സ്വർണക്കടത്ത് കേസിൽ ഒത്തുതീർപ്പിന് ശ്രമമെന്ന് സ്വപ്ന സുരേഷ്; വൈകീട്ട് ലൈവിലൂടെ വിവരങ്ങൾ പുറത്തുവിടും

കോഴിക്കോട്: വിവാദമായ സ്വർണക്കടത്ത് കേസിൽ ഒത്തുതീർപ്പിന് ശ്രമമെന്ന് സ്വപ്ന സുരേഷ്. വൈകീട്ട് അഞ്ച് മണിക്ക് ഫേസ്ബുക്ക് ലൈവിലൂടെ വിവരങ്ങൾ പുറത്തുവിടുമെന്നും സ്വപ്ന വ്യക്തമാക്കി.

'സ്വർണക്കടത്ത് കേസിൽ ഒത്തുതീർപ്പ്. അതും എന്‍റെയടുത്ത്. വിവരങ്ങളുമായി ഞാൻ വൈകിട്ട് 5 മണിക്ക് ലൈവിൽ വരും'- എന്നാണ് സ്വപ്ന ഫേസ്ബുക്കിൽ കുറിച്ചത്.

ഉച്ചക്ക് 12.10ന് മലയാളത്തിലിട്ട പോസ്റ്റ് പിന്നീട് നീക്കം ചെയ്തിട്ടുണ്ട്.