ലോട്ടറിക്കട അടിച്ചുതകർത്ത കേസില്‍ പ്രതികൾ പിടിയിൽ

കോട്ടയം: ഹർത്താൽ ദിനത്തിൽ സംക്രാന്തിയിലെ പത്മാവതി ലോട്ടറിക്കട അടിച്ചുതകർത്ത കേസില്‍ മൂന്നുപേരെ അറസ്റ്റ് ചെയ്തു. പെരുമ്പായിക്കാട് മുണ്ടകംഭാഗത്ത് മുണ്ടകത്തിൽ വീട്ടിൽ ഷൈജു ഹമീദ് (44), പെരുമ്പായിക്കാട് മുണ്ടകംഭാഗത്ത് മുണ്ടകമറ്റത്തിൽ ഷെഫീക് റസാഖ് (39), പെരുമ്പായിക്കാട് പള്ളിപ്പുറം ഭാഗത്ത് കുമ്പളത്തിച്ചിറയിൽ വീട്ടിൽ വി.എസ്. ഷാനവാസ് (39) എന്നിവരെയാണ് ഗാന്ധിനഗർ പൊലീസ് അറസ്റ്റ് ചെയ്തത്.