സീറോ മലബാർ സഭക്ക് ഹൈദരാബാദിലും  തമിഴ്നാട്ടിലും പുതിയ രൂപതകൾ

തിരുവനന്തപുരം: സീറോ മലബാർ സഭക്ക് ഹൈദരാബാദിലും  തമിഴ്നാട്ടിലെ ഹോസൂരിലും പുതിയ രൂപതകൾ പ്രഖ്യാപിച്ചു. തൃശൂർ അതിരൂപത സഹായമെത്രാൻ മാർ റാഫേൽ തട്ടിലാണ് ഹൈദരാബാദിലെ ഷംഷാബാദ് രൂപതയുടെ പ്രഥമ മെത്രാൻ . ഇരിങ്ങാലക്കുട രൂപതയിലെ മുഖ്യ വികാരി ജനറാൾ മോൺസിഞ്ഞോർ ജോബി പൊഴേലി പറമ്പിലാണ് ഹോസൂർ രൂപതയുടെ പ്രഥമ മെത്രാൻ. 

രൂപത പ്രഖ്യാപനവും  ബിഷപ്പുമാരുടെ നിയമന അറിയിപ്പും തൃശൂർ, ഇരിങ്ങാലക്കുട കത്തീഡ്രലുകളിൽ വായിച്ചു. ഏഴര വർഷമായി മാർ റാഫേൽ തട്ടിൽ തൃശൂരിൽ സഹായമെത്രാനാണ്. തൃശൂർ വ്യാകുലമാതാവിൻ ബസിലിക്ക ഇടവകാംഗമാണ്. മോൺസിഞ്ഞോർ ജോബി പൊഴോലിപറമ്പിൽ മാള പുത്തൻവേലിക്കര ഇടവകാംഗമാണ്.