ശ്രീ​പ​ത്മ​നാ​ഭ​സ്വാ​മി ക്ഷേ​ത്രത്തിലെ 'ബി' നിലവറ തുറ​േക്കണ്ടേതുണ്ട്​ -സുപ്രീംകോടതി

ന്യൂഡൽഹി: തിരുവനന്തപുരം ശ്രീപത്മനാഭസ്വാമിക്ഷേത്രത്തിലെ ബി നിലവറ തുറന്നുനോ​േക്കണ്ടതുണ്ടെന്ന്​​ അഭിപ്രായപ്പെട്ട ചീഫ്​ ജസ്​റ്റിസ്​ ജെ.എസ്​. ഖേഹാർ അധ്യക്ഷനായ സുപ്രീംകോടതി ബെഞ്ച്​ ഇൗ വിഷയം തങ്ങൾ തീർപ്പാക്കുമെന്ന്​ വ്യക്​തമാക്കി. ബി നിലവറയിലുള്ളത്​ എന്താണെന്ന സംശയം തീർത്ത്​ ക്ഷേത്രസ്വത്തിലെ കണക്കിൽ സുതാര്യത വരുത്തണമെന്ന അമിക്കസ്​ ക്യൂറി ഗോപാൽ സുബ്രഹ്​മണ്യത്തി​​​െൻറ ആവശ്യം അംഗീകരിച്ചാണ്​ സുപ്രീംകോടതി ഇടക്കാല ഉത്തരവില​ൂടെ നിലപാട്​ വ്യക്​തമാക്കിയത്​. അതേസമയം, ശ്രീപത്മനാഭ​​​െൻറ തിലകത്തിലെ എട്ട്​ വജ്രങ്ങൾ കാണാതായത്​ സംബന്ധിച്ച അന്വേഷണത്തിന്​ സുപ്രീംകോടതി മേൽനോട്ടത്തിൽ പ്രത്യേക അന്വേഷണസമിതിയെ നിയോഗിക്കണമെന്ന ആവശ്യം തള്ളിയ സുപ്രീംകോടതി കേരള ​െപാലീസ്​ നടത്തുന്ന അന്വേഷണത്തിൽ ആക്ഷേപമുണ്ടെങ്കിൽ അമിക്കസ്​ ക്യൂറിക്ക്​​ സുപ്രീംകോടതിയെ സമീപിക്കാവുന്നതാണെന്ന്​ വ്യക്​തമാക്കി. 

കോടതിനടപടിയുടെ പ്രധാനഉദ്ദേശ്യം ശ്രീപത്മനാഭസ്വാമി ക്ഷേത്രത്തി​​​െൻറ വിശുദ്ധിയും സുതാര്യതയും ഉറപ്പുവരുത്തുകയാണെന്ന്​ ചീഫ്​ ജസ്​റ്റിസ്​ ജെ.എസ്.​ ഖേഹാർ ഒാർമിപ്പിച്ച​ു. ബി നിലവറ​ തുറന്ന്​ സ്വത്ത്​ കണക്കാക്കു​േമ്പാൾ വികാരം ​വ്രണപ്പെടേണ്ട കാര്യവുമില്ല. ബി നിലവറ തുറക്കാതിരിക്കുന്നതിൽ എന്തു കാര്യമുണ്ടെന്നും​ ചീഫ്​ ജസ്​റ്റിസ്​ ചോദിച്ചു. ബി നിലവറ തുറക്കുന്നത്​ വിശ്വാസത്തിനെതിരാണെന്ന വാദം തള്ളിയ അമിക്കസ്​ ക്യൂറി, മുമ്പ്​ കണക്കെടുപ്പ്​ നടത്തിയ വിദഗ്​ധസമിതി അത്​ തുറന്നിട്ടുണ്ടെന്ന്​ ബോധിപ്പിച്ചു. ബി നിലവറ തുറക്കാതിരുന്നാൽ അതിൽ എന്താണുള്ളതെന്ന സംശയം എന്നും നിലനിൽക്കുമെന്നും ഗോപാൽ സുബ്രഹ്​മണ്യം പറഞ്ഞു. 

