സഹതാപം + ഭരണവിരുദ്ധ വികാരം = റെക്കോഡ്​ ഭൂരിപക്ഷം

തി​രു​വ​ന​ന്ത​പു​രം: ര​ണ്ടു പ​ക​ലും രാ​വും നീ​ണ്ട വി​ലാ​പ​യാ​ത്ര. അ​തി​തീ​വ്ര വി​കാ​ര​പ്ര​ക​ട​ന​ങ്ങ​ൾ​ക്ക്​ മു​ന്നി​ലു​ട​നീ​ളം കൈ​കൂ​പ്പി നി​ന്ന ചാ​ണ്ടി ഉ​മ്മ​ൻ. പു​തു​പ്പ​ള്ളി ഉ​പ​തെ​ര​ഞ്ഞെ​ടു​പ്പ്​ ഫ​ലം എ​ന്താ​യി​രി​ക്കു​മെ​ന്ന​ത്​ അ​ന്നേ വ്യ​ക്ത​മാ​യി​രു​ന്നു. അ​പ്പോ​ഴും പു​തു​പ്പ​ള്ളി ഉ​പ​തെ​ര​ഞ്ഞെ​ടു​പ്പ്​ ഭ​ര​ണ​ത്തി​ന്‍റെ വി​ല​യി​രു​ത്ത​ലാ​കു​മെ​ന്ന്​ ആ​വ​ർ​ത്തി​ച്ച്​ പ​റ​ഞ്ഞു സി.​പി.​എം സം​സ്ഥാ​ന സെ​ക്ര​ട്ട​റി എം.​വി. ഗോ​വി​ന്ദ​ൻ. റെ​ക്കോ​ഡ്​ ഭൂ​രി​പ​ക്ഷ​ത്തി​ൽ ചാ​ണ്ടി ഉ​മ്മ​ൻ ജ​യി​ച്ചു​നി​ൽ​ക്കു​മ്പോ​ഴും ​എം.​വി. ഗോ​വി​ന്ദ​ൻ അ​തു​ത​ന്നെ പ​റ​യു​ന്നു. ഇ​ത്​ ഭ​ര​ണ​ത്തി​ന്‍റെ വി​ല​യി​രു​ത്ത​ൽ ത​ന്നെ. ഇ​ട​ത്​ അ​ടി​ത്ത​റ ത​ക​ർ​ന്നി​ട്ടി​ല്ല. പ​ക്ഷേ, സ​ർ​ക്കാ​റി​നോ​ട്​ ജ​ന​ങ്ങ​ൾ​ക്ക് മ​തി​പ്പാ​​ണെ​ന്ന ഗോ​വി​ന്ദ​ന്‍റെ കാ​പ്സ്യൂ​ളി​ന്​ വീ​ര്യം പോ​ര. അ​ര​നൂ​റ്റാ​ണ്ടി​ലേ​റെ കോ​ൺ​ഗ്ര​സ്​ കൈ​വ​ശം വെ​ക്കു​ന്ന മ​ണ്ഡ​ല​ത്തി​ലെ ഉ​പ​തെ​ര​ഞ്ഞെ​ടു​പ്പ്​ ഭ​ര​ണ​ത്തി​ന്‍റെ വി​ല​യി​രു​ത്ത​ലെ​ന്ന്​​ പ്ര​ഖ്യാ​പി​ച്ച​തു​​ത​ന്നെ അ​തി​രു​ക​ട​ന്ന സാ​ഹ​സി​ക​ത​യാ​യി​രു​ന്നു.

വ​മ്പ​ൻ പ​രാ​ജ​യ​ത്തി​ന​ശേ​ഷ​വും പാ​ർ​ട്ടി സെ​ക്ര​ട്ട​റി അ​ത്​ ആ​വ​ർ​ത്തി​ക്കു​​മ്പോ​ൾ പാ​ർ​ട്ടി​ക്കും ഭ​ര​ണ​ത്തി​നു​മി​ട​യി​ൽ രൂ​പ​പ്പെ​ടു​ന്ന കാ​ർ​മേ​ഘ​ങ്ങ​ളു​ടെ സൂ​ച​ന​ക​ൾ വാ​യി​ച്ചെ​ടു​ക്കു​ന്ന​വ​രു​മു​ണ്ട്. അ​ര നൂ​റ്റാ​ണ്ടി​ലേ​റെ​യാ​യി ഉ​മ്മ​ൻ ചാ​ണ്ടി​യാ​ണ്​ ജ​യി​ച്ചു​വ​രു​ന്ന​തെ​ങ്കി​ലും പു​തു​പ്പ​ള്ളി കോ​ൺ​ഗ്ര​സ്​ കേ​ന്ദ്ര​മ​ല്ല. എ​ട്ടി​ൽ ആ​റു പ​ഞ്ചാ​യ​ത്തും ഇ​ട​തു​പ​ക്ഷം ഭ​രി​ക്കു​ന്ന പു​തു​പ്പ​ള്ളി​യി​ൽ സം​ഘ​ട​നാ സം​വി​ധാ​ന​ങ്ങ​ളു​ള്ള​ത്​ ​ഇ​ട​തു​പ​ക്ഷ​ത്തി​നാ​ണ്. ​കോ​ൺ​ഗ്ര​സി​ന്​ അ​വി​ടെ ച​ലി​ക്കു​ന്ന സം​ഘ​ട​ന സം​വി​ധാ​ന​ങ്ങ​ളി​ല്ല. പ​ക​രം ഉ​ണ്ടാ​യി​രു​ന്ന​ത്​ വോ​ട്ട​ർ​മാ​രോ​ട്​ മു​ഴു​വ​ൻ വ്യ​ക്തി​ബ​ന്ധ​മു​ള്ള ഉ​മ്മ​ൻ ചാ​ണ്ടി​യെ​ന്ന നേ​താ​വ്​ മാ​ത്ര​മാ​യി​രു​ന്നു. അ​തു​കൊ​ണ്ടു​ത​ന്നെ ഉ​മ്മ​ൻ ചാ​ണ്ടി​യി​ല്ലാ​ത്ത തെ​ര​ഞ്ഞെ​ടു​പ്പി​ൽ സി.​പി.​എ​മ്മി​ന്‍റെ നി​ല അ​ൽ​പ​മെ​ങ്കി​ലും മെ​ച്ച​പ്പെ​ടു​ക​യാ​ണ്​ വേ​ണ്ട​ത്. സ​ഹ​താ​പം ആ​ഞ്ഞ​ടി​ച്ചാ​ൽ​പോ​ലും മു​മ്പ​ത്തെ നി​ല​യി​ൽ പി​ടി​ച്ചു​നി​ൽ​ക്കാ​ൻ ക​ഴി​യ​ണം. ര​ണ്ടു​ത​വ​ണ ഉ​മ്മ​ൻ ചാ​ണ്ടി​യെ നേ​രി​ട്ട്​ ക​ഴി​ഞ്ഞ ത​വ​ണ ഭൂ​രി​പ​ക്ഷ കു​ത്ത​നെ കു​റ​ച്ച ജെ​യ്ക്ക് സി. ​തോ​മ​സ്​ സി.​പി.​എ​മ്മി​ന്​ നി​ർ​ത്താ​വു​ന്ന​തി​ൽ മി​ക​ച്ച സ്ഥാ​നാ​ർ​ഥി​യാ​ണ്.

