കായലിൽ ചാടിയ യുവതിയുടെ മൃതദേഹം കിട്ടി

നെട്ടൂർ: കൈക്കുഞ്ഞിനെ ഫുട്പാത്തിൽ ഉപേക്ഷിച്ച് കായലിൽ ചാട‌ിയ വയലാർ നാഗംകുളങ്ങര പടിഞ്ഞാ​േറ പൂപ്പള്ളി വീട്ടിൽ സെബാസ്​റ്റ്യ​​​​െൻറ ഭാര്യ വിനീഷയുടെ (32) മൃതദേഹം കിട്ടി. വിനീഷയുടെ മരടി​െല വീട്ടിലേക്ക്​ ഭർത്താവിനൊപ്പം  ബൈക്കിൽ വരുന്നതിനിടെ അരൂർ-കുമ്പളം പാലത്തിൽ വ്യാഴാഴ്ച വൈകീട്ട് 5.30ഒാടെയായിരുന്നു സംഭവം. ആറുമാസം പ്രായമുള്ള ആൺകുഞ്ഞിനെ പാലത്തി​​​​െൻറ ഫുട്പാത്തിൽ ഉപേക്ഷിച്ച് ഭർത്താവ് നോക്കിനിൽക്കെയാണ്​ കായലിൽ ചാടിയത്​.

അരൂർ-കുമ്പളം പുതിയ പാലത്തി​​​​െൻറ ഏകദേശം മധ്യഭാഗത്തെത്തിയതോടെ ബൈക്ക് നിർത്താനാവശ്യപ്പെട്ട യുവതി കൈയിലിരുന്ന കുഞ്ഞിനെ ഫുട്പാത്തിൽ കിടത്തി ഉടൻ കായലിലേക്ക് ചാടുകയായിരുന്നു. ഭർത്താവ് തടയാൻ ശ്രമിച്ചെങ്കിലും നടന്നില്ല. പത്തുവർഷം മുമ്പായിരുന്നു വിവാഹം. മൂന്ന്​ ആൺകുട്ടികളാണുള്ളത്. മൂത്ത കുട്ടി മൂന്നാം ക്ലാസിലും രണ്ടാമത്തെയാൾ എൽ.കെ.ജിയിലും പഠിക്കുന്നു. പോസ്​റ്റ്​മോർട്ടത്തിനുശേഷം വിട്ടുകൊടുത്ത വിനീഷയുടെ മൃതദേഹം സംസ്കരിച്ചു. കുടുംബ വഴക്കിനെ തുടർന്നാണ്​ സംഭവമെന്നും പരാതിയൊന്നും കിട്ടിയിട്ടില്ലെന്നും പനങ്ങാട് പൊലീസ് പറഞ്ഞു.