കുര്യാക്കോസ് മാർ സേവേറിയോസിന്​ സസ്​പെൻഷൻ; ‘സമുദായ മെത്രാപ്പോലീത്ത’ പദവി​ ഒഴിവാക്കി

കോട്ടയം: സഭാ നേതൃത്വത്തിലെ ഭിന്നതക്കിടെ, ക്‌നാനായ യാക്കോബായ സഭ ആര്‍ച്ച് ബിഷപ്​​ കുര്യാക്കോസ് മാർ സേവേറിയോസ് വലിയ മെത്രാപ്പോലീത്തക്ക്​ സസ്​പെൻഷൻ. സഭയുടെ പരമാധ്യക്ഷനായ ​ഇഗ്​നാത്തിയോസ് അപ്രേം ദ്വിതീയന്‍ പാത്രിയാർക്കീസ് ബാവായുടേതാണ്​ നടപടി. ‘സമുദായ മെത്രാപ്പോലീത്ത’ പദവിയില്‍ നിന്ന്​ ഒഴിവാക്കിയതിനൊപ്പം സസ്‌പെന്‍ഷന്‍ കാലയളവില്‍ കൂദാശകള്‍ നടത്തുന്നത്​ വിലക്കുകയും ചെയ്തു.

മെത്രാപ്പോലീത്തമാർ ഇരുചേരികളിലായി നിലയുറപ്പിച്ചതിനെ തുടർന്ന്​ ചിങ്ങവനം കേന്ദ്രമായ സഭയിൽ മാസങ്ങളായി തർക്കം തുടരുകയായിരുന്നു. സഭയുടെ തലവനായ മാർ സേവേറിയോസ് ഒരുഭാഗത്തും മറ്റ്​ മൂന്ന്​ സഹായമെത്രാന്മാർ മറുചേരിയിലുമാണ്​. സഭ മാനേജിങ്​ കമ്മിറ്റിയും വൈദികരിൽ ഭൂരിഭാഗവും കുര്യാക്കോസ് മാർ സേവേറിയോസിനൊപ്പമാണ്​​. തർക്കപരിഹാരത്തിന്​ സഭയുടെ പരമാധികാരിയായ അന്ത്യോഖ്യ പാ​ത്രിയാർക്കീസും യാക്കോബായ സഭ നേതൃത്വവും ഇടപെട്ടിരുന്നെങ്കിലും വിജയിച്ചിരുന്നില്ല.

കുര്യാക്കോസ് മാർ സേവേറിയോസ് ഈ മാസം 21ന്​ ക്നാനായ അസോസിയേഷന്‍റെ യോഗം വിളിച്ചിരുന്നു. സഭയുടെ ആസ്ഥാനമായ ചിങ്ങവനം മാർ അപ്രേം സെമിനാരിയിലാണ്​ പരിപാടി നിശ്ചയിച്ചിരിക്കുന്നത്​. ഇതാണ്​ ഇപ്പോഴത്തെ പൊട്ടിത്തെറിക്ക്​ കാരണം. സഭയുടെ ഭരണഘടനപ്രകാരം അന്ത്യോഖ്യ പാത്രിയര്‍ക്കീസാണ് പരമാധികാരി.

ഈ വ്യവസ്ഥ ഒഴിവാക്കി ഭരണഘടന ഭേദഗതി ചെയ്യാൻ ലക്ഷ്യമിട്ടാണ്​ യോഗം വിളിച്ചത്​​. ഭരണ ഇടപെടലുകൾക്കുപകരം ​ പാത്രിയാർക്കീസിന്‍റെ അധികാരം ആത്മീയ ​നേതൃത്വത്തിലേക്ക്​ ചുരുക്കണമെന്നാണ്​ സേവേറിയോസിനെ അനുകൂലിക്കുന്ന ക്നാനായ അസോസിയേഷന്‍റെ നിലപാട്​. ഇതിനെതിരെ എതിർവിഭാഗം പരാതി നൽകിയതോടെ, പാത്രിയാർക്കീസ്​ ബാവ, വ്യാഴാഴ്ച വൈകീട്ട്​ വിഡിയോ കാളിലൂടെ സേവേറിയോസിനോട്​ വിശദീകരണം തേടിയിരുന്നു. ഇതിനുപിന്നാലെ, വെള്ളിയാഴ്ച രാവിലെ വിശദീകരണം തൃപ്തികരമല്ലെന്ന്​ ചൂണ്ടിക്കാട്ടി സസ്​പെൻഷൻ കൽപന പുറപ്പെടുവിക്കുകയായിരുന്നു. അന്ത്യോഖ്യ പാത്രിയർക്കീസിന്‍റെ ഉത്തരവുകൾക്ക് വിരുദ്ധമായി പ്രവർത്തിച്ചെന്ന് ചൂണ്ടിക്കാട്ടിയാണ് നടപടി.

