തെരുവിൽ നായുണ്ട് സൂക്ഷിക്കുക

കൊ​ച്ചി: വ​ഴി​ന​ട​ക്കു​മ്പോ​ഴും വാ​ഹ​ന​ത്തി​ൽ സ​ഞ്ച​രി​ക്കു​മ്പോ​ഴും ഭീ​തി​യി​ലാ​ണ് ജ​നം. കൂ​ട്ട​മാ​യെ​ത്തു​ന്ന തെ​രു​വ് നാ​യ്ക്ക​ളു​​ടെ ആ​ക്ര​മ​ണം ഏ​ത് നി​മി​ഷ​വു​മു​ണ്ടാ​കാം. ചെ​റി​യ കു​ട്ടി​ക​ൾ മു​ത​ൽ വ​യോ​ധി​ക​ർ വ​രെ തെ​രു​വു​നാ​യ്​ ആ​ക്ര​മ​ണ​ത്തി​ന് ഇ​ര​യാ​കു​ന്ന സം​ഭ​വ​ങ്ങ​ൾ പ​തി​വാ​യി​രി​ക്കു​ക​യാ​ണ്. പി​ന്നാ​ലെ ഓ​ടി​യെ​ത്തു​ന്ന​തും കു​റു​കെ ചാ​ടു​ന്ന​തും കാ​ര​ണം ഇ​രു​ച​ക്ര​വാ​ഹ​ന യാ​ത്രി​ക​ർ അ​പ​ക​ട​ത്തി​ൽ​പെ​ടു​ന്നു.

രാ​ത്രി​യെ​ന്നോ പ​ക​ലെ​ന്നോ വ്യ​ത്യാ​സ​മി​ല്ലാ​തെ, ഗ്രാ​മ-​ന​ഗ​ര​ഭേ​ദ​മി​ല്ലാ​തെ, വ​ഴി​യോ​ര​ങ്ങ​ൾ മു​ത​ൽ റെ​യി​ൽ​വേ സ്റ്റേ​ഷ​നു​ക​ൾ​ക്കു​ള്ളി​ൽ​വ​രെ തെ​രു​വു​നാ​യ്​​ക്ക​ൾ വി​ഹ​രി​ക്കു​ന്നു. മാ​സ​ത്തി​ൽ 500ല​ധി​കം ആ​ളു​ക​ൾ​ക്കാ​ണ് ജി​ല്ല​യി​ൽ ക​ടി​യേ​ൽ​ക്കു​ന്ന​ത്. വ​ഴി​യോ​ര​ങ്ങ​ളി​ലും ഒ​ഴി​ഞ്ഞ പ​റ​മ്പു​ക​ളി​ലും കു​ന്നു​കൂ​ടു​ന്ന മാ​ലി​ന്യം തെ​രു​വു​നാ​യ്ക്ക​ളു​ടെ സ്വൈ​ര​വി​ഹാ​ര​ത്തി​ന് അ​നു​കൂ​ല സാ​ഹ​ച​ര്യ​മൊ​രു​ക്കു​ന്നു.

എ​വി​ടെ​യും ആ​ക്ര​മ​ണം

ഏ​താ​നും ആ​ഴ്ച​ക​ൾ​ക്കി​ടെ ജി​ല്ല​യി​ൽ നി​ര​വ​ധി​പേ​ർ തെ​രു​വു​നാ​യ്​ ആ​ക്ര​മ​ണ​ത്തി​നി​ര​യാ​യി. തൃ​ക്കാ​ക്ക​ര ന​ഗ​ര​സ​ഭ​യു​ടെ മാ​ലി​ന്യ​സം​ഭ​ര​ണി​ക്ക് സ​മീ​പം റോ​ഡി​ൽ തെ​രു​വു​നാ​യ്​ കു​റു​കെ ചാ​ടി​യ​തി​നെ​ത്തു​ട​ർ​ന്ന് നി​യ​ന്ത്ര​ണം​വി​ട്ട കാ​ർ തെ​രു​വു​വി​ള​ക്ക് തൂ​ണി​ൽ ഇ​ടി​ച്ചു​ക​യ​റി​യി​രു​ന്നു.

