'ഗർഭസ്ഥശിശുവിനെ ദുരഭിമാനക്കൊല ചെയ്യാൻ തീരുമാനിച്ചവരാണ് ഇടതുപക്ഷവും പുരോഗമനവും പറയുന്നത്'

തി​രു​വ​ന​ന്ത​പു​രം: എ​സ്.​എ​ഫ്.​ഐ മുൻ നേ​താ​വ് അ​നു​പ​മ​യു​ടെ കുഞ്ഞിനെ സി.പി.എം നേതാവും ഭാര്യയും ഒളിപ്പിച്ച സംഭവത്തിൽ ഭരണ സംവിധാനങ്ങൾ പുലർത്തുന്ന മൗനത്തിനെതിരെ രൂക്ഷ പ്രതികരണവുമായി സാമൂഹ്യപ്രവര്‍ത്തക സുധ മേനോന്‍. സി.പി.എം പ്രാദേശിക നേതാക്കളായ അനുപമയുടെ അച്ഛനും അമ്മയും ചേർന്ന്​​ കുഞ്ഞിനെ ഒളിപ്പിക്കുകയായിരുന്നു. ഒരുവർഷം കഴിഞ്ഞിട്ടും കുഞ്ഞിനെ തിരികെ നൽകാൻ അനുപമയുടെ രക്ഷിതാക്കൾ തയാറായില്ല. ഈ സംഭവത്തിലാണ്​ രൂക്ഷ പ്രതികരണവുമായി സാമൂഹ്യപ്രവർത്തക രംഗത്തെത്തിയിരിക്കുന്നത്​.

ഒരമ്മ താൻ പ്രസവിച്ച കുഞ്ഞിനെ തേടി ആറുമാസമായി അലയുന്നത് പ്രബുദ്ധകേരളത്തിലാണെന്ന്​ ഓർമിപ്പിച്ചാണ്​ പോസ്റ്റ്​ ആരംഭിക്കുന്നത്​. അവർ ത​െ​ന്‍റ കുഞ്ഞിന്​ വേണ്ടി മുട്ടാത്ത വാതിലുകളില്ല. മു​ഖ്യമന്ത്രിയുടെ ഓഫീസിലും വനിതാകമ്മിഷനിലും പാർട്ടി ഓഫീസിലും അവർ കയറിയിറങ്ങി.കുട്ടിയെ തിരിച്ചു കിട്ടാൻ വേണ്ടി പോകാത്ത ഇടമില്ല. തട്ടാത്ത വാതിലുകൾ ഇല്ല. അനുപമക്ക്‌ സ്വന്തം അച്ഛനിൽ നിന്നും പൊലീസിൽ നിന്നും സർക്കാർ സംവിധാനങ്ങളിൽ നിന്നും നീതി കിട്ടിയില്ല.

ഗർഭസ്ഥശിശുവിനെ 'ദുരഭിമാനക്കൊല' ചെയ്യാൻ തീരുമാനിച്ച മാതാ-പിതാക്കൾ ആണ് ഇടതുപക്ഷവും പുരോഗമനവും പറയുന്നത് എന്നോർക്കണമെന്നും സുധ മേനാൻ പറയുന്നു. അതെ മാതാപിതാക്കൾ തന്നെയാണ് പിഞ്ചുകുഞ്ഞിനെ അമ്മയിൽ നിന്നും അകറ്റിയതും. അച്ഛനും അമ്മയും ഉള്ള കുഞ്ഞിനെ അവരിൽ നിന്നും മാറ്റി അനാഥാലയത്തിൽ ഏൽപ്പിക്കുന്നത് എത്ര ഗുരുതരമായ കുറ്റവും കുഞ്ഞിനോടുള്ള നീതി നിഷേധവുമാണ് എന്നിട്ടും, നമ്മുടെ എല്ലാ ഭരണ സംവിധാനങ്ങളും ഒന്നടങ്കം മൗനം പാലിക്കുന്നു. മുഖം തിരിക്കുന്നു. എന്ത് ന്യായമാണിതെന്നും അവർ ചോദിക്കുന്നു.

