കാസർകോട്​ കോളജിൽ വിദ്യാർഥിയെക്കൊണ്ട്​ കാലുപിടിപ്പിച്ചുവെന്ന്​ എം.എസ്​.എഫ്​; കാലിൽ വീണതാണെന്ന്​​ പ്രിൻസിപ്പൽ

കാസർകോട്​: ഗവ. കോളജ്​ പ്രിൻസിപ്പൽ വിദ്യാർഥിയെക്കൊണ്ട്​ കാലുപിടിപ്പിച്ചെന്ന്​ എം.എസ്​.എഫ്​ സംസ്​ഥാന പ്രസിഡൻറ്​ പി.കെ. നവാസ്​ വാർത്തസമ്മേളനത്തിൽ ആരോപിച്ചു. കോളജിൽനിന്ന്​ പുറത്താക്കാതിരിക്കാൻ ത​െൻറ കാലുപിടിക്കണമെന്ന്​ പ്രിൻസിപ്പൽ ആവശ്യപ്പെടുകയായിരുന്നു. എന്നാൽ, എന്താണ്​ പുറത്താക്കാനുള്ള കാരണമെന്നത്​ പ്രിൻസിപ്പൽ വ്യക്​തമാക്കുന്നില്ല. ഈ രീതിയിൽ പെരുമാറുന്ന അധ്യാപികക്കെതിരെ അന്വേഷണം നടത്തി നടപടി സ്വീകരിക്കണമെന്ന്​ നവാസ്​ വാർത്തസമ്മേളനത്തിൽ ആവശ്യപ്പെട്ടു.

വിദ്യാർഥികളെക്കൊണ്ട് കാലുപിടിപ്പിച്ച്​ മാപ്പ് പറയിപ്പിക്കൽ, ആണും പെണ്ണും സംസാരിച്ചാൽ ഇടപെടൽ, തട്ടമിട്ടുവരുന്നത് വർഗീയത ഉണ്ടാക്കാനാണെന്ന് ആരോപിക്കൽ, വിദ്യാർഥികൾ കഞ്ചാവ് കടത്തുന്നതായി ആരോപിക്കൽ, വൈകല്യങ്ങൾ ഉള്ളവരെ പരിഹസിച്ച്​ മാനസികമായി ദ്രോഹിക്കൽ, ഹോസ്​റ്റൽ വിദ്യാർഥികളെയും മുസ്​ലിം വിദ്യാർഥികളെയും മനപ്പൂർവം ദ്രോഹിക്കൽ തുടങ്ങിയവ ഈ അധ്യാപികയുടെ സ്ഥിരം പരിപാടിയാണെന്ന്​ നവാസ്​ ആരോപിച്ചു.

കോളജിലെ രണ്ടാം വർഷ വിദ്യാർഥിയെ കാലുപിടിപ്പിക്കുന്നുവെന്നത് ഗവ. കോളജ്​ അധ്യാപികയെന്നത് അമ്പരപ്പിക്കുന്നതാണ്​. ഇക്കാര്യത്തിൽ മുഖ്യമന്ത്രി, ഡി.ജി.പിയുൾപ്പടെയുള്ളവർക്ക്​ പരാതി നൽകിയിട്ടുണ്ട്​. വാർത്ത സമ്മേളനത്തിൽ സംസ്ഥാന പ്രസിഡൻറ്​ പി.കെ. നവാസ്, സെക്രട്ടറി ആബിദ് ആറങ്ങാടി, ജില്ല പ്രസിഡൻറ്​ അനസ് എതിർത്തോട്, ജനറൽ സെക്രട്ടറി ഇർഷാദ് മൊഗ്രാൽ, അഷ്റഫ് ബോവിക്കാനം, റഫീഖ് വിദ്യാനഗർ, ഷാനിഫ് നെല്ലിക്കട്ട, കോളജ് യൂനിറ്റ് പ്രസിഡൻറ്​ ജാബിർ ഷിബിൻ എന്നിവർ പങ്കെടുത്തു.

