സമരം അവസാനിച്ചു; 108 ആംബുലൻസുകൾ സർവിസ് തുടങ്ങി

തി​രു​വ​ന​ന്ത​പു​രം: സ​ർ​ക്കാ​റി​ന്‍റെ സൗ​ജ​ന്യ​സേ​വ​ന​മാ​യ 108 ആം​ബു​ല​ൻ​സ് സ​ർ​വി​സുകൾ പുനരാരംഭിച്ചു. സെപ്റ്റംബർ മാസത്തെ ബാക്കി ശമ്പളം വിതരണം ചെയ്തതോടെയാണ് രാത്രി എട്ട് മണിയോടെ 108 ആംബുലൻസ് സർവിസ് പുനരാരംഭിച്ചത്.

ശ​മ്പ​ളം ന​ൽ​കാ​ത്ത​തി​ൽ പ്ര​തി​ഷേ​ധി​ച്ച്​ ക​ഴി​ഞ്ഞ ആറ് ​ദി​വ​സ​മാ​യി സി.​ഐ.​ടി.​യു​വി​ന്റെ നേ​തൃ​ത്വ​ത്തി​ൽ ഒ​രു​വി​ഭാ​ഗം ജീ​വ​ന​ക്കാ​ർ സ​ർ​വി​സ് നി​ർ​ത്തി​വെ​ച്ച്​ സ​മ​ര​ത്തി​ലാ​യിരുന്നു. ഇ​തോ​ടെ സാ​ധാ​ര​ണ​ക്കാ​രും പാ​വ​പ്പെ​ട്ട​വ​രു​മാ​യ രോ​ഗി​ക​ൾ വലഞ്ഞു. ദി​വ​സങ്ങൾ പി​ന്നി​ട്ടി​ട്ടും സമരം അവസാനിപ്പിക്കാൻ ആ​രോ​ഗ്യ​വ​കു​പ്പ് ന​ട​പ​ടി സ്വീ​ക​രി​ക്കാ​ത്തതിൽ വിമർശനമുയർന്നിരുന്നു.

108 ആം​ബു​ല​ൻ​സു​ക​ളി​ൽ വ​ള​രെ കു​റ​ച്ച്​ മാ​ത്ര​മാ​യിരുന്നു സ​ർ​വി​സ് ന​ട​ത്തിയിരുന്ന​ത്. ഇ​തോ​ടെ സം​സ്ഥാ​ന സ​ർ​ക്കാ​റി​ന്റെ ട്രോ​മാ​കെ​യ​ർ സം​വി​ധാ​നം താ​റു​മാ​റാ​യിരുന്നു. അ​ത്യാ​ഹി​ത​ങ്ങ​ളി​ൽ​പെ​ടു​ന്ന​വ​രെ​യും ഒ​രു ആ​ശു​പ​ത്രി​യി​ൽ നി​ന്ന് മ​റ്റൊ​രു ആ​ശു​പ​ത്രി​യി​ലേ​ക്ക് വി​ദ​ഗ്ധ ചി​കി​ത്സ​ക്ക്​ മാ​റ്റേ​ണ്ട​വ​രെ​യും കൊ​ണ്ടു​പോ​കു​ന്ന​തി​ന് സ്വ​കാ​ര്യ ആം​ബു​ല​ൻ​സു​ക​ളെ പ​ണം ന​ൽ​കി ആ​ശ്ര​യി​ക്കേ​ണ്ട അ​വ​സ്ഥ​യായിരുന്നു.