എന്നാൽ, പത്മനാഭ​​​െൻറ തിലകത്തിലെ എട്ട് വജ്രങ്ങള്‍ കാണാതായ സംഭവത്തിൽ പ്രത്യേക അന്വേഷണസംഘം വേണമെന്ന അമിക്കസി​​​െൻറ ആവശ്യം സ​ുപ്രീംകോടതി അംഗീകരിച്ചില്ല.  ഇക്കാര്യത്തിൽ ഒരു ​െഎ.പി.എസ്​​ ഒാഫിസറുടെ നേതൃത്വത്തിൽ കേരള ​െപാലീസി​​​െൻറ അന്വേഷണം നടന്നുകൊണ്ടിരിക്കുകയാണെന്ന്​ ചീഫ്​ ജസ്​റ്റിസ്​ ചൂണ്ടിക്കാട്ടി. ഇരുനൂറോളം വരുന്ന ​െപാലീസുകാരുമായി ഒരു മുതിർന്ന ​െഎ.പി.എസ്​ ഉദ്യോഗസ്​ഥൻ നടത്തുന്ന അന്വേഷണം ഫലപ്രാപ്​തിയിലെത്ത​ുമെന്നാണ്​ കോടതിയുടെ വിശ്വാസം. ഇപ്പോൾ നടക്കുന്ന അന്വേഷണത്തിൽ പുരോഗതിയില്ലാത്തതിനാൽ തൃപ്​തനല്ല എന്ന്​ അമിക്കസ്​ ക്യൂറി ഗോപാൽ സുബ്രഹ്​മണ്യം ചൂണ്ടിക്കാണിച്ചപ്പോൾ അ​േന്വഷണത്തിൽ ആക്ഷേപമുണ്ടെങ്കിൽ പിന്നീട്​ സുപ്രീംകോടതിയെ സമീപിക്കാവുന്നതാണെന്ന്​ ചീഫ്​ ജസ്​റ്റിസ്​ പ്രതികരിച്ചു.

ഗുരുവായൂർ ക്ഷേത്രത്തി​​​െൻറ മാതൃകയിൽ പത്മനാഭസ്വാമിക്ഷേത്രവും സംസ്​ഥാന സർക്കാർ ഏറ്റെടുക്കണമെന്ന ഹൈകോടതിവിധി സുപ്രീംകോടതിയുടെ ശ്രദ്ധയിൽ​െപടുത്തിയ അമിക്കസ്​ ക്യൂറി നിലവിലുള്ള അവകാശത്തർക്കത്തിൽ അന്തിമവിധി വരുംവരെ കോടതി ഭരണമേൽനോട്ടം വഹിക്കണമെന്ന്​ ആവശ്യപ്പെട്ടു. ഇത്​ സാധ്യമ​െല്ലന്ന്​ വ്യക്​തമാക്കിയ സുപ്രീംകോടതി അങ്ങനെ പോയാൽ സ്വത്തുതർക്കമുള്ള രാജ്യത്തെ നിരവധി ക്ഷേത്രങ്ങളുടെ ഭരണം സു​പ്രീംകോടതി ഏറ്റെടുക്കേണ്ടിവരുമെന്ന്​ പ്രതികരിച്ചു. 

ശ്രീകോവിലി​​​െൻറ മേൽക്കൂരയുടെയും ബന്ധപ്പെട്ട ഭാഗങ്ങളുടെയും നിർമാണ പ്രവർത്തനങ്ങൾക്ക്​ കമ്മിറ്റിയെ തെരഞ്ഞെടുക്കാനുള്ള സമിതിക്ക്​ നേതൃത്വം നൽകാൻ മലയാളിയായ മുൻ സുപ്രീംകോടതി ജഡ്ജി കെ.എസ്.​ രാധാകൃഷ്​ണനോട്​ സുപ്രീംകോടതി അഭ്യർഥിച്ചു.