മതവിദ്വേഷ പ്രസംഗം: സ്വാധി സരസ്വതിക്കെതിരെ ജാമ്യമില്ല വകുപ്പ് പ്രകാരം കേ​െസടുത്തു

ബദിയടുക്ക: മതവിദ്വേഷ പ്രസംഗം നടത്തിയ സംഭവത്തില്‍ വി.എച്ച്​.പി നേതാവ് സ്വാധി ബാലിക സരസ്വതിക്കെതിരെ ബദിയടുക്ക പൊലീസ് കേസെടുത്തു. ​െഎ.പി.സി 295 എ 153 , 506 വകുപ്പ്​ പ്രകാരം മതവിദ്വേഷ പ്രസംഗം, മതസ്പർധ, ഭീഷണിപ്പെടുത്തൽ എന്നിവക്കാണ്​ ജാമ്യമില്ല വകുപ്പ് പ്രകാരം കേസെടുത്തത്. ജില്ല പൊലീസ് മേധാവിക്ക് ഉളിയത്തടുക്കയിലെ നൗഫൽ നൽകിയ പരാതിയെ തുടര്‍ന്നാണ്​ കേസ് രജിസ്​റ്റര്‍ ചെയ്തത്.

ലവ്​ ജിഹാദുമായെത്തുന്നവരുടെ കഴുത്തുവെട്ടണമെന്നും പശുവിനെ കൊല്ലുന്നവരെ കഴുത്തറുക്കാൻ വാൾ വാങ്ങി വെക്കണമെന്നുമുള്ള ആഹ്വാനമാണ് പ്രസംഗത്തി​​​െൻറ ഉള്ളടക്കം. സ്വാധി ബാലിക സരസ്വതി എപ്രിൽ 27ന് ബദിയടുക്കയില്‍ നടന്ന വി.എച്ച്​.പി ഹിന്ദു സമാജോത്സവത്തിലാണ്​ വിവാദ പ്രസംഗം നടത്തിയത്. പ്രസംഗത്തിൽ വിദ്വേഷകരമായ പരാമര്‍ശങ്ങള്‍ നടത്തിയതിന് കേസെടുക്കാന്‍ വൈകുന്നതില്‍ പ്രതിഷേധം ഉയര്‍ന്നിരുന്നു. സി.പി.എം ഇതുസംബന്ധിച്ച് മുഖ്യമന്ത്രിക്ക് പരാതി നൽകിയിരുന്നു.