ഷുഹൈബ്​ വധക്കേസിൽ പൊലീസ്​ അന്വേഷണം തുടരാമെന്ന്​ സുപ്രീംകോടതി

കണ്ണൂർ: യൂത്ത്​കോൺഗ്രസ്​ പ്രവർത്തകൻ ഷുഹൈബ്​ വധത്തിൽ പൊലീസ്​ അന്വേഷണം തുടരാമെന്ന്​ സുപ്രീംകോടതി. സി.ബി.​െഎ അന്വേഷണത്തിനുള്ള ഹൈകോടതി ഡിവിഷൺബെഞ്ച്​ സ്​റ്റേ നീക്കണമെന്നാവശ്യപ്പെട്ട്​ ഷുഹൈബി​​​​​​െൻറ പിതാവ്​ സി.മുഹമ്മദ്​ സമർപ്പിച്ച ഹരജിയിലാണ്​ സുപ്രീംകോടതി ഉത്തരവ്​. 

കേസിൽ കുറ്റപ്പത്രം സമർപ്പിക്കുന്നതിനും തടസമില്ല. സി.ബി.​െഎ അന്വേഷണത്തിൽ നിലപാടറിയിക്കാൻ സംസ്ഥാന സർക്കാറിനോട്​ കോടതി നിർദേശിച്ചിട്ടുണ്ട്​. രാഷ്​ട്രീയകൊലപാതകം നടത്തുന്നവർ വിഡ്​ഢികളാണെന്നും കോടതി നിരീക്ഷിച്ചു​.

ഷുഹൈബ്​ വധക്കേസിൽ പ്രതികൾക്ക്​ സി.പി.എം നേതാക്കളുമായി അടുത്ത ബന്ധമുണ്ടെന്നും സി.ബി.​െഎ അന്വേഷണം വേണമെന്നും ഹൈകോടതി സിംഗിൾ ബെഞ്ച്​ ഉത്തരവിട്ടിരുന്നു. ഇതിനെതിരെ സർക്കാർ സമർപ്പിച്ച അപ്പീലിനെത്തുടർന്ന്​ ഹൈകോടതി ഡിവിഷൻ ബെഞ്ച്​ ഉത്തരവ്​ സ്​റ്റേ ചെയ്​തു. തുടർന്ന്​ മധ്യവേനൽ അവധിക്ക്​ ശേഷം കേസ്​ പരിഗണിക്കാൻ മാറ്റി. ഒന്നരമാസത്തെ ഇടവേള അന്വേഷണത്തെ ബാധിക്കുമെന്ന്​ ചൂണ്ടിക്കാട്ടിയാണ് ഷുഹൈബി​​​​​െൻറ​ കുടുംബം സുപ്രീംകോടതിയെ സമീപിച്ചത്​.