ഗോത്രനീതി നിലനിർത്താൻ വേണ്ടിയാണെങ്കിൽ എന്തിനാണ് നമുക്ക് വനിതാകമ്മിഷനും നിരവധി വനിതാ നേതാക്കളും. നമ്മൾ അനുപമയോടൊപ്പം ഉപാധികൾ ഇല്ലാതെ, ചോദ്യങ്ങൾ ഇല്ലാതെ കൂടെ നിൽക്കേണ്ട സമയമാണിത്. അവർക്കു അവരുടെ കുട്ടിയെ തിരികെ കിട്ടും വരെ ഒപ്പം നിൽക്കണമെന്നും പറഞ്ഞാണ്​ കുറിപ്പ്​ അവസാനിക്കുന്നത്​.

കു​ഞ്ഞി​നെ ഒ​ളി​പ്പി​ച്ച​ അ​നു​പ​മ​യു​ടെ പി​താ​വും സി.​പി.​എം പേ​രൂ​ർ​ക്ക​ട ലോ​ക്ക​ൽ ക​മ്മി​റ്റി അം​ഗ​വു​മാ​യ പി.​എ​സ്. ജ​യ​ച​ന്ദ്ര​ന്‍, മാ​താ​വും സി.​പി.​എം ബ്രാ​ഞ്ച് ക​മ്മി​റ്റി അം​ഗ​വു​മാ​യ സ്മി​താ ജ​യിം​സ് എ​ന്നി​വ​ർ​ക്കെ​തി​രെ കേ​സെ​ടു​ത്തിരുന്നു. അ​നു​പ​മ​യു​ടെ സ​ഹോ​ദ​രി അ​ഞ്ജു, സ​ഹോ​ദ​രീ ഭ​ർ​ത്താ​വ് അ​രു​ൺ, ജ​യ​ച​ന്ദ്ര​െൻറ സു​ഹൃ​ത്തു​ക്ക​ളും സി.​പി.​എം പ്രാ​ദേ​ശി​ക നേ​താ​ക്ക​ളു​മാ​യ ര​മേ​ശ​ൻ, അ​നി​ൽ​കു​മാ​ർ എ​ന്നി​വ​ർ​ക്കെ​തി​രെ​യും പേ​രൂ​ർ​ക്ക​ട പൊ​ലീ​സ് കേ​​സെ​ടു​ത്തി​ട്ടു​ണ്ട്. അ​നു​പ​മ​യു​ടെ കു​ഞ്ഞി​നെ കാ​ണാ​താ​യ സം​ഭ​വ​ത്തി​ല്‍ പ​രാ​തി ന​ൽ​കി ആ​റ് മാ​സ​ത്തി​ന് ശേ​ഷ​മാ​ണ് പൊ​ലീ​സ് എ​ഫ്‌.​ഐ.​ആ​ര്‍ ര​ജി​സ്​​റ്റ​ര്‍ ചെ​യ്ത​ത്.

