സ്വിച്ചുകൾ പ്രവർത്തിപ്പിക്കാനാകില്ല; സീറ്റ്​ ബെൽറ്റിൽ വിയോജിപ്പുമായി കെ.എസ്​.ആർ.ടി.സി ജീവനക്കാർ

തി​രു​വ​ന​ന്ത​പു​രം: കെ.​എ​സ്.​ആ​ർ.​ടി.​സി ബ​സു​ക​ളി​ൽ സീ​റ്റ്​ ബെ​ൽ​റ്റ്​ ഏ​ർ​പ്പെ​ടു​ത്താ​നു​ള്ള സ​ർ​ക്കാ​ർ തീ​രു​മാ​ന​​ത്തി​നെ​തി​രെ ജീ​വ​ന​ക്കാ​ർ. ​കെ.​എ​സ്.​ആ​ർ.​ടി.​സി​യി​ൽ ഭൂ​രി​ഭാ​ഗ​വും കാ​ല​പ്പ​ഴ​ക്കം ചെ​ന്ന ബ​സു​ക​ളാ​ണ്. ഈ ​സാ​ഹ​ച​ര്യ​ത്തി​ൽ ഓ​ട്ട​ത്തി​നി​ട​യി​ൽ പ്ര​വ​ർ​ത്തി​പ്പി​ക്കേ​ണ്ട പ​ല കാ​ര്യ​ങ്ങ​ളി​ലെ​യും പ്രാ​യോ​ഗി​ക ബു​ദ്ധി​മു​​ട്ടു​ക​ൾ ചൂ​ണ്ടി​ക്കാ​ട്ടി​യാ​ണ്​ ജീ​വ​ന​ക്കാ​രു​ടെ വി​യോ​ജി​പ്പ്. ഹോ​ണും ഡിം ​ആ​ൻ​ഡ്​​ ബ്രൈ​റ്റും ലൈ​റ്റും വൈ​പ്പ​റു​മെ​ല്ലാം ഒ​റ്റ കോ​മ്പി​നേ​ഷ​ൻ സ്വി​ച്ചി​ൽ ഉ​ൾ​പ്പെ​ടു​ത്തി​യാ​ണ്​ ബ​സു​ക​ൾ നി​ര​ത്തി​ലി​റ​ങ്ങു​ന്ന​ത്. കാ​ല​പ്പ​ഴ​ക്കം മൂ​ലം ഭൂ​രി​ഭാ​ഗം ബ​സു​ക​ളി​ലും കോ​മ്പി​നേ​ഷ​ൻ സ്വി​ച്ച്​ പ്ര​വ​ർ​ത്ത​ന​ര​ഹി​ത​മാ​ണ്. ഓ​രോ ഓ​പ്​​ഷ​നും ത​ക​രാ​റാ​ലാ​കു​മ്പോ​ൾ ഇ​തി​ന്‍റെ വ​യ​ർ കോ​മ്പി​നേ​ഷ​ൻ സ്വി​ച്ചി​ൽ നി​ന്ന്​ ഇ​ള​ക്കി മാ​റ്റി പ്ര​ത്യേ​കം സ്വി​ച്ച് വാ​ങ്ങി മു​ന്നി​ലെ​വി​ടെ​യെ​ങ്കി​ലും ഘ​ടി​പ്പി​ച്ച്​ ബ​ദ​ൽ സം​വി​ധാ​ന​മൊ​രു​ക്കു​ക​യാ​ണ്​ ചെ​യ്യു​ന്ന​ത്.

