യുദ്ധാനുഭവങ്ങൾ പങ്കുവെച്ച് ടി. മാധവൻ നമ്പ്യാർ; ഇന്ദിരാ ഗാന്ധി ഭക്ഷണം​ വാരിത്തന്നു

മാ​ഹി: ബം​ഗ്ലാ​ദേ​ശി​നെ സ്വ​ത​ന്ത്ര​മാ​ക്കു​ന്ന​തി​നാ​യി പാ​ക്കി​സ്താ​നെ​തി​രെ ഇ​ന്ത്യ​ൻ സൈ​ന്യം 1971ൽ ​ന​ട​ത്തി​യ യു​ദ്ധ​ത്തി​ന്റെ അ​നു​ഭ​വ​ങ്ങ​ൾ പ​ങ്കു​വെ​ച്ച് പ​ള്ളൂ​രി​ലെ പാ​ലോ​ള്ള​തി​ൽ ടി. ​മാ​ധ​വ​ൻ ന​മ്പ്യാ​ർ. ഇ​ന്ത്യ​ൻ ക​ര​സേ​ന​യി​ൽ വ​യ​ർ​ല​സ് ഓ​പ​റേ​റ്റ​റാ​യി വെ​സ്റ്റ് ബം​ഗാ​ൾ സി​ലി​കു​ടി ക്യാ​മ്പി​ൽ ജോ​ലി ചെ​യ്യു​ന്ന കാ​ല​ത്താ​യി​രു​ന്നു ഇ​ന്ത്യ ഗ​വ​ൺ​മെ​ന്റി​ന്റെ യു​ദ്ധാ​ഹ്വാ​നം.

ബം​ഗ്ലാ​ദേ​ശി​നെ സ്വ​ത​ന്ത്ര​മാ​ക്കാ​നാ​യി പാ​ക്കി​സ്ഥാ​നെ​തി​രെ​നീ​ങ്ങി​യ ഇ​ന്ത്യ​ൻ സേ​ന​യി​ൽ താ​നും ഉ​ണ്ടാ​യി​രു​ന്നു. ഒ​രാ​ഴ്ച നീ​ണ്ട യു​ദ്ധ​ത്തി​ൽ പ​ങ്കെ​ടു​ത്ത ത​നി​ക്ക് ഭീ​ക​ര​മാ​യ ആ​ക്ര​മ​ണ​ത്തി​ൽ ഇ​രു കൈ​ക​ൾ​ക്കും കാ​ലി​നും ത​ല​ക്കും മാ​ര​ക​മാ​യ പ​രു​ക്കു​പ​റ്റി. നാ​ലു നാ​ൾ ക​ഴി​ഞ്ഞ് ബോ​ധം വ​ന്ന​പ്പോ​ൾ ബം​ഗാ​ളി​ലെ ബി​ച്ച് ആ​ശു​പ​ത്രി​യി​ലാ​യി​രു​ന്നു. ഒ​രു മാ​സ​ത്തി​നു ശേ​ഷം വി​ദ​ഗ്ധ ചി​കി​ത്സ​ക്കാ​യി അ​ല​ഹ​ബാ​ദ് മി​ലി​ട്ട​റി ആ​ശു​പ​ത്രി​യി​ലേ​ക്ക് മാ​റ്റി.

പ​രി​ക്കേ​റ്റ സൈ​നി​ക​രു​ടെ ക്ഷേ​മം അ​ന്വേ​ഷി​ക്കാ​നാ​യി മു​ൻ പ്ര​ധാ​ന​മ​ന്ത്രി ഇ​ന്ദി​രാ ഗാ​ന്ധി നേ​രി​ട്ട് ആ​ശു​പ​ത്രി​യി​ലെ​ത്തി മ​ണി​ക്കൂ​റു​ക​ളോ​ളം ചെ​ല​വ​ഴി​ച്ചി​രു​ന്നു.