എ​ന്നി​ട്ടും ഒ​രു ബൂ​ത്തി​ലൊ​ഴി​കെ എ​ല്ലാ​യി​ട​ത്തും പി​ന്നി​ൽ​പോ​യ, 12,000 ത്തി​ൽ​പ​രം വോ​ട്ട്​ ചോ​ർ​ച്ച​യു​ടെ ക​ന​ത്ത തി​രി​ച്ച​ടി​യാ​ണ്​ ഫ​ലം. ചാ​ണ്ടി ഉ​മ്മ​ന്‍റെ വി​ജ​യം സ​ഹ​താ​പ ത​രം​ഗം മാ​ത്ര​മെ​ന്നാ​ണ്​ സി.​പി.​എം വി​ശ​ദീ​ക​ര​ണം. പ്ര​ധാ​ന കാ​ര​ണം സ​ഹ​താ​പ ത​രം​ഗം​ത​ന്നെ. എ​ന്നാ​ൽ, ഭൂ​രി​പ​ക്ഷം റെ​ക്കോ​ഡി​ലെ​ത്തി​യ​തി​ന്​ കാ​ര​ണം സ​ഹ​താ​പം മാ​ത്ര​മ​ല്ല. 37,779 എ​ന്ന ഭൂ​രി​പ​ക്ഷ​ത്തി​ൽ ഭ​ര​ണ​വി​രു​ദ്ധ വി​കാ​ര​വു​മു​ണ്ട്. വെ​ള്ള​ക്ക​രം, വൈ​ദ്യു​തി നി​ര​ക്ക്​ വ​ർ​ധ​ന, ര​ണ്ടു​രൂ​പ ഇ​ന്ധ​ന സെ​സ് എ​ന്നി​വ​യോ​ടു​ള്ള സാ​ധാ​ര​ണ​ക്കാ​ര​ന്‍റെ പ്ര​തി​ക​ര​ണം ബാ​ല​റ്റി​ൽ പ്ര​തി​ഫ​ലി​ച്ചി​ട്ടു​ണ്ട്. ​മു​ൻ​വ​ർ​ഷ​ങ്ങ​ളി​ലെ വോ​ട്ട്​ ക​ണ​ക്കെ​ടു​ത്തു​വെ​ച്ച്​ അ​ടി​ത്ത​റ ത​ക​ർ​ന്നി​ല്ലെ​ന്നു​ സി.​പി.​എ​മ്മി​ന്​ വാ​ദി​ച്ചു​നി​ൽ​ക്കാം. പ​ക്ഷേ, അ​തി​ൽ വി​ശ്വ​സി​ച്ച്​ അ​വ​ർ​ക്ക്​ മു​ന്നോ​ട്ടു​പോ​കാ​നാ​കി​ല്ല. മാ​സ​ങ്ങ​ൾ​ക്ക​കം ന​ട​ക്കാ​നി​രി​ക്കു​ന്ന ലോ​ക്സ​ഭ തെ​ര​ഞ്ഞെ​ടു​പ്പി​ൽ പു​തു​പ്പ​ള്ളി വി​ജ​യം യു.​ഡി.​എ​ഫി​ന്​​ ആ​വേ​ശ​മാ​കു​മെ​ന്നു​റ​പ്പ്. തു​ട​ർ​ഭ​ര​ണ​ത്തി​ൽ ത​ക​ർ​ന്നു​പോ​യ ആ​ത്മ​വി​ശ്വാ​സം തൃ​ക്കാ​ക്ക​ര​യി​ൽ തി​രി​ച്ചു​പി​ടി​ച്ച​ത്​ പു​തു​പ്പ​ള്ളി​യി​ൽ പു​തു​ക്കി ​പ്ര​തി​പ​ക്ഷം. എ​ൽ.​ഡി.​എ​ഫി​നെ സം​ബ​ന്ധി​ച്ച്​ ക​ണ്ണു​തു​റ​പ്പി​ക്കു​ന്ന മു​ന്ന​റി​യി​പ്പാ​ണി​ത്​.