ഇ​ത്ത​ര​ത്തി​ൽ ലൈ​റ്റി​നും ഹോ​ണി​നും വൈ​പ്പ​റി​നു​മെ​ല്ലാം പ്ര​ത്യേ​കം സ്വി​ച്ചു​ക​ളാ​ണ്​ അ​ധി​കം ബ​സു​ക​ളി​ലും. ഡ്രൈ​വി​ങ്ങി​നി​ടെ, സീ​റ്റി​ൽ നി​ന്ന്​ മു​ന്നോ​ട്ടാ​ഞ്ഞാ​ണ്​ ഇ​വ പ്ര​വ​ർ​ത്തി​പ്പി​ക്കു​ക. എ​ന്നാ​ൽ സീ​റ്റ്​ ബെ​ൽ​റ്റ്​ നി​ർ​ബ​ന്ധ​മാ​കു​ന്ന​തോ​ടെ സീ​റ്റ്​ ബെ​ൽ​റ്റ്​ ധ​രി​ച്ച്​ ഈ ​സ്വി​ച്ചു​ക​ൾ പ്ര​വ​ർ​ത്തി​പ്പി​ക്കാ​ൻ ക​ഴി​യി​ല്ലെ​ന്നാ​ണ്​ ഡ്രൈ​വ​ർ​മാ​ർ ചൂ​ണ്ടി​ക്കാ​ട്ടു​ന്ന​ത്. സീ​റ്റ്​ ബെ​ൽ​റ്റി​ന്​ എ​തി​ര​ല്ലെ​ന്നും എ​ന്നാ​ൽ, പ്രാ​യോ​ഗി​ക ബു​ദ്ധി​മു​ട്ടു​ക​ൾ പ​രി​ഹ​രി​ച്ച ശേ​ഷം പ​രി​ഷ്കാ​രം ഏ​ർ​പ്പെ​ടു​ത്ത​ണ​മെ​ന്നു​മാ​ണ്​ ഇ​വ​രു​ടെ ആ​വ​ശ്യം. കെ.​എ​സ്.​ആ​ർ.​ടി.​സി​യി​ലെ ഭ​ര​ണാ​നു​കൂ​ല സം​ഘ​ട​ന​യാ​യ എ.​ഐ.​ടി.​യു.​സി ത​ന്നെ ഈ ​വി​ഷ​യ​ത്തി​ൽ പ്ര​ക​തി​ക​ര​ണ​വു​മാ​യി രം​ഗ​ത്തെ​ത്തി​യി​ട്ടു​ണ്ട്. സെ​പ്​​റ്റം​ബ​ർ ഒ​ന്നു മു​ത​ൽ സീ​റ്റ്​ ബെ​ൽ​റ്റ്​ നി​ർ​ബ​ന്ധ​മാ​ക്കാ​നു​ള്ള തീ​രു​മാ​ന​വു​മാ​യി മാ​നേ​ജ്​​മെ​ന്‍റും ഗ​താ​ഗ​ത വ​കു​പ്പും മു​ന്നോ​ട്ടു​പോ​കു​മ്പോ​ഴാ​ണ്​ ഈ ​വി​യോ​ജി​പ്പ്. കെ.​എ​സ്.​ആ​ർ.​ടി.​സി​ക്ക്​ ആ​കെ 5000 ബ​സു​ക​ളാ​ണു​ള്ള​ത്. ഡ്രൈ​വ​ർ സീ​റ്റി​നു​ പു​റ​മെ, മ​റു​വ​ശ​ത്തെ മു​ന്നി​ലെ സീ​റ്റി​ലും ​സീ​റ്റ്​ ബെ​ൽ​റ്റ്​ ഏ​ർ​പ്പെ​ടു​ത്തേ​ണ്ടി വ​രും. ഫ​ല​ത്തി​ൽ 1000 സീ​റ്റു​ക​ളാ​ണ്​ പ​രി​ഷ്ക​രി​ക്കേ​ണ്ടി വ​രി​ക. ര​ണ്ട് സീ​റ്റ് ബെ​ൽ​റ്റി​നും കൂ​ടി ശ​രാ​ശ​രി 1000 രൂ​പ​യാ​ണ്​ ചെ​ല​വ്.

സീ​റ്റ്​ ബെ​ൽ​റ്റ്​ നി​ർ​ബ​ന്ധ​മാ​ക്കു​ന്ന​തി​നൊ​പ്പം ഡ്രൈ​വ​ർ​മാ​ർ നേ​രി​ടു​ന്ന പ്രാ​യോ​ഗി​ക അ​സൗ​ക​ര്യ​ങ്ങ​ൾ​ക്കു​കൂ​ടി പ​രി​ഹാ​രം കാ​ണ​ണ​മെ​ന്ന്​ കേ​ര​ള സ്​​റ്റേ​റ്റ്​ ട്രാ​ൻ​സ്​​പോ​ർ​ട്ട്​ എം​​പ്ലോ​യീ​സ്​ യൂ​നി​യ​ൻ (എ.​​ഐ.​ടി.​യു.​സി) ജ​ന​റ​ൽ സെ​ക്ര​ട്ട​റി എം.​ജി. രാ​ഹു​ൽ ആവശ്യപ്പെട്ടു.

