പാലാരിവട്ടം പാലം: സൂരജടക്കം മൂന്ന്​ പ്രതികളുടെ ജാമ്യ​ാേപക്ഷ തള്ളി

കൊച്ചി: പാലാരിവട്ടം മേൽപാലം അഴിമതി കേസിൽ മുൻ പൊതുമരാമത്ത്​ സെക്രട്ടറി ടി.ഒ. സൂരജ്​ അടക്കം മൂന്ന്​ പ്രതികളുട െ ജാമ്യഹരജി ഹൈകോടതി തള്ളി. നാലാം പ്രതി സൂരജിന്​ പുറമെ ഒന്നാം പ്രതി ആർ.ഡി.എസ് പ്രോജക്ട്സ് എം. ഡി സുമിത് ഗോയൽ, രണ്ടാം പ്രതി റോഡ്സ് ആൻഡ് ബ്രിഡ്ജസ് ഡെവലപ്മ​െൻറ് കോർപറേഷൻ അഡീ. ജനറൽ മാനേജർ എം.ടി. തങ്കച്ചൻ എന്നിവരുടെ ജാമ്യ ഹരജിയാണ്​ ജസ്​റ്റിസ്​ സുനിൽ തോമസ്​ തള്ളിയത്​. മൂന്നാം പ്രതി കിറ്റ്കോ മുൻ ജോ. ജനറൽ മാനേജർ ബെന്നി പോളിന്​ ഉപാധികളോടെ ജാമ്യം അനുവദിച്ചു.

പ്രതികൾക്കെതിരായ ആരോപണങ്ങൾ ഏറെ ഗൗരവമുള്ളതാണെന്ന്​ വിലയിരുത്തിയാണ്​ കോടതി ഉത്തരവ്​. സാമ്പത്തിക നേട്ടത്തിന്​ വേണ്ടി നിർമാണ ഗുണനിലവാരത്തിൽ അപകടകരമായ വിട്ടുവീഴ്​ച ചെയ്​തിട്ടുണ്ടെന്ന്​​ പ്രഥമദൃഷ്​ട്യാ രേഖകളിൽനിന്ന്​ വ്യക്​തമാണ്​​. ഉത്തരവാദികളായ എല്ലാവരെയും കണ്ടെത്തണം-സിംഗിൾ ബെഞ്ച്​ വ്യക്​തമാക്കി. അന്വേഷണം സുപ്രധാന ഘട്ടത്തിലാണെന്നും പ്രതികളെ ജാമ്യത്തിൽ വിട്ടാൽ അന്വേഷണത്തെ ബാധിക്കാനിടയുണ്ടെന്നുമുള്ള പ്രോസിക്യൂഷൻ വാദം അംഗീകരിച്ചാണ്​ കോടതി മൂന്ന്​ പേരുടെയും ജാമ്യഹരജി തള്ളിയത്​. ലഭിച്ച മൂന്ന്​ ടെൻഡറുകളും സാ​ങ്കേതികമായി വിലയിരുത്തി അർഹത പരിശോധിക്കാതെ അനുമതി നൽകിയെന്നതല്ലാതെ മറ്റ്​ ഗൗരവതരമായ ആരോപണങ്ങളില്ലെന്ന്​ വിലയിരുത്തിയാണ്​ മൂന്നാം പ്രതിക്ക്​ ജാമ്യം അനുവദിച്ചത്​.

​പ്രതികൾ തമ്മിൽ ഗൂഢാലോചന നടത്തി പൊതുഖജനാവിന്​ നഷ്​ടമുണ്ടാക്കുകയും കരാറുകാരന്​ അനർഹമായ ലാഭമുണ്ടാക്കുകയും​ ചെയ്​തു, പദ്ധതിയുടെ സ്വഭാവം കരാറുകാരുടെ താൽപര്യത്തിനനുസരിച്ച്​ മാറ്റി. അപാകതകളുള്ള ടെൻഡറായിട്ടും ആർ.ഡി.എസിന്​ കരാർ നൽകി. ഇവർക്ക്​ തന്നെ കരാർ ഉറപ്പിച്ചു നൽകാനായി ടെൻഡർ രജിസ്​റ്ററിലും രേഖകളിലും കൃത്രിമം നടത്തി കുറഞ്ഞ ടെൻഡർ തുകയാക്കി മാറ്റി. വ്യവസ്​ഥയില്ലാതിരുന്നിട്ടും കരാർ കമ്പനിക്ക്​ മൊബിലൈസേഷൻ ഫണ്ടായി എട്ട്​ കോടി മുൻകൂർ അനുവദിച്ചു തുടങ്ങിയ കാര്യങ്ങളാണ്​ അന്വേഷണത്തിൽ കണ്ടെത്തിയത്​. 2019 ആഗസ്​റ്റ്​ 30ന്​ അറസ്​റ്റിലായത്​ മുതൽ കസ്​റ്റഡിയിലാണെന്നും ഇനിയും തടങ്കൽ ആവശ്യമില്ലാത്തതിനാൽ ജാമ്യം അനുവദിക്കണമെന്നുമായിരുന്നു ഹരജിക്കാരുടെ ആവശ്യം.

