മുസ്തഫൽ ഫൈസിയെ തിരിച്ചെടുക്കണമെന്ന് സുന്നി മഹല്ല് ഫെഡറേഷൻ; നടപടി പിൻവലിച്ചേക്കും

മ​ല​പ്പു​റം: നേ​തൃ​ത്വ​ത്തി​നെ​തി​രെ പ​ര​സ്യ​വി​മ​ർ​ശ​നം ന​ട​ത്തി​യ​തി​ന് സ​സ്​​പെ​ൻ​ഡ് ചെ​യ്യ​പ്പെ​ട്ട മു​ശാ​വ​റ അം​ഗം മു​സ്ത​ഫ​ൽ ഫൈ​സി​യെ തി​രി​ച്ചെ​ടു​ക്ക​ണ​മെ​ന്നാ​വ​ശ്യ​പ്പെ​ട്ട് സു​ന്നി മ​ഹ​ല്ല് ഫെ​ഡ​റേ​ഷ​ൻ സ​മ​സ്ത മു​ശാ​വ​റ​ക്ക് ക​ത്ത് ന​ൽ​കി. വി​ശ​ദീ​ക​ര​ണം​പോ​ലും തേ​ടാ​തെ സ​സ്​​പെ​ൻ​ഡ് ചെ​യ്ത​ത് ശ​രി​യാ​യി​ല്ലെ​ന്ന് ചൂ​ണ്ടി​ക്കാ​ട്ടി​യാ​ണി​ത്. സ​മ​സ്ത​യി​ൽ മു​സ്‍ലിം ലീ​ഗി​നെ ശ​ക്ത​മാ​യി അ​നു​കൂ​ലി​ക്കു​ന്ന മു​സ്ത​ഫ​ൽ ഫൈ​സി​ക്കെ​തി​രാ​യ ന​ട​പ​ടി സം​ഘ​ട​ന​ക്കു​ള്ളി​ൽ ചേ​രി​പ്പോ​ര് രൂ​ക്ഷ​മാ​ക്കു​ന്ന​തി​നി​ടെ​യാ​ണ് സു​ന്നി മ​ഹ​ല്ല് ഫെ​ഡ​റേ​ഷ​ന്റെ ക​ത്ത്. മു​സ്ത​ഫ​ൽ ഫൈ​സി​ക്കെ​തി​രാ​യ ന​ട​പ​ടി മ​യ​പ്പെ​ടു​ത്തു​ക​യോ പി​ൻ​വ​ലി​ക്കു​ക​യോ ചെ​യ്യു​മെ​ന്നാ​ണ് നേ​തൃ​ത്വം ന​ൽ​കു​ന്ന സൂ​ച​ന.

പാ​ണ​ക്കാ​ട് സാ​ദി​ഖ​ലി ത​ങ്ങ​ൾ ഈ ​മാ​സം 19ന് ​വി​ദേ​ശ​ത്തു​നി​ന്ന് തി​രി​ച്ചെ​ത്തി​യ​ശേ​ഷം എ​ല്ലാ പ്ര​ശ്ന​ങ്ങ​ൾ​ക്കും പ​രി​ഹാ​ര​മു​ണ്ടാ​ക്കു​മെ​ന്ന് സ​മ​സ്ത പ്ര​സി​ഡ​ന്റ് ജി​ഫ്രി മു​ത്തു​ക്കോ​യ ത​ങ്ങ​ൾ, ജ​ന​റ​ൽ സെ​ക്ര​ട്ട​റി കെ. ​ആ​ലി​ക്കു​ട്ടി മു​സ്‍ലി​യാ​ർ, ട്ര​ഷ​റ​ർ ഉ​മ്മ​ർ മു​സ്‍ലി​യാ​ർ കൊ​യ്യോ​ട്, സെ​ക്ര​ട്ട​റി എം.​ടി. അ​ബ്ദു​ല്ല മു​സ്‍ലി​യാ​ർ എ​ന്നി​വ​ർ സം​യു​ക്ത പ്ര​സ്താ​വ​ന​യി​ൽ അ​റി​യി​ച്ചു. സു​ന്നി മ​ഹ​ല്ല് ഫെ​ഡ​റേ​ഷ​​ന്റെ നേ​തൃ​ത്വ​ത്തി​ൽ ന​ട​ക്കു​ന്ന ന​വോ​ത്ഥാ​ന​സ​മ്മേ​ള​ന​ങ്ങ​ളി​ൽ ക​ടു​ത്ത വി​മ​ർ​ശ​ന​ങ്ങ​ളും ഒ​ളി​യ​മ്പു​ക​ളു​മാ​ണ് മു​സ്ത​ഫ​ൽ ഫൈ​സി വി​ഷ​യ​ത്തി​ൽ നേ​തൃ​ത്വ​ത്തി​നെ​തി​രെ ഉ​യ​രു​ന്ന​ത്. സ​മ​സ്ത​യി​ൽ രൂ​പ​പ്പെ​ട്ട ലീ​ഗ് അ​നു​കൂ​ല, പ്ര​തി​കൂ​ല ചേ​രി​ക​ൾ ത​മ്മി​ലെ പോ​ര് ക​ന​ക്കാ​നും ഇ​ത് കാ​ര​ണ​മാ​യി.മ​ല​പ്പു​റ​ത്ത് ന​ട​ന്ന എ​സ്.​എം.​എ​ഫ് ന​വോ​ത്ഥാ​ന സ​മ്മേ​ള​ന​ത്തി​ൽ മു​സ്ത​ഫ​ൽ ഫൈ​സി ന​ട​ത്തി​യ വി​മ​ർ​ശ​ന​മാ​ണ് പു​റ​ത്താ​ക്ക​ലി​നി​ട​യാ​ക്കി​യ​ത്.