സിനിമാ ചിത്രീകരണത്തിനിടെ തെരുവുനായ ആക്രമണം; കാമറാമാന് കടിയേറ്റു

കോഴിക്കോട്: സിനിമാ ചിത്രീകരണത്തിനിടെ കാമറാമാന് തെരുവ് നായയുടെ കടിയേറ്റു. കോഴിക്കോട് മേത്തോട്ടുതാഴത്താണ് സംഭവം. അസോസിയേറ്റ് കാമറമാന്‍ ജോബിന്‍ ജോണിനാണ് കടിയേറ്റത്.

ശനിയാഴ്ച രാത്രി എട്ടോടെയാണ് സംഭവം. ഹരീഷ് പേരടിയുടെ നിർമാണത്തില്‍ 'ദാസേട്ടന്റെ സൈക്കിള്‍' എന്ന സിനിമയുടെ ചിത്രീകരണം നടക്കുന്ന വേളയിലാണ് കടിയേറ്റത്.

പിന്നാലെ കാമറാമാന്‍ ഉടന്‍ കോഴിക്കോട് മെഡിക്കല്‍ കോളജിലെത്തി പ്രാഥമിക ചികിത്സയും കുത്തിവെപ്പും എടുത്തെന്ന് അധികൃതര്‍ അറിയിച്ചു.