജി​ല്ല​യാ​ണ് പി​ന്നി​ൽ.

പേ​വി​ഷ​ബാ​ധ​യേ​റ്റു​ള്ള മ​ര​ണ​ങ്ങ​ൾ​ക്കും തെ​രു​വു​നാ​യ് ആ​ക്ര​മ​ണ​ങ്ങ​ൾ​ക്കും ന​ഷ്ട​പ​രി​ഹാ​രം ജ​സ്റ്റി​സ് സി​രി​ജ​ഗ​ൻ ക​മ്മി​റ്റി നി​ശ്ച​യി​ക്കു​ക​യും അ​ത​ത് ത​ദ്ദേ​ശ സ്ഥാ​പ​ന​ങ്ങ​ൾ മു​ഖേ​ന ന​ൽ​കു​ക​യു​മാ​ണ് ചെ​യ്യു​ന്ന​ത്. സാ​ഹ​ച​ര്യ​ങ്ങ​ൾ​ക്കും അ​പ​ക​ട വ്യാ​പ്തി​ക്കു​മ​നു​സ​രി​ച്ചാ​ണ് തു​ക നി​ശ്ച​യി​ക്കു​ന്ന​തെ​ന്ന് മ​റു​പ​ടി​യി​ൽ ചൂ​ണ്ടി​ക്കാ​ട്ടു​ന്നു.