യോ​ഗം മാ​റ്റി​ല്ല -ക്നാ​നാ​യ അ​സോ​സി​യേ​ഷ​ൻ

കോ​ട്ട​യം: ആ​ര്‍ച്ച് ബി​ഷ​പ്​​ കു​ര്യാ​ക്കോ​സ് മാ​ർ സേ​വേ​റി​യോ​സ് വ​ലി​യ മെ​ത്രാ​പ്പോ​ലീ​ത്ത​ക്കെ​തി​രെ​യു​ള്ള ന​ട​പ​ടി അം​ഗീ​ക​രി​കാ​നാ​കി​ല്ലെ​ന്ന്​ ക്‌​നാ​നാ​യ യാ​ക്കോ​ബാ​യ സ​ഭ സെ​ക്ര​ട്ട​റി ടി.​ഒ. എ​ബ്ര​ഹാം. ബാ​വാ​യെ സ​ഭ​യി​ലെ സ​ഹാ​യ​മെ​ത്രാ​ൻ തെ​റ്റി​ദ്ധ​രി​പ്പി​ച്ച​താ​കാം സ​സ്​​പെ​ൻ​ഷ​ന്​ കാ​ര​ണം. ബാ​വാ​യു​ടെ അ​റി​വോ​ടെ​യാ​ണോ ന​ട​പ​ടി​യെ​ന്ന കാ​ര്യ​വും വ്യ​ക്ത​മാ​കേ​ണ്ട​തു​ണ്ടെ​ന്ന്​ അ​ദ്ദേ​ഹം പ​റ​ഞ്ഞു. പാ​ത്രി​യാ​ർ​ക്കീ​സ്​ ബാ​വാ​യു​ടെ ക​ൽ​പ​ന​ക്കു​പി​ന്നാ​ലെ, ​ന​ട​ന്ന ക്നാ​നാ​യ അ​സോ​സി​യേ​ഷ​ൻ യോ​ഗ​ത്തി​നു​ശേ​ഷം മാ​ധ്യ​മ​പ്ര​വ​ർ​ത്ത​ക​രോ​ട്​ സം​സാ​രി​ക്കു​ക​യാ​യി​രു​ന്നു സ​ഭ സെ​ക്ര​ട്ട​റി. സ​സ്​​പെ​ൻ​ഷ​ൻ ന​ട​പ​ടി​യും നി​ല​വി​ലെ സാ​ഹ​ച​ര്യ​ങ്ങ​ളും ചൂ​ണ്ടി​ക്കാ​ട്ടി ക്നാ​നാ​യ അ​സോ​സി​യേ​ഷ​ൻ പാ​ത്രി​യാ​ർ​ക്കീ​സ്​ ബാ​വാ​ക്ക്​ ക​ത്ത​യ​യ​ക്കും. ഇ​തി​നു മ​റു​പ​ടി ല​ഭി​ച്ച​ശേ​ഷം തു​ട​ർ​ന​ട​പ​ടി​ക​ൾ സ്വീ​ക​രി​ക്കും.

ഈ​മാ​സം 21ന്​ ​നി​ശ്ച​യി​ച്ചി​രു​ന്ന യോ​ഗം മാ​റ്റി​ല്ല. ഭ​ര​ണ​ഘ​ട​ന​പ്ര​കാ​രം ന​ട​പ​ടി​ക്ര​മ​ങ്ങ​ളെ​ല്ലാം പാ​ലി​ച്ചാ​ണ്​ യോ​ഗം വി​ളി​ച്ചി​രി​ക്കു​ന്ന​ത്​. വി​ദേ​ശ​ത്തെ​യ​ട​ക്കം പ്ര​തി​നി​ധി​ക​ൾ​ക്കെ​ല്ലാം നോ​ട്ടീ​സും ന​ൽ​കി​യി​രു​ന്നു. അ​വ​രി​ൽ പ​ല​രും നാ​ട്ടി​​ലേ​ക്ക്​ പു​റ​​പ്പെ​ട്ടു​ക​ഴി​ഞ്ഞു- അ​ദ്ദേ​ഹം പ​റ​ഞ്ഞു.

ഇ​തി​നി​ടെ, സ​സ്​​പെ​ൻ​ഷ​നെ​തി​രെ നി​യ​മ​ന​ട​പ​ടി​ക​ൾ സ്വീ​ക​രി​ക്കാ​നും കു​ര്യാ​ക്കോ​സ് മാ​ർ സേ​വേ​റി​യോ​സി​നെ അ​നു​കൂ​ലി​ക്കു​ന്ന ഔ​ദ്യോ​ഗി​ക വി​ഭാ​ഗം നീ​ക്കം തു​ട​ങ്ങി​യി​ട്ടു​ണ്ട്.