ക​ള​മ​ശ്ശേ​രി ന​ജാ​ത്ത്ന​ഗ​ർ പ​രി​സ​ര​ത്ത് തെ​രു​വു​നാ​യു​ടെ ആ​ക്ര​മ​ണ​ത്തി​ൽ ര​ണ്ട് സ്ത്രീ​ക​ൾ​ക്ക​ട​ക്കം മൂ​ന്നു​പേ​ർ​ക്ക് ക​ടി​യേ​റ്റു. ക​ടു​ങ്ങ​ല്ലൂ​ർ പ്ര​ദേ​ശ​ത്ത് ര​ണ്ടു​പേ​ർ​ക്ക് ക​ടി​യേ​റ്റി​രു​ന്നു. ഒ​രു വി​ദ്യാ​ർ​ഥി​യെ ആ​ക്ര​മി​ക്കാ​ൻ ശ്ര​മി​ച്ചെ​ങ്കി​ലും ബാ​ഗി​ൽ ക​ടി​യേ​റ്റ​തി​നാ​ൽ ര​ക്ഷ​പ്പെ​ട്ടു. നീ​റി​ക്കോ​ട് ഭാ​ഗ​ത്ത് മൂ​ന്നു​പേ​രെ​യും ഒ​രു പ​ശു​വി​നെ​യും ക​ടി​ച്ചു. ആ​ല​ങ്ങാ​ട്ട്​ പ​ശു​വി​നെ ക​ടി​ച്ച സം​ഭ​വ​വു​മു​ണ്ടാ​യി.

നെ​ടു​മ്പാ​ശ്ശേ​രി പ​ഞ്ചാ​യ​ത്തി​ലെ മേ​യ്ക്കാ​ട് ക​വ​ല​യി​ൽ താ​മ​സി​ക്കു​ന്ന കു​ന്നു​ക​ര ജെ.​ബി സ്കൂ​ൾ അ​ധ്യാ​പി​ക​ക്കും ക​ടി​യേ​റ്റി​രു​ന്നു. മ​ണി​ക്കൂ​റു​ക​ൾ​ക്ക​കം വ​ഴി​യാ​ത്ര​ക്കാ​ര​നാ​യ മ​റ്റൊ​രു വ​യോ​ധി​ക​നെ​യും നാ​യ്ക്കൂ​ട്ടം അ​ക്ര​മി​ച്ചു. അ​ത്താ​ണി ക​വ​ല​യി​ൽ ബ​സ് കാ​ത്തു​നി​ന്ന യു​വ​തി​ക്കും തെ​രു​വ് നാ​യ്ക്ക​ളു​ടെ ക​ടി​യേ​റ്റു. പ​ന​ങ്ങാ​ട് കെ.​എ​സ്.​ഇ.​ബി മീ​റ്റ​ർ റീ​ഡി​ങ്ങി​ന് എ​ത്തി​യ​യാ​ളെ തെ​രു​വു​നാ​യ്ക്ക​ൾ ആ​ക്ര​മി​ച്ചി​രു​ന്നു. ഇ​ങ്ങ​നെ നൂ​റു​ക​ണ​ക്കി​ന് ആ​ളു​ക​ളാ​ണ് നാ​യു​ടെ ക​ടി​യേ​റ്റ് വി​വി​ധ ആ​ശു​പ​ത്രി​ക​ളി​ൽ ചി​കി​ത്സ തേ​ടി​യ​ത്.

പ്ലാ​റ്റ്ഫോ​മി​ൽ തെ​രു​വു നാ​യ്ക്കൂ​ട്ട​മു​ണ്ട്

അ​ന്താ​രാ​ഷ്ട്ര നി​ല​വാ​ര​ത്തി​ലേ​ക്ക് ഉ​യ​ർ​ത്തു​ന്ന എ​റ​ണാ​കു​ളം ജ​ങ്​​ഷ​ൻ, ടൗ​ൺ റെ​യി​ൽ​വേ സ്റ്റേ​ഷ​നു​ക​ളി​ൽ അ​തി​ദ​യ​നീ​യ​മാ​ണ് സ്ഥി​തി. വ​ൻ കൂ​ട്ട​മാ​യാ​ണ് നാ​യ്ക്ക​ൾ പ്ലാ​റ്റ്ഫോ​മി​ലൂ​ടെ അ​ല​യു​ന്ന​ത്. കു​ര​ച്ചു​കൊ​ണ്ട് പാ​ഞ്ഞ​ടു​ക്കു​ന്ന ഇ​വ യാ​ത്ര​ക്കാ​ർ​ക്കും ജീ​വ​ന​ക്കാ​ർ​ക്കും വ​ലി​യ പ്ര​യാ​സ​മാ​ണ് സൃ​ഷ്ടി​ക്കു​ന്ന​ത്.

