വിദ്യാർഥിയെ ആക്രമിച്ച് മൊബൈൽ ഫോൺ കവർച്ച: മൂന്നുപേർ പിടിയിൽ

ഗാന്ധിനഗർ: വിദ്യാർഥിയെ ആക്രമിച്ച് മൊബൈൽ ഫോൺ കവർന്ന മൂന്നു യുവാക്കളെ അറസ്റ്റ് ചെയ്തു. ആർപ്പൂക്കര കുര്യാറ്റുകുന്നേൽ വീട്ടിൽ അലൻ വർഗീസ് (18), നിഖിൽ (19), കൈപ്പുഴ എട്ടുപറയിൽ വീട്ടിൽ അമൽരാജ് (20) എന്നിവരെയാണ് പൊലീസ് അറസ്റ്റ് ചെയ്തത്.

ഏറ്റുമാനൂർ ഐ.ടി.ഐയിലെ വിദ്യാർഥിയെ ഇവർ വഴിയില്‍ തടഞ്ഞുനിര്‍ത്തി ഉപദ്രവിക്കുകയും മൊബൈൽ ഫോൺ തട്ടിയെടുക്കുകയുമായിരുന്നു.തുടർന്ന് കേസ് രജിസ്റ്റർ ചെയ്ത പൊലീസ് ഇവരെ പിടികൂടുകയും കോടതിയിൽ ഹാജരാക്കുകയും ചെയ്തു. ഗാന്ധിനഗർ എസ്.എച്ച്.ഒ കെ. ഷിജി, എസ്.ഐ വി. വിദ്യ, സി.പി.ഒമാരായ രാഗേഷ്, പ്രവീൺ, സിജാസ്, പി.ആർ. സുനിൽ എന്നിവർ ചേർന്നാണ് ഇവരെ അറസ്റ്റ് ചെയ്തത്.