ബി.​ജെ.പിയുടെ വിജയം നോട്ട് ​നിരോധനത്തെ എതിർത്തവർക്കുള്ള മറുപടി -സുരേഷ്​ ഗോപി

കോഴിക്കോട്​: ബി.ജെ.പിയുടെ തെരഞ്ഞെടുപ്പ് വിജയം നോട്ട് അസാധുവാക്കലിനെ എതിർത്തവർക്കുള്ള മറുപടിയാണെന്ന്​ നടനും രാജ്യസഭാംഗവുമായ സുരേഷ് ഗോപി.

നോട്ട് അസാധുവാക്കലിനെ എതിര്‍ത്ത കേരളത്തിലെ മോശപ്പെട്ട രാഷ്ട്രീയത്തിനെതിരെയുളള വിജയമാണ് ഉത്തര്‍പ്രദേശ് അടക്കമുളള സംസ്ഥാനങ്ങളില്‍ കണ്ടത്. കേരളത്തിലെ ജനങ്ങളല്ല, മറിച്ച്​ മോശപ്പെട്ട രാഷ്ട്രീയമാണ് നോട്ട് അസാധുവാക്കലിനെ വിമര്‍ശിച്ചതെന്നും അദ്ദേഹം കൂട്ടിച്ചേർത്തു.

നേരത്തെ നോട്ട് നിരോധനം  പ്രഖ്യാപിച്ച സമയത്ത്​ പിന്തുണയുമായി സുരേഷ്​ ഗോപി രംഗത്ത്​ വരുകയും പണം മാറ്റി വാങ്ങുന്നതിനായി ജനങ്ങള്‍ കൂട്ടത്തോടെ ബാങ്കുകളിലേക്ക് പോകേണ്ട ആവശ്യമില്ലെന്നും അതിനായി ഇനിയും സമയമുണ്ടെന്നും പറഞ്ഞിരുന്നു.