തിരക്കിലമർന്ന് ഗുരുവായൂർ; ഞായറാഴ്ച 167 വിവാഹം

ഗുരുവായൂര്‍: വിവാഹ സംഘങ്ങളുടെയും ഭക്തരുടെയും തിരക്കിലമർന്ന് ഗുരുവായൂർ. ഞായറാഴ്ച പുലർച്ചെ നിർമാല്യ ദർശനം മുതൽ തന്നെ ദർശനത്തിന് വൻ തിരക്കായിരുന്നു. 167 വിവാഹങ്ങളും നടന്നു. 587 കുട്ടികൾക്ക് ചോറൂണുമുണ്ടായി.

വിവാഹ തിരക്ക് നിയന്ത്രിക്കുന്നതിനായി ദേവസ്വവും നഗരസഭയും പൊലീസും ക്രമീകരണങ്ങൾ ഒരുക്കിയിരുന്നു. സ്ഥിരമായുള്ള മൂന്ന് വിവാഹ മണ്ഡപങ്ങള്‍ക്ക് പുറമെ രണ്ട് താൽക്കാലിക മണ്ഡപങ്ങള്‍കൂടി ഉണ്ടായിരുന്നു. തിങ്കളാഴ്ച ക്ഷേത്ര സന്നിധിയിൽ 117 വിവാഹങ്ങൾ നടക്കും.