ദർസ്​ വിദ്യാർഥിയെ പുഴയിൽ കാണാതായി

മലപ്പുറം: കടലുണ്ടിപ്പുഴയിൽ വീണ ദർസ്​ വിദ്യാർഥിയെ കാണാതായി. പാണക്കാട്​ ജുമുഅത്ത്​ പള്ളി ദർസ്​ വിദ്യാർഥിയായ ചേളാരി മുഹമ്മദ്​ മുസ്​ലിയാരുടെ മകൻ മീറാൻ ഷമീറിനെയാണ് (19)​ തിങ്കളാഴ്​ച വൈകീട്ട്​ കാണാതായത്​. പള്ളിക്ക്​ സമീപത്തെ പുഴക്കടവി​​​​െൻറ പടവ്​ വിദ്യാർഥികൾ ചേർന്ന്​ വൃത്തിയാക്കിയിരുന്നു. അതിന്​ ശേഷം ചെരിപ്പ്​ കഴുകാനായി പുഴയിൽ ഇറങ്ങിയതായിരുന്നു. നീന്തൽ വശമുണ്ടായിരുന്നെങ്കിലും കുത്തൊഴുക്കിൽപെട്ടു. മലപ്പുറം പൊലീസും അഗ്​നിരക്ഷസേനയും നാട്ടുകാരും തിരച്ചിൽ തുടരുകയാണ്​.