ചെ​റി​യ കു​ട്ടി​ക​ൾ ഉ​ൾ​പ്പെ​ടെ​യു​ള്ള​വ​ർ​ക്ക് നേ​രെ കു​ര​ച്ചു​കൊ​ണ്ട് കൂ​ട്ട​മാ​യെ​ത്തു​ന്ന നാ​യ്ക്ക​ളെ ഒ​ഴി​വാ​ക്കാ​ൻ ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് യാ​ത്ര​ക്കാ​രു​ടെ ആ​വ​ശ്യം. പ്ലാ​റ്റ്ഫോ​മു​ക​ളി​ൽ ആ​ളു​ക​ളു​ടെ തി​ക്കി​നും തി​ര​ക്കി​നും ഇ​ട​യി​ലേ​ക്ക് തെ​രു​വു​നാ​യ്ക്ക​ൾ ഓ​ടി​യെ​ത്തു​ക​യാ​ണ്.

തി​ര​ക്കേ​റി​യ സ​മ​യ​ങ്ങ​ളി​ൽ ആ​ളു​ക​ൾ നാ​യ്ക്ക​ളെ അ​റി​യാ​തെ ച​വി​ട്ടു​ന്ന​തും അ​വ അ​ക്ര​മ​കാ​രി​ക​ളാ​യി കു​തി​ച്ചു​ചാ​ടു​ന്ന​തു​മാ​യ സം​ഭ​വ​ങ്ങ​ളും നി​ര​വ​ധി. ഇ​തോ​ടെ നാ​യ്ക്ക​ൾ പാ​ഞ്ഞ​ടു​ക്കു​ക​യും ആ​ക്ര​മി​ക്കു​ക​യും ചെ​യ്യും. നി​ര​വ​ധി​ത​വ​ണ പ​ല​ർ​ക്കും ക​ടി​യേ​റ്റി​ട്ടു​ണ്ട്. എ​റ​ണാ​കു​ളം കെ.​എ​സ്.​ആ​ർ.​ടി.​സി ബ​സ് സ്റ്റാ​ൻ​ഡി​ലും സ്ഥി​തി സ​മാ​ന​മാ​ണ്. പ​ദ്ധ​തി പ്ര​ഖ്യാ​പി​ച്ചി​ട്ടും വി​ക​സ​നം എ​വി​ടെ​യു​മെ​ത്താ​ത്ത കെ.​എ​സ്.​ആ​ർ.​ടി.​സി സ്റ്റാ​ൻ​ഡി​ന്‍റെ ഉ​ൾ​വ​ശം തെ​രു​വു​നാ​യ്ക്ക​ൾ കൈ​യ​ട​ക്കി​യി​രി​ക്കു​ക​യാ​ണ്.

ശ്ര​ദ്ധി​ക്കു​ക...

• നാ​യു​ടെ ക​ടി​യേ​റ്റാ​ൽ കൃ​ത്യ​സ​മ​യ​ത്ത് വൈ​ദ്യ​സ​ഹാ​യം തേ​ട​ണം
• നാ​യു​ടെ ക​ടി​യേ​റ്റാ​ൽ ഉ​ട​ൻ ടാ​പ്പ് തു​റ​ന്ന് ഒ​ഴു​കു​ന്ന വെ​ള്ളം ഉ​പ​യോ​ഗി​ച്ച് സോ​പ്പി​ട്ട് ക​ഴു​കു​ക​യും ഡോ​ക്ട​റെ കാ​ണു​ക​യും വേ​ണം.
• ആ​വ​ശ്യ​മാ​യ കു​ത്തി​വെ​പ്പ് എ​ടു​ക്ക​ണം.
• വ​ള​ർ​ത്തു​നാ​യ്ക്ക​ൾ​ക്ക് കൃ​ത്യ​സ​മ​യ​ങ്ങ​ളി​ൽ പേ​വി​ഷ​ബാ​ധ​യി​ൽ​നി​ന്ന് മു​ക്ത​മാ​കാ​നു​ള്ള കു​ത്തി​വെ​പ്പ് ന​ൽ​ക​ണം.