പ്രധാന ആരോപണം നേരിടുന്ന ഒന്നാം പ്രതിയാണ്​ മൊ​ബിലൈസേഷൻ അഡ്വാൻസ്​ ലഭിച്ചതി​​െൻറ ഗുണഭോക്താവെന്നും ഏറെ സ്വാധീനവും രാജ്യത്താകെ ആഴത്തിൽ ബന്ധങ്ങളുള്ളയാളാണെന്നുമുള്ള​ പ്രോസിക്യൂഷൻ വാദം കോടതി പരിഗണിച്ചു. അന്വേഷണം പുരോഗമിക്കുന്നുണ്ടെങ്കിലും സർക്കാർ സ്​ഥാപനങ്ങളിലെയും മറ്റ്​ ഏജൻസികളിലെയും ഉദ്യോഗസ്​ഥരടക്കം ഒ​ട്ടേറെ പേരെ ചോദ്യം​ ​െചയ്യാനിരിക്കെ ഒന്നാം പ്രതിക്ക്​ ജാമ്യം നൽകിയാൽ ഇവർ സ്വാധീനിക്കപ്പെടാനും ​േകസ്​ അട്ടിമറിക്കപ്പെടാനും സാധ്യതയുണ്ടെന്ന വാദവും കോടതി കണക്കിലെടുത്തു. പൊതുമരാമത്ത്​ സെക്രട്ടറിയായിരുന്ന നാലാം​ പ്രതി സൂരജിനെതിരെ ഒന്നാം പ്രതി​ക്ക്​ നേട്ടമുണ്ടാക്കാൻ കഴിയുന്ന വിധം പ്രവർത്തിച്ചെന്ന ഗൗരവ ആരോപണമാണുള്ളത്​.

മൊ​ബിലൈസേഷൻ അഡ്വാൻസിന്​​ ഹരജിക്കാരൻ ചുമത്തിയ പലിശ നിലവിലെ സർക്കാർ നിരക്കുകളേക്കാൾ കുറവായിരുന്നുവെന്നത്​ ഗൗരവതരമാണ്​​. പിന്നീടും ഒ​ട്ടേറെ തവണ ഒന്നാം പ്രതിയെ സഹായിച്ചതായും രേഖകൾ ചൂണ്ടിക്കാട്ടുന്നു. ഏറെക്കാലം ഭരണത്തി​​െൻറ ഉന്നതങ്ങളിലുണ്ടായിരുന്നതിനാൽ സ്വാധീനശക്​തിയുള്ള വ്യക്​തിയാണെന്നും ഇദ്ദേഹത്തി​​െൻറ കീഴ​ുദ്യോഗസ്​ഥരായിരുന്ന ഇപ്പോൾ സർവിസിലുള്ള ഉദ്യോഗസ്​ഥരിൽ സ്വാധീനം ചെലുത്താനാവു​മെന്നുമുള്ള പ്രോസിക്യൂഷൻ വാദം കോടതി തള്ളിയില്ല. കള്ളപ്പണം ഉപയോഗിച്ച്​ സൂരജ്​ ഭൂമി വാങ്ങിയതായി ചോദ്യം ചെയ്യലിൽ സമ്മതിച്ചിട്ടുണ്ട്​. അനധികൃത സ്വത്ത്​ സമ്പാദനത്തിന്​ ഒരു കേസിൽ കുറ്റപത്രം നൽകിയിട്ടുണ്ട്​​. മറ്റ്​ 16 പരാതികളിലും അന്വേഷണം നടക്കുകയാണ്​. ഇക്കാരണങ്ങളാൽ അന്വേഷണത്തി​​െൻറ ഈ ഘട്ടത്തിൽ ജാമ്യം അനുവദിക്കുന്നത്​ തുടരന്വേഷണത്തിന്​ ഗുണകരമാവില്ലെന്ന്​ കോടതി വിലയിരുത്തി.

രണ്ടാം പ്രതി ടെൻഡർ നടപടിക്രമങ്ങളിൽ തുടക്കം മുതൽ പങ്കാളിയായിരുന്നു. കരാറുകാർക്ക്​ മൊ​ബിലൈസേഷൻ അഡ്വാൻസ്​ നൽകാൻ വ്യവസ്​ഥയില്ലെന്ന്​ അറിയാമായിരുന്നിട്ടും അതിനായി ശിപാർശ ചെയ്​തു. ടെൻഡർ തുറന്ന സമയത്ത്​ കൃത്രിമം കാട്ടിയതായും അന്വേഷണത്തിൽ കണ്ടെത്തിയിട്ടുണ്ട്​. ആർ.ഡി.എസ്​ കമ്പനി അപാകതയുള്ള ടെൻഡറാണ്​ നൽകിയതെന്നത്​​ മൂന്നാം പ്രതി മറച്ചുവെച്ചതാണോ ചട്ടലംഘനം നടത്തിയതാണോയെന്ന്​ കണ്ടെത്തേണ്ടതുണ്ട്​.​ മൂന്നാം പ്രതിയുമായി ബന്ധപ്പെട്ട കേസി​​െൻറ രേഖകൾ പിടിച്ചെടുത്തിട്ടു​ണ്ടെന്നും കോടതി വിലയിരുത്തി. തുടർന്നാണ്​ തടവിൽ കഴിഞ്ഞ കാലവും അന്വേഷണ പുരോഗതിയും വിലയിരുത്തി ഉപാധികളോടെ ജാമ്യം അനുവദിച്ചത്​.