'ആരോപണം വാസ്​തവ വിരുദ്ധമെന്ന് പ്രിൻസിപ്പൽ ഡോ. എം. രമ'

പ്രിൻസിപ്പൽ ഡോ. എം. രമയുടെ വിശദീകരണം: ആരോപണം വാസ്​തവ വിരുദ്ധമാണ്​. നവംബർ 15ന്​ മാസ്​ക്കിടാ​െത നടക്കുന്നത്​ കണ്ടപ്പോൾ മാസ്​ക്കിട്ട്​ അകലംപാലിച്ച്​ നടക്കണം എന്നാവശ്യപ്പെട്ടു. കാലുപിടിപ്പിച്ചുവെന്ന്​ പറയുന്ന വിദ്യാർഥി, തന്നെ അടിക്കാൻവന്നു. മറ്റ്​ വിദ്യാർഥികൾ അവനെ പിടിച്ചുമാറ്റുകയായിരുന്നു. പ്രശ്​നം സംഘർഷത്തിലേക്ക്​ പോയപ്പോൾ പൊലീസിനെ വിളിച്ചു.

പൊലീസ്​ വിദ്യാർഥിയെ സ്​റ്റേഷനിലേക്ക്​ വിളിപ്പിച്ച്​ പിഴയീടാക്കി. കൈയേറ്റത്തിനു ശ്രമിച്ചതിന്,​ എഴുതിത്തയാറാക്കിയ പരാതി നൽകാൻ പൊലീസ്​ ആവശ്യപ്പെട്ടു. പരാതി നൽകാനുള്ള നീക്കത്തിനിടയിൽ വിദ്യാർഥി തന്നെ പലതവണ വിളിച്ച്​ പരാതി നൽകരുതെന്നും താൻ വന്നുകാണാമെന്നും പറഞ്ഞു.

തുടർന്ന്​ തിങ്കളാഴ്​ച വന്ന്​ ത​െൻറ കാലിൽ വീഴുകയായിരുന്നു. കോളജിൽ ദേശീയ പതാകക്ക്​ ചുറ്റും എം.എസ്​.എഫ്​ പതാകകൾ നാട്ടിയത്​ എം.എൽ.എയും പൊലീസും ചേർന്ന്​ അഴിപ്പിക്കുകയായിരുന്നു. ഇതിലുള്ള പ്രതികാരമാണ്​ കാലുപിടിക്കൽ സംഭവത്തിലേക്ക്​ എത്തിച്ചത്​.

കാലുപിടിപ്പിച്ച സംഭവം സമൂഹത്തിന് ചേരാത്തത് -എസ്‌.എഫ്‌.ഐ

കാസർകോട്‌: കാസർകോട്‌ ഗവ. കോളജിൽ പ്രിൻസിപ്പൽ വിദ്യാർഥിയെക്കൊണ്ട് കാലുപിടിപ്പിച്ചു എന്ന സംഭവത്തിൽ എതിർപ്പുമായി എസ്​.എഫ്​.​െഎയും. പരിഷ്‌കൃത സമൂഹത്തിനു ചേരാത്തതും അപലപനീയവുമാണ്​ സംഭവമെന്ന്​ കാസർകോട്‌ ഏരിയ കമ്മിറ്റി പറഞ്ഞു. സംഭവം പ്രത്യേക സമിതി അന്വേഷിക്കണം. ഇക്കാര്യം സർക്കാറി​െൻറ ശ്രദ്ധയിൽപെടുത്തുമെന്നും ഏരിയ കമ്മിറ്റി പ്രസ്​താവനയിൽ അറിയിച്ചു. വിദ്യാർഥിയെക്കൊണ്ട്​ പ്രിൻസിപ്പൽ കാലുപിടിപ്പിച്ചെന്ന്​ എം.എസ്​.എഫ്​ ആരോപണമുന്നയിച്ചതിനു പിറകെയാണ്​ വിഷയത്തിൽ എസ്​.എഫ്​.​െഎയും ഇടപെടുന്നത്.​