തിങ്കളാഴ്ച ലക്ഷ്യമിട്ടത്​ ഒമ്പത് കോടി, കിട്ടിയത്​ 7.39 കോടി

തി​രു​വ​ന​ന്ത​പു​രം: അ​വ​ധി ദി​വ​സ​ങ്ങ​ൾ ക​ഴി​ഞ്ഞു​ള്ള ആ​ദ്യ പ്ര​വൃ​ത്തി ദി​ന​മാ​യ ഇ​ക്ക​ഴി​ഞ്ഞ തി​ങ്ക​ളാ​ഴ്​​ച ക​ല​ക്​​ഷ​ൻ ഒ​മ്പ​ത്​ കോ​ടി​യി​ലെ​ത്തി​ക്കാ​നു​ള്ള കെ.​എ​സ്.​ആ​ർ.​ടി.​സി​യു​ടെ ദൗ​ത്യം ല​ക്ഷ്യം ക​ണ്ടി​ല്ല.

5000 ബ​സു​ക​ളും നി​ര​ത്തി​ലി​റ​ക്കാ​നു​ള്ള ശ്ര​മ​വും വി​ജ​യി​ച്ചി​ല്ല. ഒ​മ്പ​ത്​ കോ​ടി രൂ​പ ല​ക്ഷ്യ​മാ​ക്കി​യി​റ​ങ്ങി​യ കെ.​എ​സ്.​ആ​ർ.​ടി.​സി​ക്ക് 7.39 കോ​ടി​യാ​ണ്​ അ​കൗ​ണ്ടി​ലെ​ത്തി​ക്കാ​നാ​യ​ത്. 4485 ബ​സു​ക​ളാ​ണ്​ തി​ങ്ക​ളാ​ഴ്ച ഓ​പ​റേ​റ്റ്​ ചെ​യ്​​ത​ത്. മ​റ്റ്​ ദി​വ​സ​ങ്ങ​ളെ അ​പേ​ക്ഷി​ച്ച്​ വ​രു​മാ​നം വ​ർ​ധി​ച്ചെ​ന്ന​താ​ണ്​ ആ​ശ്വാ​സം. മെ​ഡി​ക്ക​ൽ ലീ​വ്​ ഒ​ഴി​കെ അ​വ​ധി​ക​ളൊ​ന്നും അ​നു​വ​ദി​ക്കാ​തെ​യും എ​ല്ലാ യൂ​നി​റ്റു​ക​ളി​ലും പ്ര​ത്യേ​കം ആ​ക്​​ഷ​ൻ പ്ലാ​ൻ ത​യാ​റാ​ക്കി​യു​മെ​ല്ലാ​മാ​യി​രു​ന്നു തി​ങ്ക​ളാ​ഴ്​​ച​യി​ലെ ഓ​പ​റേ​ഷ​ൻ.

27,740 ട്രി​പ്പു​ക​ളാ​ണ്​ തി​ങ്ക​ളാ​ഴ്ച ന​ട​ത്തി​യ​ത്. 20 ല​ക്ഷം യാ​ത്ര​ക്കാ​ർ​ തി​ങ്ക​ളാ​ഴ്ച കെ.​എ​സ്.​ആ​ർ.​ടി.​സി​യെ ആ​ശ്ര​യി​​ച്ചെ​ന്നാ​ണ്​ ക​ണ​ക്ക്. 3.36 ല​ക്ഷം ലി​റ്റ​ർ ഡീ​സ​ൽ ചെ​ല​വി​ട്ട്​ 15 ല​ക്ഷം കി​ലോ​മീ​റ്റ​റി​ലാ​യി​രു​ന്നു ആ​കെ സ​ർ​വി​സു​ക​ൾ. ഒ​രു കി​ലോ​മീ​റ്റ​റി​ൽ നി​ന്ന്​ 4511 രൂ​പ ശ​രാ​ശ​രി വ​രു​മാ​നം.