വിദ്യാർഥി മർദനമേറ്റു മരിച്ച സംഭവം: ജയിൽ വാർഡന്​ സസ്​​പെൻഷൻ

കൊല്ലം: കൊല്ലത്ത്​ ആളുമാറി ​മർദനമേറ്റ ​െഎ.ടി.​െഎ വിദ്യാർഥി മരിച്ച സംഭവത്തിൽ മർദന സംഘത്തിൽപെട്ട​ ജയിൽ വാർഡൻ വിനീതിനെ ജയിൽ ഡി.ജി.പി സസ്പ​​െൻറ് ചെയ്തു. ഇയാളെ വെള്ളിയാഴ്​ച പൊലീസ്​ അറസ്​റ്റ്​ ചെയ്​തിരുന്നു. മർദനമേറ്റ രഞ്​ജിത്ത്​ ചികിത്സയിലിരിക്കെയാണ്​ മരിച്ചത്​. തലയ്ക്ക് അടിയേറ്റുണ്ടായ ആന്തരിക രക്തസ്രാവമാണ്​ മരണകാരണമെന്നാണ്​ പോസ്റ്റ്മോര്‍ട്ടം റിപ്പോര്‍ട്ട്.

ഫെബ്രുവരി 14നായിരുന്നു​ കേസിനാസ്​പദമായ സംഭവം. രാത്രി 10 മണിയോടെ നാട്ടുകാരനും ജില്ലാ ജയിലിലെ വാർഡനുമായ വിനീതി​​​​െൻറ നേതൃത്വത്തിൽ ആറംഗസംഘം രഞ്ജിത്തി​​​​െൻറ വീട്ടിലെത്തി ബന്ധുവി​​​​െൻറ മകളെ ശല്യം ചെയ്​തെന്ന്​ ആരോപിച്ച് വിളിച്ചിറക്കി മർദിക്കുകയായിരുന്നു.

തലക്ക്​ സാരമായി പരിക്കേറ്റ രഞ്ജിത്തിനെ ചവറയിലെ ആശുപത്രിയിലെ പ്രാഥമിക ശുശ്രൂഷക്കു ശേഷം തിരുവനന്തപുരത്തെ സ്വകാര്യ ആശുപത്രിയിലും പിന്നീട്​ മെഡിക്കൽ കോളജ് ആശുപത്രിയിലും പ്രവേശിപ്പിച്ചു. മെഡിക്കൽ കോളജ് ആശുപത്രിയിൽ ചികിത്സയിലിരിക്കെയാണ്​ രഞ്​ജിത്ത്​ മരിച്ചത്.

സംഭവത്തിൽ വിനീതിനെതിരെ കൊലക്കുറ്റം ചുമത്തിയിരുന്നു​. വിദ്യാർഥിയുടെ മരണത്തിന്​ ശേഷമാണ്​ വിനീതിനെതിരെ നടപടിയെടുക്കാൻ പൊലീസ്​ തയാറായതെന്ന്​ ആക്ഷേപമുണ്ട്​.