ഡി.വൈ.എഫ്​.ഐ മേഖലാ പ്രസിഡന്‍റായിരുന്ന അജിത്തുമായി ഒരുമിച്ച്​ ജീവിക്കാൻ അനുപമ ആഗ്രഹിച്ചിരുന്നു. ദലിത്​ ക്രിസ്​ത്യനായിരുന്ന അജിതുമായുള്ള ബന്ധത്തെ അനുപമയുടെ മാതാപിതാക്കൾ എതിർത്തു. എന്നാൽ, ഈ ബന്ധത്തിൽ ക​ഴി​ഞ്ഞ വ​ർ​ഷം ഒ​ക്ടോ​ബ​ര്‍ 19ന്​ അ​നു​പ​മ ആ​ണ്‍കു​ഞ്ഞി​ന് ജ​ന്മം ന​ല്‍കി. ശേഷം, സ​ഹോ​ദ​രി​യു​ടെ വി​വാ​ഹം ക​ഴി​ഞ്ഞ് തി​രി​ച്ചേ​ല്‍പി​ക്കാ​മെ​ന്ന് പ​റ​ഞ്ഞ് അ​ച്ഛ​നും അ​മ്മ​യും കു​ട്ടി​യെ കൊ​ണ്ടു​പോ​യെ​ന്നാ​ണ് അ​നു​പ​മ​യു​ടെ പ​രാ​തി. പി​ന്നീ​ട്​ കു​ഞ്ഞി​നെ ശി​ശു​ക്ഷേ​മ സ​മി​തി​യി​ൽ ഏ​ൽ​പി​ക്കു​ക​യാ​യി​രു​ന്നു​വ​ത്രെ. ദു​ര​ഭി​മാ​ന​ത്തെ തു​ട​ര്‍ന്നാ​ണ് ര​ക്ഷാ​ക​ർ​ത്താ​ക്ക​ള്‍ കു​ഞ്ഞി​നെ കൊ​ണ്ടു​പോ​യ​തെ​ന്നാ​ണ് അ​നു​പ​മ​യു​ടെ ആ​രോ​പ​ണം. എ​ന്നാ​ൽ, അ​നു​പ​മ​യു​ടെ സ​മ്മ​ത​ത്തോ​ടെ​യാ​ണ്​ കു​ട്ടി​യെ ശി​ശു​ക്ഷേ​മ​സ​മി​തി​യി​ല്‍ ഏ​ല്‍പി​ച്ച​തെ​ന്നാ​ണ് ജ​യ​ച​ന്ദ്ര​​ൻ പ​റ​യു​ന്ന​ത്.

നേരത്തെ വിവാഹിതനായിരുന്ന അജിത്​ കഴിഞ്ഞ ജനുവരിയിൽ വിവാഹ മോചിതനായി. കഴിഞ്ഞ മാർച്ച്​ മുതൽ അജിതും അനുപമയും ഒരുമിച്ചാണ്​ ജീവിക്കുന്നത്​. ഏ​പ്രി​ല്‍ 19നാ​ണ് അ​നു​പ​മ പേ​രൂ​ര്‍ക്ക​ട പൊ​ലീ​സി​ല്‍ പ​രാ​തി ന​ല്‍കി​യ​ത്. പ​ക്ഷേ, കേ​സെ​ടു​ക്കാ​ൻ പൊ​ലീ​സ് ത​യാ​റാ​യി​ല്ല. അ​നു​പ​മ​യു​ടെ പ​രാ​തി സ്വീ​ക​രി​ക്കാ​നാ​കി​ല്ലെ​ന്ന് ചൈ​ല്‍ഡ് വെ​ല്‍ഫ​യ​ര്‍ ക​മ്മി​റ്റി​യും ക​ഴി​ഞ്ഞ ദി​വ​സം അ​റി​യി​ച്ചി​രു​ന്നു.

തന്‍റെ കുഞ്ഞിനെ തിരിച്ചു കിട്ടാൻ നേരത്തെ സി.പി.എം നേതാക്ക​ളെ കണ്ട്​ പരാതി പറഞ്ഞിരുന്നെങ്കിലും അവരാരും സഹായിക്കാൻ തയാറായില്ലെന്ന്​ അനുപമ പറഞ്ഞു. പാർട്ടിയിൽ നിന്ന്​ സഹായമൊന്നും ലഭിക്കാതായതോടെ ഡി.ജി.പിക്കടക്കം പരാതി നൽകിയിരുന്നു. എന്നാൽ, അതിലും നടപടി ഉണ്ടായില്ല. സംഭവം മാധ്യമങ്ങളിൽ വാർത്തയായ ശേഷമാണ്​ പൊലീസ്​ കേസെടുക്കാൻ തയാറായത്​.