എ​നി​ക്ക് ര​ണ്ടു​കൈ​യും അ​ന​ക്കാ​ൻ പ​റ്റാ​ത്ത അ​വ​സ്ഥ മ​ന​സ്സി​ലാ​ക്കി​യ ഇ​ന്ദി​രാ ഗാ​ന്ധി ഭ​ക്ഷ​ണം വാ​രി​ത്ത​ന്ന രം​ഗം ഇ​പ്പോ​ഴും ഓ​ർ​ക്കു​ക​യാ​ണെ​ന്ന് വി​കാ​ര​ഭ​രി​ത​നാ​യി മാ​ധ​വ​ൻ ന​മ്പ്യാ​ർ പ​റ​ഞ്ഞു. പി​ന്നീ​ട് ര​ണ്ട് വ​ർ​ഷ​ത്തോ​ളം പുണെ മി​ലി​ട്ട​റി ആ​ശു​പ​ത്രി​യി​ലെ ചി​കി​ത്സ​ക്കു ശേ​ഷം 1973 ൽ ​മി​ല​ട്ട​റി മെ​ഡി​ക്ക​ൽ ബോ​ർ​ഡി​ന്റെ നി​ർ​ദേ​ശാ​നു​സ​ര​ണം വി​ര​മി​ക്കു​ക​യാ​യി​രു​ന്നു. 21 വ​ർ​ഷ​ത്തോ​ളം കേ​ര​ള റ​വ​ന്യൂ സ​ർ​വി​സി​ൽ ക്ല​ർ​ക്കാ​യി ജോ​ലി ചെ​യ്തു.

എ​ഴ് വ​ർ​ഷ​ത്തോ​ളം മി​ലി​ട്ട​റി​യി​ൽ ജോ​ലി ചെയ്ത ഇ​ദ്ദേ​ഹ​ത്തി​ന് മി​ലി​ട്ട​റി​യു​ടെ ഡി​സ്എ​ബി​ലി​റ്റി പെ​ൻ​ഷ​നും കേ​ര​ള സ​ർ​വി​സ് പെ​ൻ​ഷ​നും ല​ഭി​ക്കു​ന്നു​ണ്ട്. ഭാ​ര്യ സ​തി ദേ​വി​യു​ടെ​യും മ​ക​ളു​ടെ​യും കൂ​ടെ പ​ള്ളൂ​രി​ലെ വീ​ട്ടി​ലാ​ണ്​ ഇ​പ്പോ​ൾ താ​മ​സം. യു​ദ്ധ​ത്തി​ൽ രാ​ജ്യം വി​ജ​യം നേ​ടി​യ​തി​ന്റെ ആ​ഹ്ലാ​ദം പ​ങ്കു​വെ​ക്കു​ന്ന വി​ജ​യ് ദി​വ​സ​മാ​യ ഡി​സം​ബ​ർ 16ന് ​മാ​ധ​വ​ൻ ന​മ്പ്യാ​രെ പ്രി​യ​ദ​ർ​ശി​നി യു​വ​കേ​ന്ദ്ര പ്ര​വ​ർ​ത്ത​ക​ർ വീ​ട്ടി​ലെ​ത്തി ആ​ദ​രി​ച്ചു. പ്രി​യ​ദ​ർ​ശി​നി മെ​മ്മോ​റി​യ​ൽ ട്ര​സ്റ്റ് ചെ​യ​ർ​മാ​ൻ സ​ത്യ​ൻ കേ​ളോ​ത്ത് ഷാ​ള​ണി​യി​ച്ച് ആ​ദ​രി​ച്ചു. കെ.​വി. ഹ​രീ​ന്ദ്ര​ൻ, രാ​ജ​ൻ കെ. ​പ​ള്ളൂ​ർ, കെ.​പി. ഉ​ദ​യ​കു​മാ​ർ, ശി​വ​ൻ തി​രു​വ​ങ്ങാ​ട​ൻ, കെ. ​സു​ജി​ത്ത്, കെ.​ജി. പ്ര​ദീ​പ​ൻ, ബാ​ല​കൃ​ഷ​ണ​ൻ എ​ന്നി​വ​ർ സം​ബ​ന്ധി​ച്ചു.